¿Sapakit jikjjatasta? ¿Kunas yanaptʼiristam?

• “‘Sapakïkiristsa ukhamwa amuyastjja’ sasaw Estados Unidos markankirinakat niya chikat jaqenakajj sapjje. Jilapartejja, kimsa tunka mara jilanïpki ukanakaw ukham amuyasipjje” (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Informe de la máxima autoridad en salud pública de Estados Unidos sobre la soledad y el aislamiento], 2023).

• “‘Sapak jikjjatasiñajj usuntayistaspawa, ukatwa jaqenakajj jan sapak jikjjatasipjjañapatakisa, purapat yanaptʼasipjjañapatakisa, qollqenïsipkpasa janisa taqe markanakar yanaptʼañatakisa, Comisión sobre Conexión Social ukaw utj-jjani’ sasin Organización Mundial de la Salud ukajj yatiyawayi” (15 de noviembre de 2023).

Bibliajja, jaqenakajj purapat sum apasipjjañapatakejj suma ewjjtʼanakaniwa.

Biblian wiñay yatichäwinakapa

Mayninakat jayarstʼaykiristam uka lurañanakat jitheqtam. Redes sociales ukanak sint uñañajja, mayninakatwa jayarstʼayistaspa. Ukhamajj ukanak sint uñaskañat sipansa, kunanaktï mayninakamp sum apasiñatakisa, jupanakar sum uñtʼañatakis yanaptʼkiristam ukanak lurañatak chʼamachasim.

• Biblian wiñay yatichäwipa: “Cheqpach amigojja taqe tiempon munasiriwa, mä cheqpach amigojja jan walinakajj utjki ukhajj mä jilar uñtasitawa” (Proverbios 17:17).

Mayninakar yanaptʼañatak chʼamachasim. Jaqe masisar yanaptʼañajj jupanakamp sum apasiñatakiw yanaptʼistu, chuymas chuyma ukat jukʼamp kusisitäñatakiw yanaptʼarakistu.

• Biblian wiñay yatichäwipa: “Katoqañat sipansa churañanwa jukʼamp kusisiñajj utji” (Hechos 20:35).

Suma amigonakanïñatakejj kuna yaqha textonakas yanaptʼiristam uk yatiñ munsta ukhajja, Internetan jw.org cheqar mantam.