Jehová Diosajj qʼoma sarnaqapki ukanakarojj munasiwa

Walja awk taykanakajja wawanakaparojj amparap jareqasiña, cuartop qʼomachaña, pichthapiña, basuranak mayawjaruk uchañ yatichapjje, ukhamat qʼoma sarnaqerïpjjañapataki. Jehová Diosajj santowa, ukatwa Jupajj qʼomäñas muni (Éx 30:18-20; Dt 23:14; 2Co 7:1). Cuerpos jareqasipuntan, kunatï utjkistu ukanaksa qʼom apnaqastan ukhajja, Diosaruw jachʼañchtanjja (1Pe 1:14-16). ¿Utasasa uta anqanakasas qʼomäskiti? Yaqhepanakajj basuranak thakinakaru, plazanakaruw jaqtañ yatipjje, ukampis Diosan servirinakapajj aka oraq jan qʼañuchañatakiw chʼamachastanjja (Sl 115:16; Ap 11:18). Sañäni, dulce papelanaksa, refresco botellanaksa, chiclenaksa janiw kawkjarukis jaqtktanti, ukhamatwa qʼom jakasiñ munatas uñachtʼaytanjja. Taqe kun lurkasasa ‘Diosan servirinakapjamaw uñtʼayasiñ muntanjja’ (2Co 6:3, 4).

JEHOVÁ DIOSAJJ QʼOMA SARNAQERINAKARUW MUNASI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunanakatï maynin utjki ukanak jan qʼomachañatakejj kamsapjjes yaqhepanakajja?

• ¿Jehová Diosajj qʼoma sarnaqañ toqet kamsisa uk amuyañatakejj kunjamsa Moisesan Leyipajj yanaptʼistu?

• ¿Kunjamsa jan kun kamsasaki Jehová Diosar jachʼañchsna?