¿Kunjamatsa aka jan wali tiemponakan kusisit jakassna? | ¿Bibliajj uka toqet kamsisa?

Aka jan wali tiemponakan kunjamanakansa uñjasiñäni ukajj janiw yatiñjamäkiti. Ukampis kusisitäñajja, janiw kunjamanakansa uñjasktan ukarjamäkiti, jan ukasti, kunjam chuymampis ukanakar saykattan ukarjamawa. Ukatwa kunjamtï Biblian siskejja, “kusisit chuymani jaqejja [jan walinakan uñjaskasas] sapüruw kusisit jakasi” (Proverbios 15:15). ¿Kunjamatsa jumajj jukʼamp kusisitäsma? Bibliaw yanaptʼiristamjja, uka toqet jichhajj mä qhawqha ewjjtʼanak uñjañäni.

Jan sint llakisimti

Bibliajj akham siwa: “Llakisiñajj jaqen chuymaparojj aynachtʼayiwa, ukampis mä suma arojja chʼamañchtʼiwa” sasa (Proverbios 12:25).

• Jan sint llakisiñatakejj Bibliaw yanaptʼiristamjja. Uka toqet jukʼamp yatiñatakejja, “¿Qué dice la Biblia sobre la ansiedad?” siski uka yatichäwi liytʼam.

Suma amigonak thaqam

Bibliajj akham siwa: “Cheqpach amigojja taqe tiempon munasiriwa, mä cheqpach amigojja jan walinakajj utjki ukhajj mä jilar uñtasitawa” sasa (Proverbios 17:17).

• Bibliarjamajja, jan sapakïñatakejj suma amigonakanïñaw yanaptʼistaspa, uka toqet jukʼamp yatiñatakejja, “Sapak jan jikjjatasiñatakejj amigonakanïñatak chʼamachasim: Bibliajj yanaptʼiristamwa” siski uka yatichäwi liytʼam.

Diosaru ukat jaqe masimar munasiñatak chʼamachasim

Bibliajj akham siwa: “Jehová Diosamarojj taqe chuymamampi, taqe almamampi, taqe amuyumampi munasiñamawa. [...] Jaqe masimarojj juma kikparjam munasiñamawa”a sasa (Mateo 22:37-39).

• Orasiñaw Diosar jukʼamp munasiñatak yanaptʼätam. Uka toqet jukʼamp yatiñatakejja, “¿Diosajj oracionanakas istʼpachati?” siski uka yatichäwi liytʼam.

• La Regla de Oro sasin uñtʼatäki ukarjam jaqe masisar uñjasaw jupanakar munasitas uñachtʼaysna. Uka toqet jukʼamp yatiñatakejja, “¿Qué es la Regla de Oro?” siski uka yatichäwi liytʼam.

Bibliat yatjjatañajja, aka jan wali tiemponakan kusisit jakasiñatakiw yanaptʼiristamjja. Ukatwa Bibliat yateqañataki mä curso katoqañamatak chʼamañchtʼapjjsma, uka cursojj gratisakiwa.