37 YATICHÄWI
¿Bibliajj trabajotsa qollqetsa kamsisa?
¿Jumajj trabajotsa qollqetsa llakisirïtati? Kunatï jakañatak wakiski uk jikjjatañasa, Jehová Diosar taqe chuyma serviñas chʼamakïspawa. Biblianjja uka toqet parlir suma ewjjtʼanakaw utji, ukanakaw yanaptʼistaspa.
1. ¿Trabajo toqet Bibliajj kamsisa?
Diosajj trabajosan kusisitässna ukwa muni. Bibliajj akham siwa: ‘Mä jaqen wali chʼam tukusin trabajitapat kusistʼañapajj wali sumawa’ sasa (Eclesiastés 2:24). Jehová Diosajj wali trabajtʼiriwa. Jupjam wali trabajtʼirïtan ukhajja, juparojj kusisiytanwa jiwasas kusisiraktanwa.
Trabajiñajj importantewa, ukampis janipuniw trabajosajj Jehová Diosar serviñat sipans nayrankañapäkiti (Juan 6:27). Diosar serviñajj jakäwisan nayrankani ukhajja, kunatï jakañatak wakiski uk jupajj churapunistaniwa.
2. ¿Kunjamsa qollqerojj uñjañasa?
‘Qollqejj jarkʼaqestuwa’ sasaw Bibliajj qhanañchi, ukhamäkchisa janiw qollqejj cheqpach kusisiñ churkistaspati sasaw qhanañcharaki (Eclesiastés 7:12). Ukatwa Bibliajj jan qollqe chuymäñasatak ewjjtʼistu, ukatjja “kunanakatï utjapktam ukanakampejj kusisitakïpjjam” sasaw sarakistu (Hebreos 13:5 liytʼäta). Kunanakatï utjkistu ukanakampejj kusisitakïñäni ukhajja, janiw qollqe jukʼamp jikjjatañat llakiskañäniti, janirakiw manunakarus mantkañäniti (Proverbios 22:7). Ukatjja janiw qollqe layku anatañanakar mitiskañäniti ni jan walinakansa uñjaskañäniti, janirakiw jankʼak qamiriptañ munkañäniti.
3. ¿Kunjamsa jan kun suyasa wajjtʼasirïtas uñachtʼaysna?
Jehová Diosajj wali wajjtʼasir Diosawa. Jiwasajja taqe chuyma ‘wajjtʼasirïtan’, kunatï utjkistu ukanaksa yaqhanakamp ‘comparttan’ ukhaw jupat yateqasitas uñachtʼaytanjja (1 Timoteo 6:18). Wajjtʼasirïtasjja congregacionan gastonakapatak qollqemp yanaptʼasa, khitinakatï yanaptʼa munapki ukanakar yanaptʼasa, jilpachajj jilat kullakanakasar yanaptʼasa, jan ukajj yaqha ukhamanakan yanaptʼasaw uñachtʼaytanjja. Taqe ukanakjja janiw interés laykojj lurktanti. Jehová Diosatakejja qhawqha qollqsa churtan ukat sipansa, kunatsa churtan ukaw jukʼamp importantejja. Jiwasatï taqe chuyma churañäni ukhajja, kusisitäñäniwa Jehová Diosarus kusisiyarakiñäniwa (Hechos 20:35 liytʼäta).
JUKʼAMP YATJJATAÑÄNI
Trabajosar jan añcha chuyma uchasasa, kunatï utjkistu ukanakamp kusisitakïsas kuna sumanaksa jikjjatsna uka toqenakatwa jichhajj yatjjatañäni.
4. Wali trabajtʼirïsajj Jehová Diosaruw jachʼañchtanjja
Jehová Diosan amigopäñ munstan ukhajja, jiwasatakejj jupar serviñaw trabajot sipansa nayrankañapa. VIDEO uñtasajja aka toqetwa parltʼapjjäta:
Trabajopan Juliojj kunjamäkänti ukatjja, ¿kunas jumarojj jukʼamp musparaytamjja?
¿Trabajop nayrar jan uchañatakejj kunsa luräna?
Colosenses 3:23, 24 liytʼasajja aka toqetwa parltʼapjjäta:
¿Kunatsa taqe chuymampi trabajiñajj importantejja?
