Suma ewjjtʼanak jikjjatañatakejj Internetan jw.org cheqan thaqtam

Aka qhepa urunakan jan waltʼäwinakar saykatañatakejja, Diosan Arupanwa yanaptʼanak jikjjatsna (2Ti 3:1, 16, 17). Ukampis awisajja, mä jan walin uñjastan ukatakiw Diosan ewjjtʼanakapsa, Biblian wiñay yatichäwinakapsa muntanjja. Sañäni, ¿wawanakam sum uywañatakejj yanaptʼa muntati? ¿Esposomana jan ukajj esposaman jiwatapatti wali llakitäskta? Wayn tawaqo, ¿Diosar confiyatamajj yantʼatat uñjasi? Uka toqet parliri yatichäwinaksa ukat yaqha ukham yatichäwinaksa, Internetan jw.org cheqanwa Biblian ewjjtʼanakap jikjjatasma (Pr 2:3-6).

Ukatakejja, Internetan jw.org cheqan “Biblian yatichäwinakapa” siski ukar mantasin mä yatichäwi thaqtam (foto 1). Jan ukajj “Biblioteca” siski ukar mantasin “Catálogo de artículos” uk español arun thaqtam, ukatjja mä yatichäwi ajllïta (foto 2). Uka pachpjja, JW Library^® ukanwa jikjjatarakïta.a ¿Uka yatichäwinak uñjjattʼasmati? Maysa toqetjja, Internetan jw.org cheqan “Thaqañataki” siski ukar qellqtʼasaw munkta uka yatichäwi thaqtarakisma.

“Thaqañataki” siski ukarojj aka aynachan uñstki uka arunakwa qellqtʼasma, ukatsti liytʼañ munkta uka yatichäwinakwa qellqtʼasisma:

• Wawanakar yatichaña

• Wayn tawaqonakatak yanaptʼanaka

• Jiwatanakat cheqa yatichäwi