CRISTIANJAM JAKAÑATAKI
Jehová Diosajj kunjamtï uñjktam ukhamarak juma pachpajj uñjasim
“Jehová Diosajj markapampejj wali kusisitawa” (Sl 149:4). Pantjasirïkstansa Jehová Diosajj kuna sumanaktï lurktan, qhawqtï lurirjamäktan ukanakwa uñji. Ukampis awisajja, kunjamtï Jehová Diosajj uñjkistu ukham jiwas pachpar uñjasiñajj chʼamakïspawa. Mayninakajj jan sum uñjapkistu, jan ukajj nayrajj pantjasiwayktan ukhaw janis kunatak sirvksna, Jehová Diosan jiwasar munasiñapajj janis wakiskaspa ukham amuyassna. ¿Jumatï ukham amuyassta ukhajj kunas yanaptʼiristam?
Ak amtapunim, Diosajj janiw kunjamtï jaqejj uñjki ukham uñjkiti (1Sa 16:7). Jupajja kunanaktï jiwas pachpat jan uñjasktan ukanakwa uñji. Biblian yanaptʼapampejja, kunanaksa Jehová Diosajj maynit uñji ukanakwa yatsna. Biblian yaqhep versiculonakapa, sarnaqäwinakap amuykiptʼäta ukhajja, qhawqsa Diosajj servirinakapar munasi uk sumwa amuyäta.
QHAWQSA DIOSAJJ MUNASISTU UKAT JAN PAYACHASIÑÄNITI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
Jehová Diosajj kunjamsa uñjistu uka toqetjja, ¿kunsa mä tʼijurimpita papitopampit parlir uñachtʼäwejj yatichistu?
Mä cristianotï jachʼa juchar purtʼasiwaychi ukat Diosamp sum apasiñatak chʼamachasjjarakchi ukhajja, ¿qhawqsa Diosajj jupar munasi ukat jan payachasiñatakejj kunsa luraspa? (1Jn 3:19, 20).
¿David ukat Jehosafat reyinakan sarnaqäwipat liyiñasa lupʼiñas kunjamsa jilatarojj yanaptʼäna?