¡Wiñayatakiw kusisit jakasisma! sat librompi Jehová Diosaru Jesusar confiyapjjañapatak yanaptʼam

Bibliat yateqerinakajja, Diosar kusisiyañatakejj juparuw jukʼamp confiyapjjañapa (Heb 11:6). ¡Wiñayatakiw kusisit jakasisma! sat librojj jaqenakan chuymapar purtʼañatakiw yanaptʼistu. Ukan wakiskir textonaka, amuytʼkay ewjjtʼanaka, suma amuytʼat jisktʼanaka, suma uñachtʼäwinaka, videonakaw utji. Yateqerinakarutï Diosan serviripjam sarnaqapjjañapataki, amigopäpjjañapatak yanaptʼañäni ukhajja, jan walinakan uñjaskasas janiw jupat jitheqtapkaniti (1Co 3:12-15).

Diosarojj janiw uñjktanti, ukatwa walja jaqenakajj ‘kunjamarak Diosan amigopäsnasti’ sasin sapjje. Ukatwa Jehová Diosar uñtʼapjjañapataki, confiyapjjañapatakejj yanaptʼañasa.

“¡WIÑAYATAKIW KUSISIT JAKASISMA!” SAT LIBROMPI DIOSAR CONFIYAPJJAÑAPATAK YAQHANAKAR YANAPTʼAPJJAM SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunjamatsa kullakan Bibliat yatichañatak sum wakichtʼasitap yattanjja?

• Isaías 41:10, 13 texto yateqerir liytʼayasajja, ¿kuna yaqha jisktʼanakampis yateqerin arstʼañapatakejj yanaptʼäna?

• ¿Videosa Bibliat mä texto liytʼkäna ukas kunjamsa yateqerir yanaptʼäna?

Walja jaqenakajja, Jesusajj vidap loqtaski ukajj kunjamsa yanaptʼistu uk janiw amuyapkiti, janirakiw Diosan mä regaloparjamas uñjapkiti (Gál 2:20). Ukatwa Jesusajj vidap loqtaski ukar confiyapjjañapatak yanaptʼañasa.

“¡WIÑAYATAKIW KUSISIT JAKASISMA!” SAT LIBROMPI JESUSAR CONFIYAPJJAÑAPATAK YAQHANAKAR YANAPTʼAPJJAM SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunjamatsa jilatan Bibliat yatichañatak sum wakichtʼasitap yattanjja?

• ¿Kunjamsa jilatajj “Jukʼamp yatjjatañamataki” sat cheqampejj yateqerir yanaptʼäna?

• ¿Kunatsa orasiñajj yateqeritak wali wakiskirejja?