¿“Yatiyañatak yanaptʼanaka” siski ukampejj kunjamsa yanaptʼassna?

Uka yanaptʼajja, Cristianjam Jakañataki ukat Yatiyañataki. Tantachäwin yatjjatañataki sat qellqatanwa, 2018 marat aksaru mistuwayi. ¿Kunjamsa uka cheqamp yanaptʼassna?

Asignacionanak katoqktan ukapacha. “Yatiyañatak yanaptʼanaka” sat cheqan utjki uka jisktʼampiw parlañ qalltsna, ukankir textwa liytʼaraksna ukatjja mayamp kuttʼañatak jisktʼajj utjki ukwa jaytaraksna. Ukampis janiw kunjamtï yateqasiñatak videonakan uñachtʼayaski uka pachpa arunak repitiñajj wakiskapuniti. Sañäni, kunjamanakantï jikjjataskañäni ukarjamaw parltʼsna, jan ukajj yaqha toqet parlasaw qalltsna. Instruccionan mä qellqat jaytam sasajj janis siskchejja, Bibliat yatichañatak utjkistu uka herramientanakatwa may jaytaraksna.

Predickasa. “Yatiyañatak yanaptʼanaka” sat cheqajja, kunjamsa jaqenakamp sum parltʼsna uka amtap luratawa. Utanitï Bibliat jukʼamp yatjjatañ munaspa ukhajja, jupampejj parltʼaskaksnawa, inas “Revisita” siski ukarjam parltʼsna jan ukajj yaqha toqetwa parltʼsna. Sañäni, yaqha phajjsinakan mistkäna uka yanaptʼampi jan ukajj yaqha textompiw territoriosankir jaqenakan chuymapar purtʼsna. Jan ukajj inas uka cheqan mä kunan pasatapajj yatischi, ukarjamaw parltʼsna. Yatiyañatak yanaptʼanakampejja, kunjam parltʼañay wakischini ukarjamaw parltʼsna. Ukampis ak janipun armapjjañäniti: ‘Suma yatiyäwinak laykuw taqe kun lurtanjja, ukhamat yaqha jaqenakar suma yatiyäwinak yatiyañataki’ (1Co 9:22, 23).