Ҹаваблар сорағында

«Пулу неҹә газанмағы билдијимиз үчүн өзүмүзү ҝөрүнмәмиш комфортла әһатә етмишик: бизим кондисионеримиз, јүксәккејфијјәтли мусиги мәркәзимиз вар, масамызы исә ил боју тәзә мејвәләр бәзәјир. Буна бахмајараг, “нә үчүн јашајырыг?” суалы бизи нараһат етмәкдәдир». Нә үчүн ора-бура вурнухуруг? Мәгсәдимиз нәдир?

Дејвид Мајерз, Һоуп коллеҹинин психолоҝија үзрә профессору (Һолланд, Мичиган штаты, АБШ)

БУ ПРОФЕССОРУН галдырдығы суаллара неҹә ҹаваб верәрдиниз? Бәзиләри дүшүнә биләр ки, онлара ҹаваб ахтармаг вахт итирмәкдән башга бир шеј дејил. Анҹаг белә суаллара әһәмијјәт вермәмәк ајаггабынын ичинә ҝирән хырда дашлара мәһәл гојмамаға бәнзәјир. Дүздүр, сонра јеримәјә давам етмәк олар, анҹаг бу һеч дә раһат олмајаҹаг.

Һәјатын даһа дәрин мәнасы олдуғуну нә вахтса дүшүнмүсүнүзсә, билин ки, бу мәсәләдә сиз тәк дејилсиниз. Инсан дәјәрләрини арашдыран ән бөјүк програмлардан биринә әсасән, бир чох өлкәләрдә «һәјатын мәнасы вә мәгсәди нәдән ибарәтдир?» суалына ҹаваб ахтаран инсанларын сајы артмагдадыр («World Values Survey»).

Әҝәр әсл гәлб раһатлығы тапмаг истәјирсинизсә, онда ҝәрәк ашағыдакы үч ваҹиб суалын ҹавабыны өјрәнәсиниз.

Биз һарадан ҝәлмишик?

Һәјатын мәнасы нәдәдир?

Ҝәләҹәкдә бизи нә ҝөзләјир?

Бу ваҹиб суаллара дүзҝүн ҹавабы һарадан тапмаг олар? Нә исә фәрз етмәкдән вә ја фәлсәфи фикирләр јүрүтмәкдәнсә, ҝәлин нөвбәти сәһифәләри ачаг вә Аллаһын Кәламы олан Мүгәддәс Китабын вердији ҹаваблара диггәт јетирәк. Биз сизә шәхси Мүгәддәс Китабынызы ачмағы вә орада дејиләнләрә нәзәр салмағы тәклиф едирик.