BIBLIAN SUMA YATICHÄWINAKAPA | GÉNESIS 9-11
Taqe jaqenakajj mä arukwa parlapjjäna
Jehová Diosajj jan istʼasir jaqenakarojja, jupanakan arup mayjtʼayasaw Babel cheqan aywitatayäna. Ukampis Diosajja, kunayman markanakaru kunayman aru parlir jaqenakaruw jichhürun tantachthapiski, jupanakarojj ‘qʼoma aru’ yatichaski, ukhamat “taqenin Diosaru yupaychapjjañapataki, ukatsti mayakiraki Diosaru servipjjañapataki” (Sof 3:9; Ap 7:9). Uka ‘qʼoma arojja’, Jehová Diosata ukat jupan amtanakapat Biblian yatichaski uka cheqa yatichäwinakawa.
Mä aru yateqañajja, janiw arunak pʼeqer yatsuñakïkiti. Antisas maynejj mä aru yateqkasajj mayj amuytʼañwa yateqañapa. Ukhamarakiw ‘qʼoma aru’, mä arunjja kunatï cheqäki uk yateqktan ukhajj amuyusajj mayjtʼi (Ro 12:2). Ukatakejj sapürunjam chʼamachasiñaw wakisi, ukaw Diosan markapan mayachtʼatäñapatak yanaptʼi (1Co 1:10).