Watchtower INTERNETANKIR BIBLIOTECA
Watchtower
INTERNETANKIR BIBLIOTECA
Aymara
ʼ
  • kʼ
  • tʼ
  • pʼ
  • chʼ
  • qʼ
  • BIBLIA
  • QELLQATANAKA
  • TANTACHÄWINAKA
  • w14 10/1 págs. 8-9
  • Diosan Reinopajj ¿kunsa juma laykojj lurani?

Janiw videojj utjkiti

Disculpapjjeta, janiw aka video uñjañjamäkiti

  • Diosan Reinopajj ¿kunsa juma laykojj lurani?
  • Yatiyañataki, Jehová Diosan Apnaqäwipat yatiyaski 2014
  • Uka toqet jukʼamp yatjjatañataki
  • Diosan Reinopajj ¿kunatsa Jesusatakejj wakiskirejja?
    Yatiyañataki, Jehová Diosan Apnaqäwipat yatiyaski 2014
  • Biblia toqet jisktʼanaka
    Yatiyañataki, Jehová Diosan Apnaqäwipat yatiyaski 2014
  • Diosan Reinoparojj jichhaw apoyañasa
    Yatiyañataki, Jehová Diosan Reinopat yatiyaski (yatiyir sarañataki) 2020
  • Jesusax kunsa Diosan Apnaqäwipat yatichäna
    Yatiyañataki, Jehová Diosan Apnaqäwipat yatiyaski 2010
Jukʼamp uñjañataki
Yatiyañataki, Jehová Diosan Apnaqäwipat yatiyaski 2014
w14 10/1 págs. 8-9
Mä chacha warmiw Reino toqet Jehová Diosan Qhanañchirinakapampi yateqasipki

NAYRÏR JANAN PʼEQEÑCHÄWIPA | DIOSAN REINOPAJJ ¿KUNSA JUMA LAYKU LURANI?

DIOSAN REINOPAJJ ¿kunsa juma layku lurani?

Jehová Diosan Qhanañchirinakapajj Diosan Reinoparojj wali askitwa uñjapjje, uk nayrïr yatichäwinakan amuyaniwaypachätawa. Diosan Reinopajj kuna bendicionanaktï jutïrin apankani ukanakat inas mä qawqhanakat yatjjatañ munsta. Ukampis Diosan arsuta bendicionanakajj wali sumapunirakisä, ukajj ¿cheqapunïpachati? sasin inas jisktʼasiraksta.

Cheqas janiw kuntï istʼktan taqe ukanak creyiñasakïkiti, antisas amuytʼasirïñasawa (Proverbios 14:15). Nayra Bereaa markankïr cristianonakajj ukwa lurapjjatayna. Diosan Reinopat suma yatiyäwinak nayrïr kuti istʼapkäna ukhajja, janiw uka arunakarojj jankʼak creyipkänti. Antisas “uka arunakajj ¿cheqapunïpachati janicha?” uk sum yatjjatapjjäna (Hechos 17:11). Mä arunjja, kuntï istʼapkäna ukajj Diosan Aruparjamat janicha ukwa yatjjatapjjäna, ukatsti cheqapunïskatapwa yatjjapjjäna.

Jehová Diosan Qhanañchirinakapajja, Berea markankir cristianonakjam yatjjatañamatakiw chʼamañchtʼapjjsma. Jan qollqe mayisaki Bibliat yatichapkta ukaw kuntï Diosan Reinopat nanakajj amuyapkta ukajj Diosan Aruparjamati mä arunjja, Biblian yatichäwiparjamati janicha uk amuyañatak yanaptʼätamjja.

Janiw Diosan Reinopatak yatjjatkätati, jan ukasti aka wakiskir jisktʼanakan qhanañchäwipsa yatjjatarakïtawa.

  • ¿Kawkitsa juttanjja?

  • ¿Kunatakis aka Oraqen jakpachätanjja?

  • ¿Kunatsa Diosajj tʼaqhesiñanak jan jankʼak tukjkpacha?

