Jesucristow jan walinak lurir jaqenakarojj tukjani

Jan wali jaqenakampi tʼaqesiyat uñjasiñajj kunja jan walisa uk Jesusajj sum yati. Juparojj kʼarintapjjänwa, ina chʼusatwa nuwjapjjäna, juzgapjjäna, wal tʼaqesiyas jiwayapjjarakïna. Jesusajj janis kuna jan walsa lurkchïnjja, jaqenak laykuw jiwäna, “ukhamat waljanir juchat kutsuyañataki” (Mateo 20:28; Juan 15:13). Jichhajja, Jesusajj Diosan Reinopan Reyipawa. Ukhamajj niyaw jan walinak lurapki uka jaqenakarojj tukjani, oraqpachan taqe jaqenakajj cheqaparjam uñjatäpjjañapatakiw yanaptʼarakini (Isaías 42:3).

Jesusajj jan wali jaqenakar tukjkani uka qhepat kunjamas jakasjjañäni uk Bibliajj akham siwa:

• “Jan wali jaqenakajj janiw utj-jjaniti, kawkjantï jupanakajj jakapkäna uka lugarar uñtkäta ukhajja, janiw jupanakajj ukankjjapjjaniti. Ukampis llampʼu chuymaninakajj oraqwa katoqapjjani, jan tukuskir sumankañampiw jupanakajj wal kusisipjjarakini” (Salmo 37:10, 11).

Kuntï Jesusajj lurawayki jutïrinsa lurkani ukat yuspäratas ¿kunjamsa uñachtʼaysna? Jesusajj yatiykäna uka “Diosan Reinopat” suma yatiyäwinakatwa yatjjatañasa, jupajj uka yatiyäwinakatwa aka oraqenkkäna ukhajj predicäna (Lucas 4:43). Uka toqet jukʼamp yatiñatakejja, “¿Qué es el Reino de Dios?” sat yatichäwi liytʼam.