Yatiqaskañ sarnaqäwinaka: Pisin jakasir viuda warmi
Templonxa, Jesusax qullq churirwa qamirinakar uñjäna. Ukat uka jaqinak taypinsti, mä pobre ijma warmiruw “pä jiskʼa cobret lurat qullqi” uchir uñjarakïna (Lucas 21:2). Ukham khuyaptʼayasirïtapatxa, Jesusax sum jupat parli. ¿Kunatsa? Kunattix “mayninakax jiltʼäkis ukatak churapxi. Aka warmisti pobrëkasinwa qawqhatï jakañapatak utjki ukjpach churi” sasaw säna (Marcos 12:44).
¿Jumax ukham amuyunirakïtati? ¿Jumax tiempomsa ukat qullqimsa Diosar luqtañatak churañ munasmati? Kawkhantï Jehová Diosar luqtañataki tantachasktan uka uta askichañataki yanaptʼasawa uka viuda warmjam lurarakisma. Ukatxa, tiempomsa qullqimsa jaqi masimar Diosat yatxatañ yanaptʼañatakiw churarakisma. Uka viudax jukʼitaks Diosar luqtañataki churkchïnxa, Jehová Diosax amuyänwa ukat wali askitwa uñjarakïna. Jumatakix taqi kunat sipansa Jehová Diosar luqtañatï jukʼamp wakiskirïchixa, Jupax ukhamarakiw jumarux uñjätam ukat yanaptʼarakïtamwa (Mateo 6:33).