Aka oraqejj jukʼat jukʼatwa jan waltʼaski | ¿Kunsa Diosan Reinopajj lurani?

“Aka oraqen qʼala tukjatätap yatisajja jaqenakajj walpun llakisipjje. Wali jachʼa thayanakan utjatapajj kunayman jan walinakwa aka oraqen utjayi, uka thayanakajj walja utanaka ukhamarak kunatï jakañatak wakiski ukanakwa tukjawayi. Jachʼa lamar qotanakas jukʼat jukʼatwa juntʼutatjje, ukhamätapat walja chawllanaka jan ukajj uman jakir walja animalanakaw jutïrin jan utj-jjaniti” (Inger Andersen, secretaria general adjunta de las Naciones Unidas y directora ejecutiva del Programa de las Naciones Unidas para el Medio Ambiente, 25 de julio de 2023).

¿Aka oraqen utjki uka jan walinak gobiernonakajj chhaqtayañ puedipjjpachäniti? ¿Jupanakajj uka jan walinak wiñayatak chhaqtayañatakejj chʼamanïpjjeti?

Bibliajja mä gobiernot parlkasajj akham siwa: ‘Alajjpachankir Diosajj yaqha reino uttʼayani’ sasa. Uka gobiernow aka oraq apnaqani, kuna jan walinakatï aka oraqen utjki ukanaks askicharakiniwa (Daniel 2:44). Uka gobiernon apnaqatajja, jaqenakajj aka oraq wali sum cuidapjjani. “Janiw jupanakajj kuna jan walsa lurapkaniti, janirakiw kuna jan waltʼäwsa utjayapkaniti” (Isaías 11:9).