¿Kunas 2024 maran kusisitäñatak yanaptʼistaspa? | ¿Bibliajj uka toqet kamsisa?

“2024 maran kunayman jan walinakaw utjani” sasaw walja jaqenakajj amuyapjje. Ukampis mä suma suytʼäwiw jutïritak utji, Bibliaw uk sum qhanañchistu.

Bibliarjamajja, ¿kunjamas jutïrin jakasjjañäni?

Jichhürunakanjja, jan waltʼäwinakajj janis askichasirjamäkaspa ukhamawa, ukampis Diosaw ukanak askichani sasaw Bibliajj yatichi, kunsa jaqenak laykojj lurani uksa yaticharakiwa. Bibliajj akham siwa: “Diosajj taqe jachanakapwa nayranakapat picharani, janiw jiwañajj jukʼamp utj-jjaniti, janirakiw llakisiñasa, jachañasa ni usuyasiñasa jukʼamp utj-jjaniti” (Apocalipsis 21:4).

Biblian promesanakapat jukʼamp yatiñ munsta ukhajja, “La esperanza real de un mañana mejor” sat yatichäwi liytʼam.

¿Kunjamsa Bibliajj jichhürunakan yanaptʼistaspa?

Bibliajj jutïrit parlki ukajja, aynachtʼayir amuyunakampi apayasiñat sipans kusisit jakasiñatakiw yanaptʼistaspa (Romanos 15:13). Janiw ukakïkiti, jichhürunakan qollqet pistʼata, jan cheqaparjam uñjata, usuta jan ukajj yaqha ukhamanakanwa uñjassna, ukanakar saykatañatakiw Bibliajj yanaptʼarakistaspa.

Pisin jakasiri mä chacharojj kusisit jakasiñatakisa, sumak jikjjatasiñatakis kunjamsa Bibliajj yanaptʼawayi uk yatiñatakejja, Juan Pablo Zermeño: Jehová Diosaw jakäwijan kusisiñ yatichitu sat video uñtam.
Maynin jiwatapat jan sint llakisiñatakisa, jiwatapat jan juchañchasiñatakis ¿kunjamsa Bibliajj yanaptʼistaspa? Uk yatiñatakejj “¿Puedo encontrar consuelo en la Biblia?” sat yatichäwi liytʼam.
Ejerciton walja maranak serviri mä warmejja, “jan khitits llakisiri, jan sinttʼasiri jaqëtwa” sasaw säna. Ukampis Biblian yanaptʼapwa jikjjatawayi, uka toqet jukʼamp yatiñatakejj “Cambié las armas por la Biblia” sat video uñtam.

¿2024 maran jumasa familiamasa kusisit jakasipjjasmati? Jïsa, Bibliaw ukatak yanaptʼapjjeristam. Ukatakejja, gratisak Bibliat maynimp yatichayasiñatakiw chʼamañchtʼapjjsma, ukhamatwa kunjamsa Diosajj ‘sumankañsa mä suma suytʼäwsa jutïritak churiristam’ uk yateqäta (Jeremías 29:11).