Referencias marginales ukanakamp yanaptʼayasim

Machaq Mundon Jakirinakataki Biblia liytʼkasajja, yaqhep arunak tukuyarojj jiskʼa letranakwa uñjäta. Ukanakajj referencias marginales ukanak utjatapwa uñachtʼayi. Imprimit Biblianïsta ukhajja, uka jiskʼa letranak sapa paginankir mä columna chika taypinwa katusma, ukhamat referencias marginales ukanak liytʼañataki. Jw.org cheqansa JW Library^® aplicacionans utjarakiwa, referencias marginales ukanakar mantañatakejj jiskʼa letranakar limtʼañakiw wakisi. Ukhamatwa mä pachpa toqet jukʼamp qhanañchir textonak jikjjatäta. Ukajj Bibliankir yaqhep textonakajj mä pachpa toqetak parlatapwa uñachtʼayi.

Referencias marginales ukanakajj kunanak jikjjatañatakis yanaptʼistu uk jichhajj uñjañäni:

Mä pachpa toqet parlir textonak jikjjatañatakiw yanaptʼistu. Sañäni, 2 Samuel 24:1 texton payïr referencia marginalapajj 1 Crónicas 21:1 textoruw api. Uka textojja, kuntï 2 Samuel 24:1 textojj parlki uka pachpatwa parlaraki.

Pachpa arunak yaqha texton jikjjatañatakiw yanaptʼistu. Sañäni, Mateo 4:4 texton referencia marginalapajj Deuteronomio 8:3 textoruw api. Ukajj Mateo 4:4 textonkir arunakajj Deuteronomio 8:3 textot aytasitapwa uñachtʼayi.

Profecianakan phoqasitap jikjjatañatakiw yanaptʼistu. Sañäni, Zacarías 9:9 textonjja mä profeciaw uñsti, uka profecian phoqasïwipajj Mateo 21:5 textonkiwa. Uka textojj Zacarías 9:9 texton referencia marginalapawa.