¿Diosan arunakap yatiyañataki mä territorio mayisismati?
1. ¿Kunatsa yatiyañatak mä territorio mayisiñamajj wakisispa?
1 Tamamantï jachʼa territoriojj utjchi ukhajja, utam jakʼan territorio utjki ukjja, churapjjeristamwa. Ukat ukajj juman territoriomäjjaspawa. Organizados sat libron 103 janapanjja, mä territorionïñajj ‘jan tiempo ina chʼusar aptʼasiñasatakiw yanaptʼistu’ sasaw qhanañchi. Ukat akham saskakiwa: ‘Yatiyañatakejja, yaqha jilataruw jan ukajj kullakaruw jawstʼaraksna’ sasa.
2. Yatiyañataki mä territorio mayisktan ukampejj ¿kunjamsa grupjam yatiyktan ukar yanaptʼsna?
2 Grupjam yatiyktan ukar yanaptʼañatakiwa. Jumarutï trabajkta uka jakʼan mä territorio churapjjstamjja, manqʼañ horasaru jan ukajj trabajo tuktʼayasawa yatiyasma. Jan ukajja, trabajom jakʼan inas mä jilatas jan ukajj mä kullakas trabajarakchi, jupampiw yatiyarakisma. Ukat uta jakʼamarutï yatiyañatak mä territorio churapstamjja, jaypʼunakaw familiamampi yatiyapjjasma. Ukat grupomp chika jan yatiyir mistkäta ukhajja, janïr yatiyïr sarkasajj Jehová Diosarojj yanaptʼap mayiñamapuniwa (Fili. 4:6). Ukampisa, grupomampi yatiyir mistuñamajja wakisipuniwa, walja jilat kullakanakajja, seman tukuyanakaw mistupjje, ukhamajj jupanakamp chika mistuñajj wali wakiskiriwa.
3. Yatiyañataki mä territorio mayisisajj ¿kuna askinakas jikjjatsna?
3 ¿Kuna askinakas utji? Mä territorio yatiyañataki mayisïta ukhajja, kuna horasaruy yatiyañ munchïta ukhaw yatiyasma ukat yatiyañatakis utjapunïtamwa. Niyakejjay utam jakʼana jan ukajj trabajom jakʼan yatiychïtajja, walja horanakaw jaqenakamp parlañatakejj utjätam. Ukham lurasajja, precursor auxiliarjam jan ukajj regularjam qhawqha horanakatï mayiski uk phoqhañajj janiw chʼamäkaniti. Niyakejjay mä territorionak yatiychïtajja, Bibliat yateqañ munirinakajj vecinonakamäniwa, jupanakar wasitampi visitir kuttʼañasa ukat Bibliat yatichañ qalltañasa janirakiw chʼamäkaniti. Ukat yaqhep pachajja, uka territorio tukuyasin janïr kuttʼaykasajja, inas mayampi uka pachpa territorion yatiyañamajj wakischini, ukhamäni ukhajja, uka territorionkirinakarojja, jukʼampiw uñtʼäta ukat jupanakasa uñtʼjjapjjarakïtamwa. Mä territorio mayiñajja, ¿taqenir yatiyañatakejj jumarus ukat familiaramarus yanaptʼapjjeristamti? (2 Tim. 4:5.)