Jukʼamp Sum Yatiyañataki: Wakiski ukarjamaw parltʼañasa

KUNATSA UK LURAÑAJJ WAKISI. Ajllit cristianonakasa yaqha ovejanakasa, ‘jakañ churir umat gratisak umtʼapjjañapatakiw’ taqe kasta jaqenakar invitapjje (Ap 22:17). Uka umajja, kunanaktï Diosajj juchampita jiwañampit taqe chuym istʼasirinakar salvañatak lurawayki ukamp sasiwa. Kunayman costumbrenïpki, kunayman religionar creyipki ukanakar yanaptʼañatakejja, sapa maynejj kunjamatsa jukʼamp yatiñ munapjjaspa ukarjamaw ‘wiñay suma yatiyäwinak’ parltʼañasa (Ap 14:6).

KUNJAMSA UK LURSNA

• Territorioman jakirinakarojj kuna toqet parlañasa, kawkïr texto liytʼarapiñas chuymapar purtʼaspa ukwa ajlltʼañama. Yatiyañatak yanaptʼajj utjki ukatwa ajlltʼasma jan ukajj kuna toqet parltʼañas yanaptʼawaytam ukampiw parltʼarakisma. ¿Kuna toqenakat parltʼañasa ukat kawkïr textonak liytʼañas yanaptʼistaspa? ¿Kuna noticiatsa jaqenakajj wal parlapjje? ¿Chachanakasa warminakas kuna toqet yatiñsa wal munapjje?

• Parlkasajja, jakaskta uka cheqan kunjamsa aruntasiñ yatipjje, kuna costumbrenïpjjesa ukanakatwa amuytʼañama (2Co 6:3, 4).

• Bibliat yatichañatak herramientanakajj utjkistu uka qellqatanaksa videonaksa sum uñtʼañamawa, ukhamatwa Diosat yatiñ munapki ukanakamp parltʼäta.

• Territorioman kuna arunaktï parlapki ukarjamaw qellqatanaksa videonaksa Internetat apaqtʼasiñama.

• Kunanakatï jaqenakar yanaptʼkaspa ukarjamaw parltʼañama (1Co 9:19-23). Sañäni, utanintï mä munat familiarapajj jiwchi ukhajj ¿kuna toqetsa parltʼasma?

VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Yatiyirejj kuna toqet parlasas yatiyañ qallti?

• ¿Kunas utanirojj pasaskäna?

• ¿Kuna texto liytʼarapiñas wakisïna ukat kunatsa?

• Territorioman jakapki uka jaqenakan istʼañ munapjjañapatakejj ¿kunjamsa parltʼirïta?