¿Kunanaksa cancionanakat yateqsna?

JW Broadcasting^® programan utjki uka cancionanakat ¿kawkïrinakas gusttam? ¿Kunatsa gusttamjja? ¿Cancionanakan uñstki uka videonakajj kunjamtï jakasktan ukanakwa uñachtʼayi sasmati? Kunayman cancionanakaw utji, ukanakat mayakis gustpachätamwa. Ukampis taqe ukanakajj janiw aleq kusistʼañatakïkiti.

Uka cancionanakajj jakäwisansa Diosan arunakap yatiyañatakis wal yanaptʼistaspa. Yaqhep cancionanakajj katoqtʼasirïñata, mayachtʼatäñata, amigonakanïñata, jan ajjsarirïñata, munasirïñata ukat Diosar confiyañatwa parli. Yaqhepanakasti Jehová Diosar kuttʼjjañata, mayninakar perdonañata, sapüru Diosatakjam sarnaqañata ukat kunaymanit Diosar serviñatwa parlaraki. Celulara amuyumpi apnaqañatsa mä cancionajj parlarakiwa. Uka cancionanak istʼasajj ¿kunanaksa yateqta?

SINTI JAKʼANKIWA SAT MUSICAN VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Chuymankipstat uka chacha warmejj Bibliankir kawkïr promesapatsa lupʼipjjäna? (Gé 12:3).

• ¿Jehová Diosajj taqe promesanakapwa phoqani sasin jukʼamp confiyañatakejj kunsa lursna?

• ¿Akat mä jukʼarojj khitinakampis jikisjjañäni?

• Diosan Reinopajj kunanaktï lurkani uk yatiñajj ¿kunjamsa jichhürun jan walinak aguantañatak yanaptʼistu? (Ro 8:25).