Bibliat sapak yatjjatkasin suma yatichäwinak apsupjjañäni

KUNATSA UK LURAÑAJJ WAKISI. Diosan Arupat sapak yatjjatañajja, “qhawqchʼäkitejj cheqa yatichäwinakajj anchorusa, largorusa, altorusa, manqharusa” uk sum amuytʼañatakiw yanaptʼistu (Ef 3:18). Aka jan wali pachan jan kuna juchani qʼoma sarnaqañatakiw yanaptʼarakistu. Ukatjja, ‘jakañ churir arunak taqe chʼamampi katjjaruñatakiw’ yanaptʼistu (Flp 2:15, 16). Bibliat sapak yatjjatkasajja, kuna toqetti yatjjatañ munktan ukanakwa ajlltʼassna. ¿Kunjamsa Bibliat liytʼkasasa yatjjatkasas tiempos jan ina chʼusar aptʼasksna?

KUNJAMSA UK LURSNA

• Estudiañatak utjkistu uka imprimit Bibliasaruw yaqhep versiculonak marctʼassna jan ukajj notanak qellqtʼassna. Tabletasarusa jan ukhajj yaqha ukhamanakarus ukhamarakiw lursna.

• Diosan Arup liytʼkasajja akhamwa jisktʼasiñasa: “Khiti”, “kuna”, “kawkjana”, “kunapacha”, “kunjama”, “kunata”.

• Kunatï paskäna uk sumwa yatjjatañasa. Ukatakejj kuna yanaptʼanakatï thaqañatak utjkistu ukanwa kuna toqettï yatjjatañ munktan uk thaqtsna jan ukajj versiculonak thaqtsna.

• Kuntï liytʼktan ukanakat lupʼiñasawa, ukhamatwa kunjamsa yanaptʼistaspa uk amuyañäni.

• Kuntï yateqktan ukarjamaw sarnaqañasa (Lu 6:47, 48).

SAPAKI YATJJATAÑAJJA DIOSAN ARUPARJAM SARNAQAÑATAKIW YANAPTʼISTU SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Bibliat sapak yatjjatañ toqet kunsa yaqhep jilat kullakanakajj sapjje?

• ¿Kunatsa janïr yatjjatkasajj orasiñasa?

• ¿Mä texto sum amuyañatakejj kunas yanaptʼistaspa?

• ¿Estudiañ Bibliasarojj kunjamsa marctʼassna?

• ¿Diosan Arupat yatjjatkasajj kunatsa lupʼiñasajj wali wakiskiri?

• ¿Kuntï yateqktan ukampejj kunsa lurañasa?