Фәсил 15

Илк мөҹүзә

ҸӘМИ бир вә ја ики ҝүн олар ки, Андреас, Петер, Јәһја, Филип, Натанаел вә ола билсин ки, Јагуб Исанын шаҝирди олублар. Инди онлар доғма Галилеја бөлҝәсинә, Кана шәһәринә ҝедирләр. Кана Исанын боја-баша чатдығы Назарет шәһәринин јахынлығында, дағлыг јердә јерләшир. Натанаел оралы иди. Исаҝили Канаја, тој мәҹлисинә дәвәт едибләр.

Исанын анасы Мәрјәм дә тојдадыр. О, дејәсән, тәзәбәјлә ҝәлинин аиләсинә јахындыр вә мәҹлисдәки гонаглара гуллуг етмәкдә көмәклик ҝөстәрир. Мәрјәм ҝөрүр ки, шәраб гуртарыр вә тез Исаја дејир: «Шәраблары јохдур».

Әслиндә, Мәрјәм Исаја мәсләһәт ҝөрүр ки, о, нә исә етсин, лакин Иса әввәлҹә етираз едир. О, анасына дејир: «Ана, бу бизим ишимиз дејил». Иса артыг Аллаһын тәјин етдији Падшаһдыр, нә аилә үзвләри, нә дә достлары она ҝөстәриш вермәмәлидирләр. Мәрјәм даһа она һеч нә демир вә садәҹә мәҹлисдә хидмәт едәнләрә: «Сизә нә десә, ону да един», — демәклә иши оғлунун өһдәсинә бурахыр.

Орада һәрәси гырх литрдән чох су тутан алты әдәд даш күп варды. Иса тојда хидмәт едәнләрә ҝөстәриш верир: «Күпләри су илә долдурун». Онлар даш күпләри ағзына гәдәр долдурурлар. Сонра Иса дејир: «Инди бир аз ҝөтүрүб сәрпајы үчүн апарын».

Мәҹлисин сәрпајысы шәрабын дадына мәәттәл галыр. О билмир ки, шәраб мөҹүзә илә әмәлә ҝәлиб. Сәрпајы бәјә јахынлашыб дејир: «Башгалары әввәлҹә сүфрәјә әла шәраб гојур, гонаглар бир балаҹа кефләнәндән сонра исә ади шәрабы верир. Анҹаг сән бу ҹүр әла шәрабы ахыра сахламысан».

Бу Исанын ҝөстәрдији илк мөҹүзә иди. Бу мөҹүзә онун јени шаҝирдләринин иманыны гүввәтләндирди. Сонра онлар онун анасы вә гардашлары илә бирҝә Галилеја ҝөлүнүн јахынлығында олан Капернаһум шәһәринә ҝедирләр. Јәһја 2:1—12.

▪ Кана шәһәриндәки тој мәҹлиси Исанын хидмәтинин һансы дөврүнә дүшүр?

▪ Нә үчүн Иса анасынын тәклифини гәбул етмир?

▪ Иса һансы мөҹүзәни едир вә бу мөҹүзә адамлара неҹә тәсир бағышлајыр?