Аллаһ Һарададыр?! — Ҝөзәтчи гүлләсинин ОНЛАЈН КИТАБХАНАСЫ

Аллаһ Һарададыр?!

11 сентјабр 2001-ҹи ил. Сәһәр саат 8:46 радәләриндә сәрнишин тәјјарәси Нју–Јоркда јерләшән Үмумдүнја Тиҹарәт Мәркәзинин шимал гүлләсинә чырпылыр. Беләҹә бир сыра террор һүҹуму башлајыр. Нөвбәти 102 дәгигә әрзиндә 3 000-ә јахын инсан һәјатыны итирир.

26 декабр 2004-ҹү ил

Һинд океанында 9 бал ҝүҹүндә олан зәлзәлә нәһәнҝ далғаларын јаранмасына сәбәб олур. Онлар, 5 000 километр аралыда јерләшән Африка өлкәләри дә дахил олмагла, 11 өлкәјә ҹидди зәрәр вурур. Бир ҝүнүн ичиндә 150 000 инсан һәлак олур вә ја иткин дүшүр. Бир милјондан чох инсан исә евсиз-ешиксиз галыр.

1 август 2009-ҹу ил. 42 јашлы ата беш јашлы оғлу илә бирликдә су мотосиклети илә үзәркән тахта тәрсанәјә ҝирир. Ата јериндәҹә кечинир. Оғлу исә сәһәриси ҝүн өлүр. Кәдәр ичиндә олан гоһумлары өз һиссләрини белә ифадә едир: «Биз үмид едирдик ки, мөҹүзә баш верәҹәк вә о сағ галаҹаг».

Террор акты, тәбии фәлакәт һаггында хәбәрләр ешидәндә, јахуд өзүнүз бәдбәхтликлә үзләшәндә: «Аллаһ бүтүн бунлары ҝөрүрмү? Доғруданмы О, бизи тәрк едиб?» — дејә сорушмусунузму? Ҝөрәҹәјимиз кими, Мүгәддәс Китабда тәсәлливериҹи ҹаваблар јерләшир.

[3-ҹү сәһифә/Иҹазә илә]

PRAKASH SINGH/AFP/Getty Images