Wali amuyumpi Jesusan kayup arkapjjañäni

Taqeniw Jesusat yateqasis sarnaqañasa, yamas yantʼata, jan ukajj arknaqat uñjasktan ukhajj jukʼampïñapawa (1Pe 2:21-23). Jesusajj janipuniw jiskʼachatajj jan wali arunakampi kuttʼayirïkänti, ni wal tʼaqeskasas ukham lurirïkänti (Mr 15:29-32). ¿Kunas ukham aguantañatak yanaptʼpachäna? Jesusatakejj Jehová Diosan munañap lurañaw nayrankäna (Jn 6:38). “Nayraqatapan uskutäkäna uka kusisiñatwa” lupʼirakïna (Heb 12:2).

Diosar creyitasat tʼaqesiyat uñjasktan ukhajja, ¿kunsa jiwasajj lurtanjja? Cheqpach cristianonakajj janiw khitirus “jan walit jan walimpi” kuttʼayktanti (Ro 12:14, 17). Jesusat yateqasis jan walinak aguantktan ukhajja, Diosaruw kusisiytanjja, ukaw jiwasarus kusisiyarakistu (Mt 5:10-12; 1Pe 4:12-14).

JEHOVÁ DIOSAN SUTIPAKIW NAYRANKAÑAPA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• Gertrud Poetzinger kullakajj carcelan jistʼantatäkäna ukhajja, ¿tiempo ina chʼusar jan aptʼasiñatakejj kunsa luräna?

• Martin Poetzinger jilatampi Gertrud kullakampejja, ¿kuna jan walinakansa campos de concentración ukan uñjasipjjäna?

• ¿Kunas jupanakarojj aguantañatak yanaptʼäna?