¡Niyaw paraison jakasjjañäni sasin taqenir yatiyam!

Noviembre phajjsin mä campañaw utjani, taqeniruw niyaw mä suma oraqen jakasjjañäni sasin yatiyañäni (Sl 37:10, 11; Ap 21:3-5). ¿Uka campañan yanaptʼañatakejj tiempo apstʼassnati? Uka phajjsejja precursor auxiliaranakajj 30 jan ukajj 50 horanakakwa yatiyapjjaspa.

Campañanjja paraisot parlir mä texto jaqenakatak liytʼarapita. Janïr mä texto liytʼkasajja, territoriomankir jaqenakajj kuna toqetsa yatiñ munapjjaspa uk sumwa amuytʼäta. Maynitï nayrïr visitan jukʼamp yatiñ munani ukhajja, Yatiyañataki (yatiyir sarañataki) payïri, 2021 revistwa jaytäta. Uka jaqemp wasitat jankʼakiw parltʼäta, ¡Wiñayatakiw kusisit jakasisma! sat folletompiw Bibliat yaticharakïta. ¡‘Suma yatiyäwinak’ yatiyañatak chʼamachasiñajj wali kusiskañawa! (Is 52:7).

PARAISON KUSISITAW JAKASJJAÑÄNI SAT MUSICAN VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Jiskʼa imill wawajj jutïrin kun phoqasiñapsa imaginasiski?

• ¿Jutïrin kunanak phoqasiñapsa jumajj wal suyaskta?

• Noviembre phajjsin apaskani uka campañan taqe chuyma yanaptʼañatakejja, ¿kunatsa paraisot lupʼiñajj chʼamañchtʼätam? (Lu 6:45).