Jehová Diosan amigopätas valoranit uñjañäni

Jehová Diosar jakäwip katuyasipki, bautisasipkaraki uka testigonakajja, Taqe Chʼamani Jehová Diosan suma amigopäpjjaspawa. Diosajj Yoqap toqew jupan ukar irpistu (Jn 6:44). Oracionanakas istʼarakistuwa (Sl 34:15).

Diosan amigopätas jan aptʼasiñatakejj ¿kunsa lursna? Janiw kuna jan walinaktï israelitanakajj lurapkäna ukanak lurañasäkiti. Jupanakajj Jehová Diosamp mä pacto lurasajj jankʼakiw mä vaca qallu qorit lursusipjjäna, adorapjjarakïna (Éx 32:7, 8; 1Co 10:7, 11, 14). Akham jisktʼasiñäni: “¿Jan walinak lurañatak yantʼat uñjasisajj kunsa lurtjja? Jehová Diosan amigopäñajj wali valoraniwa, ¿luratanakajajj valoranit uñjatajti uñachtʼayi?” sasa. Jehová Dios Awkisarutï wal munasiñänejja, kunanakatï jupatak jan walïki ukanak janiw lurkañäniti (Sl 97:10).

JEHOVÁ DIOSAN AMIGOPÄTAS JAN APTʼASIÑÄNITI (COL 3:5) SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Maynitakik taqe kuns munañajj kamsañsa muni? Uk qhanañchtʼam.

• Jiwasatakik taqe kuns munañajj idolonakar adorañampi sasiwa ¿kunatsa ukamp jan apayasiñasäki?

• ¿Kunansa adulterio juchampi idolonakar adorañampejj niya igualakïpjje?

• ¿Congregacionan luräwinakanïpki uka jilatanakajj kunatsa esposanakapat llakisipjjañapa?