Сиз нәјә инанырсыныз?

Бир чох дини фундаменталистләр инанырлар ки, Јер вә орада олан һәр шеј бир нечә мин ил бундан әввәл, һәр бири 24 саатдан ибарәт олан алты ҝүн әрзиндә јараныб. Бәзи атеистләр иддиа едирләр ки, Аллаһ јохдур, Мүгәддәс Китабда јазыланлар әфсанәдир вә һәјат тәсадүф нәтиҹәсиндә өз-өзүнә јараныб.

Әксәр инсанлар исә бир-биринә зидд ҝедән бу ики фикрин арасында олан мүәјјән шејләрә инанырлар. Бу брошүрү охумағыныз ҝөстәрир ки, чох ҝүман, сиз дә бу ҹүр дүшүнүрсүнүз. Ола билсин, сиз Аллаһа инанан вә Мүгәддәс Китаба һөрмәтлә јанашан инсансыныз, амма ејни заманда јарадылыша инанмајан, бөјүк тәҹрүбә вә нүфуз саһиби олан алимләрин нөгтеји-нәзәрләрини дә гијмәтләндирирсиниз. Әҝәр валидејнсинизсә, чох јәгин ки, ушагларынызын тәкамүл вә јарадылыша даир суалларына неҹә ҹаваб верәҹәјиниз һагда дүшүнүрсүнүз.

Бу брошүрүн мәгсәди нәдир?

Мәгсәд нә фундаменталистләрин, нә дә Аллаһа инанмајанларын нөгтеји-нәзәрләрини мәсхәрәјә гојмаг дејил. Әксинә, үмид едирик ки, бу брошүр сизи етигадынызын тәмәлини бир даһа јохламаға тәшвиг едәҹәк. Бу брошүрдә Мүгәддәс Китабда јарадылыш һаггында јазылан мәлумата даир, бәлкә дә, әввәлләр үзәриндә дүшүнмәдијиниз изаһат ҝәтирилир. Һәмчинин һәјатын башланғыҹы барәдә нәјә инандығынызын нә үчүн ваҹиб олдуғу да вурғуланыр.

Сиз шүурлу Јараданын мөвҹуд олмадығыны вә Мүгәддәс Китабын етибара лајиг олмадығыны иддиа едән инсанларын сөзләринә инанаҹагсыныз? Јохса Мүгәддәс Китабда бу һагда нә дејилдијини арашдыраҹагсыныз? Һансы тәлимләрә инанмаг олар: Мүгәддәс Китабда јазыланлара, јохса тәкамүлчүләрин дедикләринә? (Ибраниләрә 11:1). Нәјә ҝөрә фактлары арашдырмајасыныз?