Wayn tawaqo ‘suma luräwinak’ lurañatak chʼamachasim

Apóstol Pablojj Diosan amuytʼayatäsajj Titor carta qellqäna ukanjja, waynanakajj ‘suma luräwinak’ lurañatakiw chʼamachasipjjañapa sasaw säna, Titomppacharuw ukham säna (Tit 2:6, 7). Ukatsti, uka pachpa capitulonjja, Jehová Diosan markapajj qʼomachatäniwa ‘ukhamat suma luräwinak taqe chuyma lurañapataki’ sasaw sarakïna (Tit 2:14). Uka suma luräwinakat maynejja, Diosan Reinopat yatiyaña, yatichaña ukawa. Wayn tawaqo, ¿chʼamanïkasajj precursor auxiliarata jan ukajj regularat servismati? (Pr 20:29, NM).

Precursorat serviñ amtasksta ukhajja, kunanak lurañas uk phoqañatakejj yanaptʼiristam ukwa sum amuytʼañama (Lu 14:28-30). Sañäni, ¿precursorat servisajj kunampis jakäta? ¿Kunjamsa horanakam phoqäta? Uka toqet Jehová Diosaruw mayisiñama (Sl 37:5). Kun lurañtï amtaskta uk awk taykamampi, experienciani precursoranakampiw amuykiptʼañama. Ukatjja, uka amtam phoqañatakiw chʼamachasiñamaraki. Jehová Diosar serviñataki chʼamachasitamarojj Jupajj bendisïtamwa.

JEHOVÁ DIOSAR JACHʼAÑCHIR WAYN TAWAQONAKA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Precursoräñatakejj kunanakarus yaqhep jilat kullakanakajj atipjawayapjje, kunjamsa uk lurapjjäna?

• ¿Kunjamsa awk taykanakajj wawanakapan precursor regularat servipjjañapatakejj yanaptʼapjjaspa?

• ¿Kunatsa predicañatakejj mä horarionïñasa?

• ¿Kunsa jilat kullakanakajj precursoranakar yanaptʼañataki chʼamañchtʼañatakejj lurapjjaspa?

• ¿Kuna bendicionanaksa precursoranakajj katoqapjje?