Internetan utjkistu uka cheqajja: taqenitak wali askiwa
Jesusajja, Reinon suma yatiyäwinakap ‘oraqpachanwa yatiyapjjäta, ukhamat taqe markanakan yatipjjañapatakiʼ sasaw ewjjtʼawayistu (Mat. 24:14). Ukhamajj uka ‘lurañanak sum phoqhañatakiw’ Internetan watchtower.org, jw-media.org, ukat jw.org sat cheqanakajj mayaruk apthapisiwayjje (2 Tim. 4:5). Aymaratjja, jw.org/ay satawa.
“Aka oraqpachanwa”. Niya sapa kimsanitjja, mayniw oraqpachan Internetar manti. Cheqas waljaninakatakejja, jukʼampis wayn tawaqonakatakejja, Internetajj wakiskiripuniwa, ukanwa kunayman yatichäwinak jikjjatapjje. Internetan mä cheqajj utjkistu ukanjja, Biblia toqet jisktʼasipki ukanakaruw qhana arump qhanañchi. Ukat Diosan markapar sum uñtʼañatakis yanaptʼarakiwa, ukhamarak jan kun churas Bibliat yatichayasiñ munirinakatakis mayiñajj janiw chʼamäkarakiti. Ukhamat Diosan Reinopat suma yatiyäwinakajj kawkhanakantï jan yatiyaski ukawjanakar puriñapataki.
“Taqe markanakan[wa]”. Ukhamajja, ‘taqe markanakaru’ yatiyañatakejja, Biblian cheqa yatichäwinakapjja, kunayman arutwa yatiyañasa. Khitinakatï jw.org sat cheqar mantapkani ukanakajja, niya 400 arunakatwa yatichäwinak jikjjatapjjani, cheqas janiw Internetan yaqha cheqajj ukham utjkiti.
Uka yanaptʼjja sum apnaqapjjañäni. Internetan jw.org cheqajja, janiw jaqenakar yatichañatakik wakichatäkiti. Jan ukasti Jehová Diosan Qhanañchirinakapajj jukʼamp yatjjatapjjañapatak wakichtʼatarakiwa. Jumatï Internetanista ukhajja, jw.org uka cheq sum uñtʼañamatakiw chʼamañchtʼapjjsma. Ukat kunjamsa uka cheqar mantsna ukatak mä qhawqha yanaptʼanakwa jichhajj uñjañäni.
[3 janan diagramapa]
(Sumpach amuytʼañatakejj qellqatan mistki uk uñjjatañamawa)
Akhamatwa mantasma
1 Internetar mantañataki mä cheqajj utjki ukar www.jw.org sas qellqtʼma.
2 Ukat jiskʼa pʼeqenchäwinak utjki ukar chʼetjjtayasin kuna toqettï yatjjatañ munkta uk thaqtma.
3 Celularamantï jan ukajj ukar uñtasit yaqha aparatonak Internetar mantañataki utjstam ukhajja, jw.org sat cheqar mantañatakiw yantʼasma. Celularamajj kawchʼachiy ukarjamaw ukchʼpach uñstani.