Trabajiñajj importantëkchisa, janipuniw Jehová Diosar serviñat sipansa nayrankañapäkiti.
5. Kunatï utjkistu ukanakampejj kusisitakïñasawa
Walja jaqenakajja qollqe wal imkatañatakiw chʼamachasipjje, ukampis Bibliajj janiw uk lurañatakejj chʼamañchtʼkistuti. 1 Timoteo 6:6-8 liytʼasajja aka toqetwa parltʼapjjäta:
¿Kamsasas Bibliajj ewjjtʼistu?
Jukʼa qollqenïkasas kusisitäsnawa. VIDEO uñtasajja aka toqetwa parltʼapjjäta.
¿Kunatsa uka familianakajj jukʼa qollqenïkasas wali kusisitäpjje?
¿Walja qollqenïkasas jukʼamp qollqe munaskakiñajj walikïskaspati? Ukham amuyañajja kuna jan walirus purtʼasiyistaspa uk mä uñachtʼäwimpiw Jesusajj qhanañchäna. Lucas 12:15-21 liytʼasajja aka toqetwa parltʼapjjäta:
¿Jesusajj parlkäna uka uñachtʼäwit kunsa jumajj yateqta? (Lucas 12:15 uñjjattʼapjjäta).
Proverbios 10:22 liytʼasajja, 1 Timoteo 6:10 textompiw igualtʼayapjjäta. Ukatjja aka toqetwa parltʼapjjäta:
¿Jehová Diosan amigopäñati jan ukajj walja qollqenïñach jukʼamp importantejja? ¿Kunatsa ukham amuyta?
¿Qollqe chuymäñajj kuna jan walinakarus purtʼasiyistaspa?
6. Jehová Diosaw kunatï jakañatak munaski ukanak churistani
Jan trabajonïktan, qollqet pistʼatäkaraktan ukhaw qhawqsa Jehová Diosarojj confiytan ukajj qhan amuyasispa. Ukhamanakan uñjasisajj kunas yanaptʼistaspa uk yatiñatakejja VIDEO uñtapjjäta, ukatjja aka toqetwa parltʼapjjäta:
¿Kuna jan walinakansa videonkir jilatajj uñjasïna?
¿Kunsa jan aynachtʼañatakejj luräna?
Mateo 6:25-34 liytʼasajja aka toqetwa parltʼapjjäta:
Jupar serviñ nayrar uchapki ukanak laykojja, ¿kun lurañsa Jehová Diosajj arsuwayi?
YAQHEPANAKAJJ AKHAM SAPJJEWA: “Familiajar manteniñatakejj wal trabajiñajawa, janiw sapa semanajj tantachäwinakar sarkiristti” sasa.
Jehová Diosar serviñ nayrar uchañaw trabajot sipansa jukʼamp sumajja sasin amuyañatakejja, ¿kawkïr textos yanaptʼtamjja?
¿KUNSA YATEQAWAYTAN?
Trabajiñasa qollqesa wakiskirïkchisa, janiw ukanak laykojj Jehová Diosat jitheqtañasäkiti.
Amtañataki
¿Kunas trabajor jan sinti chuym uchañatakejj yanaptʼirïstam?
¿Kunatï utjktam ukanakampi kusisitakïñajj kunjamsa yanaptʼiristam?
Jehová Diosajja kunatï jakasiñatak wakiski uk churañwa servirinakaparojj arsuwayi, ¿kunjamsa jumajj jupar confiyatam uñachtʼayasma?
JUKʼAMP YATJJATAÑAMATAKI
Bibliarjamajja qollqe munañajj walikïskiti janicha uka toqet yatjjatam.
“¿Tiene el dinero la culpa de todos los males?” (Artículo de jw.org)
Kuntï churktan ukampejj kunjamsa Jehová Diosar kusisiysna uk yatjjatam.
¿Qollqe layku anatañajj jan walipuniti?
“El punto de vista bíblico: Los juegos de azar” (¡Despertad!, marzo de 2015)
Qollqe layku anatiri, lunthatasiri mä jaqerojj kunas cambiañatak yanaptʼäna uk yatjjatam.
“Me apasionaban las carreras de caballos” (La Atalaya, 1 de noviembre de 2011)