JUKʼAMP YATJJATAÑATAKI RECUADRO 20A

Oraqew jalanoqasi

Oraqejj kawkjat kawkjakamänisa uk sum qhanañchasitapajja, yaqha markar apata judionakarojj ‘markasajj cheqapuniw sumaptayatäni’ sasin confiyapjjañapatakiw yanaptʼäna. Kunanaksa uka visionat yateqsna uk jichhajj pä toqet yatjjatañäni.

Kunjamtï Ezequielajj uñjkänjja, yaqha markat kuttʼanirinakajj herenciat katoqapjjañapäkäna ukajj kawkjat kawkjakamänsa ukaw aka mapan uñjasi. Oraqejj mä igualakiw taqpach tribunakar churasi. Norte toqetwa Dan tribumpi qalltasi, ukjjarojj Aser, Neftalí, Manasés, Efraín, Rubén, Judá, Benjamín, Simeón, Isacar, Zabulón, Gad tribunakaruw oraqejj churasi, uka tribunak taypinjja Diosatak yaqhachat oraqew utjaraki.

Diosan markapan mä lugaranïña

Markapar kuttʼiri judionakajja, Suma Oraqen herenciat taqeniw oraqe katoqapjjañapäna. Paraisonjam Diosar adorktan ukanjja, ukhamarakiw Jehová Diosan taqe servirinakapajj mä lugaranïtanjja. Diosan markapan kuntï lurktan ukajj janis valoranïkaspa ukhamsa amuykstanjja, taqeniw Diosan markapan mä lugaranïtanjja, kuntï lurktan ukas wali valoranit uñjatarakiwa. Jehová Diosajj taqpach servirinakaparuw wali valoranit uñji.

Mä igualak uñjatäña

Ezequielajj visionan uñjkän ukarjamajja, Suma Oraqen utjkäna uka oraqenakajj sapa maynitakiw bendicionanak utjayäna. Jichha urunakanjja taqenirakiw Jehová Diosarojj mä paraisonjam adorsna, jupan bendicionanakapsa katoqaraksna.

20 Yatichäwi, párrafos 5-11 ukar kuttʼañataki