Chuyma pʼakintat uñjasiña
Mayninakajj arunakapar jan phoqapki ukhasa, jan walinak lurapkistu ukhasa, jan ukajj traicionapkistu ukhas chuyma pʼakintataw uñjassna
Bibliankir aka sarnaqäwinakaw yanaptʼistaspa:
1Sa 8:1-6. Israelitanakajj “nanakar apnaqañapatakejj mä rey churapjjeta” sasin sapkäna ukhajja, Samuel profetajj wali chuyma ustʼataw jikjjatasïna.
1Sa 20:30-34. Mä kutejj Jonatanajj wali llakitapuniw uñjasïna, kuna laykutejj Saúl tatapaw jupatak wal colerasïna.
Chʼamañchtʼkir textonaka:
Bibliat apstʼat chʼamañchtʼkir textonaka:
Sl 55:12-14, 16-18, 22. Kunapachatï Ahitofel amigopajj Davidar traicionkäna ukhajja, David reyejj Jehová Diosaruw llakinakap yatiyäna, Diosasti juparojj chuymachtʼarakïnwa.
2Ti 4:16-18. Apóstol Pablojj mä yantʼan uñjasïna ukhajja taqeniw jaytanukupjjäna, ukampis Jehová Diosaw jupar chʼamañchtʼäna, mä suma suytʼäwi churarakïna.
Jan walinak lurañ munatasata ukhamarak pantjasitas laykuw chuyma pʼakintat uñjassna
Bibliankir aka sarnaqäwinakaw yanaptʼistaspa:
Sl 51:1-5. Jehová Dios contra juchachasisajja, David reyejj chuymas kawkstʼataw jikjjatasïna.
Ro 7:19-24. Apóstol Pablojj ‘cuerpojajj jucha lurañaruw mä presor uñtat apitu’ sasaw säna, ukatwa wali llakkañ jaqëkaspas ukham amuyasïna.
Chʼamañchtʼkir textonaka:
Bibliat apstʼat chʼamañchtʼkir textonaka:
1Re 9:2-5. Davidajj wali jachʼa juchanakarus purtʼaskchïnjja, Jehová Diosajj taqpach chuymampi cheqaparjam sarnaqeritwa Davidar uñjaskakïna.
1Ti 1:12-16. Apóstol Pablojj kunayman jan walinaksa nayrajj lurkchïnjja, ‘Jehová Diosaw nayar khuyaptʼayaskitani’ sasaw jupajj confiyäna.