Jan usuntas jakasiña | ¿Kunsa Diosan Reinopajj lurani?

“COVID-19 usojj janiw taqe markanakan ajjsaratäjjeti, ukhamäkchisa aka oraqpachankir jaqenakajj uka usut cuidasisipkakiñapawa. […] Jutïrin uka pandemiar uñtat yaqha usojj utjkani ukatakejja, wakichtʼatäñasawa” (Tedros Adhanom Ghebreyesus, director general de la Organización Mundial de la Salud, 22 de mayo de 2023).

COVID-19 usu utjatapatjja walja jaqenakaw jañchi toqen tʼaqesisipkaki, uka toqet lupʼisas llakisisipkakiwa. Yaqha pandemiajj jutïrin utjkani ukatakejja, ¿gobiernonakasa jaqenakat llakisir organizacionanakas wakichtʼatäpjjeti? Mä arunjja, ¿jichha tiempon utjki uka usunak chhaqtayañ puedipjjpachäniti?

Bibliajja “alajjpachankir Diosajj yaqha reino”, jan ukajj yaqha gobierno uttʼayani sasaw qhanañchi, uka gobiernow aka oraqen utjki uka usunak chhaqtayani (Daniel 2:44). Aka “oraqen jakirinakatjja janiw khitis ‘usutätwa’ sisjjaniti” (Isaías 33:24). Taqeniw jan usuntas jakasipjjani, wayn tawaqonakjam chʼamanïpjjarakiniwa (Job 33:25).