Aka revista liytʼirinakan jisktʼäwinakapa

Mä jilatampi kullakampitï jan casaratäkasin mä utanak amanut ikipjjaspa ukhajja, ¿qʼañu juchwa lurapjje sasajj juchañchasispati, mä arunjja, mä comité judicial ukajj uttʼayasispati?

Jïsa uttʼayasispawa. Mä jilatampi kullakampitï jan casaratäkasin amanut mä utanak ikipjjchi ukhajja, qʼañu juch lurapjjatapwa amuyayaspa. Ukhamajj uka toqet sum yatjjatasinjja, mä comité judicial ukajj uttʼayasiñapawa (1 Cor. 6:18).

Ukatakejja, congregacionankir jilïr irpirinakajj wali amuyumpiw ukham jan waltʼäwinak utjani ukhajj sapa jan waltʼäwi uñjapjjañapa. Sañäni, ¿uka jilatampi kullakampejj panichasiñatakit uñtʼasisipki? ¿Jupanakarojj jan walinak lurapjjatapat nayrajj ewjjtʼasïnti? ¿Kunatsa mä utanak ikipjjatayna? ¿Tiempompiti uk amtapjjatayna? ¿Janit yaqha utajj maynitak utjkäna? ¿Mä jan waltʼäwi utjipanti mä utanak qheparapjjatayna? (Ecl. 9:11). ¿Kawkinsa sapa maynis uka arumajj ikipjjäna? Niyakejjay sapa jan waltʼäwejj mayj mayjächejja, congregacionankir jilïr irpirinakajj jukʼampinakwa yatjjatapjjañapa.

Taqe ukanak sum yatjjatasakiw congregacionankir jilïr irpirinakajj mä comité judicial uttʼayapjjaniti janicha uk amtapjjañapa.