CRISTIANJAM JAKAÑATAKI
Bullying lurapjjätam ukhajj Jehová Diosampiw yanaptʼayasiñama
Maynejj bullying luristaspa, mä arunjja, maynejj jiskʼachistaspa ajjsarayistaspa, usuchjistaspa ukhajja, wali llakita, aynachtʼataw jikjjatassna. Janiw ukakïkiti, Diosar creyitasat jiskʼachapkistu ukanakar ajjsarsna ukhajja, Jehová Diosamp sum apasiñsa aptʼassnawa. ¿Bullying luratajj kunjamsa jarkʼaqasisma?
Diosan servirinakapat waljanejja, Jehová Diosamp yanaptʼayasisajj bullying luratajj janiw aynachtʼapkiti, atipjapjjewa (Sl 18:17). Ester reinat parltʼañäni, jupajj jan ajjsartʼirïnwa. Diosan markapar jiskʼachiri, ajjsarayiri Hamán chachajj kuna jan walinaktï lurañ amtaskäna uk jan ajjsartʼasaw reyir yatiyäna (Est 7:1-6). Ester reinajj reyimpi janïr parlkasajj ayunänwa ukhamatwa Jehová Diosar confiyatap uñachtʼayäna (Est 4:14-16). Jehová Diosajj taqe ukanak luratapat bendisïnwa, salvarakïnwa, janiw juparuk salvkänti markpacharuw salvarakïna.
Wayn tawaqo jumarutï bullying lurapjjstam ukhajja, Jehová Diosaruw yanaptʼa mayiñama, mä jilïr jilataru jan ukajj mä jilïr kullakaruw uk yatiyañama, papitumaru jan ukajj mamitamaruw yatiyañama. Jehová Diosajj kunjamtï Ester reinar yanaptʼkänjja, ukhamarakiw jumar yanaptʼätam. ¿Jumatï bullying lurata uñjassta ukhajj kunampsa lurarakisma?
QʼAJJO WAYN TAWAQÖKASA: ¿KUNSA BULLYING LURAPJJETANI UKHAJJ LURIRISTJJA? SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
¿Kunsa wayn tawaqonakajj Charlie jilatampit Ferin kullakampit yateqasipjjaspa?
¿Kunsa awk taykanakajj uka videot yateqapjjaspa?