Maynimpiruw Oraqpachan Jilïr Irpirïñatak uttʼayasi

Septiembre 5, 2012 maranjja, miércoles alwaw Estados Unidos ukat Canadá markanakan Betel utan ak yatiyasïna: ‘Septiembre 1, 2012 maratjja, Mark Sanderson jilataw Jehová Diosan Qhanañchirinakapan Oraqpachan Jilïr Irpirinak taypin uttʼayatäjje’ sasa.

Sanderson jilatajj cristiano familia taypinwa jilsuwayi San Diego (California, Estados Unidos) markana. Jupajj febrero 9, 1975 maranwa bautisasïna. Ukat Saskatchewan (Canadá) markanwa septiembre 1, 1983 maran precursorjam irnaqañ qalltäna. Diciembre 1990 maranwa Escuela de Entrenamiento Ministerial (jichhajj Soltero Jilatanakan Bibliat Yatjjatapjjañapatak Escuela) satäkis ukatjja paqallqöri yatichäwit Estados Unidos markan mistüna. Ukat abril 1991 maranwa Terranova (Canadá) islar precursor especialjam khitapjjäna. Febrero 1997 maranwa Canadá markan Betel utan irnaqtʼañapatak invittʼapjjäna, ukhakamajj awisajj tamanak tumptʼirjamaw irnaqtʼäna. Ukat noviembre 2000 maranwa Estados Unidos markankir sucursalar jawstʼapjjäna, ukanjja Servicios de Información sobre Hospitales satäkis ukanwa irnaqtʼäna, qhepatsti Departamento de Servicio ukanwa irnaqtʼarakïna.

Septiembre 2008 maranwa Sanderson jilatajj Sucursal Sarayirinakataki Escuelar saräna, ukatjja Filipinas markankir Sucursal Sarayañatakiw uttʼayatäna. Septiembre 2010 maranjja, wasitatwa Estados Unidos markar kuttʼañapatak jawstʼapjjäna, ukanwa Oraqpachan Jilïr Irpirinakan Comité de Servicio ukan yanapiripjam irnaqtʼäna.