Septiembre phajjsin Bibliat yatichañ qalltañatak campaña

Septiembre phajjsinjja, ¡Wiñayatakiw kusisit jakasisma! sat folletompi walja jaqenakar Bibliat yatichañ qalltañatakiw chʼamachasiñäni. Uka phajjsejj precursor auxiliaranakajj 30 horanakwa lurapjjaspa. ¿Kunjamsa uka campañajj apasini?

• Yatiyañ qalltasa. Utanin Bibliat yateqañ munañapatakejja, folleton qhep qhepa paginapan utjki ukarjamaw yatiyañ qalltäta, kunjamsa Bibliat yatichasi ukwa uñachtʼayarakïta. Revisitanakatsa, nayrajj Diosan arunakap istʼañ munapkäna ukanakatsa janiw armasiñamäkiti. Inas yaqhepajj Bibliat yatichayasiñ jan munkchïnti, ukampis jichhajja uka folletojj gustaspawa, kunjamsa jichhajj yatichasjje ukas gustarakispawa. Jan jaqenïki uka utanakarojj janiw folletojj jaytasiñapäkiti, Diosan arunakap jan istʼañ munapki ukanakarus janirakiw folletojj cartamp chik apayasiñapäkarakiti. Uka phajjsejj walja urunak predicañatakejja, Comité de Servicio ukankir jilatanakaw congregacionan amtapjjani.

• Yaqha horasanaka. Congregacionantï carritonakampi yatiyañajj utjchi ukhajja, ¡Wiñayatakiw kusisit jakasisma! sat folletojj uchasispawa. Maynitï folleto apasiñ munchi ukhajja, uka folletompiw Bibliat yatichapjjerisma sasaw sañama. Kunjamsa Bibliat yatichtan ukwa qhanañchtʼasma, jan ukajj yaqha uru qhanañchtʼañatakiw amtawayapjjarakisma. Superintendente de servicio jilatajja, experienciani yaqhep publicadoranakaruw territorionkir negocionakan Bibliat yatichañ ofresipjjañapatak mayispa. Kawk sarkasasa, jan ukajj trabajonsa, maynimp Bibliat parlkäta ukhajja, “¿janit Bibliat yatichayasiñ munkasma?” sasaw jisktʼäta.

Jesusajja, jaqenakar jupan discipulopar tukuyañasataki, yatichañasatakiw mayistu (Mt 28:19, 20). ¡Wiñayatakiw kusisit jakasisma! sat folletompi Bibliat yatichañ qalltañatak campañajja, uk phoqañatakiw yanaptʼistani.