  • ¿Kamachis jiwjjtan ukhajja?

  • ¿Aka Oraqejj tukjatäpachäniti?

  • ¿Kunjamatsa familianakajj kusisitäpjjaspa?

Janiw ukakïkiti, Bibliat yatjjatañajj ‘Diosar jakʼachasiñamatakiw’ mä arunjja, Diosamp sum apasiñamatakiw yanaptʼätam (Santiago 4:8). Diosampi jukʼamp sum apasisajja, kuntï Diosan Reinopajj jichhürunsa, jutïrinsa juma layku lurkaspa uk amuyañajj janiw jumatakejj chʼamäkaniti. Jesusajj akham sasaw Awkipar mayïna: “Aka wiñay jakañajj juma sapa cheqpach Diosar uñtʼañanwa utji, ukhamarak Jesucristoru kawkïrirutejj jumajj khitankta ukaru” sasa (Juan 17:3).

Aka librompiw Jehová Diosan Qhanañchirinakapajj Bibliat yatichapjje.

Jumatï Bibliat yatichayasiñ munstajja, jupanakaruw jisktʼasma, jan ukajj Internetan jw.org/ay cheqar mantasaw mayisma. (“Jan kun mayisakiw Bibliat yatichapjjerisma” siski ukar chʼitjjtayam.)

a Berea markajj nayra Macedonia markankänwa.

Diosan Reinopajj ¿kunatsa jupatakejj wali wakiskirejja?

Folake

Folake sat 10 marani mä imill wawajja, escuelapan aka toqetwa qellqañapäna: “¿Akapachan kunsa jukʼamp muntjja?”. Jupajj kunatsa Diosan Reinopat jaqenakar wal parlañ muni uka toqetwa qellqatayna.

Akham sasaw qellqäna: “Diosan Reinopajj mä cheqpach gobiernowa, ukampis jan uñjkayawa; lente uchtʼassna ukhasa, janiw uñjksnati” sasa.

Ukat kuna jan waltʼäwinakatï llakisiyki uk mä qawqha qhanañchtʼasajja, Diosan Reinopajj kunjamsa ukanak askichani ukwa qhanañchtʼäna. Akham sasaw qellqäna: “Callenakan jakapki uka jaqenakat lupʼta ukhajja, wal llakista” ukat “aka oraqpachan walja cheqanakan wawanakajj manqʼatjam jiwapki ukanakatsa ukhamaraki” sasa. “Ukampis Isaías 65:21 qellqat leytʼasajja, wal kusista” sasaw sarakïna. Diosan Reinopajj aka Oraqjjaru apnaqjjani ukhajj kunjamänisa ukjja, akham sasaw uka qellqatanjj qhanañchi: “Jaqenakasti utanak utachasipjjani, ukan jakasipjjarakini, uvanak yapuchasipjjani, uka yaputjja manqʼasipjjarakini” sasa.

Diosan Reinopaw usuntañanak chhaqtayjjani ukwa suyaskta sasaw sarakïna. Qellqatapanjja, Apocalipsis 21:4 qellqatwa aytarakïna ukanjja, akham siwa: ‘Diosajj taqe jachanakaswa nayranakasat picharani, janirakiw jiwañas, jachañas utjkjjaniti, warariñasa ni usuyasiñasa’ sasa. “Nayajj jaqenakar Jehová Diosata ukat Reinopat parlañwa akapachan jukʼamp munta” sasaw tukuyarojj qhanañcharakïna. Jupatakejj Diosan Reinopaw taqe kunat sipansa jukʼamp wakiskirïnjja.

    Aymara qellqatanaka (2005-2025)
    Mistuñataki
    Mantañataki
    • Aymara
    • Apayañataki
    • Kunjamtï munkta ukarjam askichañataki
    • Copyright © 2025 Watch Tower Bible and Tract Society of Pennsylvania
    • Ak amtañamapuniwa
    • Aka amtanakanïpjjtwa
    • Configuración de privacidad
    • JW.ORG
    • Mantañataki
    Apayañataki