SUM YATICHAÑATAK CHʼAMACHASIÑÄNI | BIBLIAT YATICHASAJJ JUKʼAMP KUSISITÄÑATAK CHʼAMACHASIÑÄNI
Bibliat yatjjatañatak yanaptʼanaka
Jehová Diosajj suma yatichirïñasatakejj walja yanaptʼanakwa churistu. Sañäni: videonaka, tratadonaka, revistanaka, folletonaka, libronaka, ukat sipansa Biblia churistu (2Ti 3:16). Bibliat jukʼamp yatjjatañatakis herramientanakwa churarakistu. Ukanakajj akanakawa: Watchtower Library, JW Library®, Watchtower™ INTERNETANKIR BIBLIOTECA ukhamarak Jehová Diosan Testigonakapan Bibliat yatjjatapjjañapataki.
Biblian suma yatichäwinakap thaqañatak utjkistu uka herramientanak sum apnaqasajj kusisitäñäniwa. Kunjamsa uka herramientanak apnaqapjjarakispa ukwa estudionakamarojj yatichañama. Ukhamatwa Biblia toqet jisktʼanipkani ukhajja, jupanak pachpa yatjjatasajj wal kusisipjjani.
JESUSAN DISCIPULOPAR TUKUYAÑAJJ KUSISKAÑAWA. JEHOVÁ DIOSAN YANAPTʼAP KATOQAPJJAÑÄNI: BIBLIAT YATJJATAÑATAK YANAPTʼANAKA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
Diosan luratanakapat ¿kunsa Rositajj amuyäna?
¿Kawkinsa Ritajj información thaqäna?
Biblian suma yatichäwinakap thaqañasa, maynir yatichañas wal kusisiyistu.
Kawkir qellqatas Rositar yanaptʼaspa ukjja ¿kunjamsa Ritajj ajllïna?
Bibliat yatjjatañatak yanaptʼanakajj utjkistu ukanakamp yanaptʼayasisajj ¿kunjamakis Ritajj jikjjatasïna?