Суаллар гутусу

◼ Падшаһлыг ишимизин ачыг тәнгид едилмәсинә биз неҹә мүнасибәт ҝөстәрмәлијик?

Вахташыры дөнүкләр вә Падшаһлыг һаггындакы хәбәрин диҝәр дүшмәнләри телевизија вә радио васитәсилә, гәзет вә журналларда Јеһованын халгынын фәалијјәтини вә тә’лимләрини ачыг-ашкар тәнгид едирләр. Адәтән бу ҹүр мәнфи рә’јләрә мәһәл гојмамаг даһа јахшы олар. Бу заман Исанын ҝөзәл нүмунәсини јада салаг: “Сөјүләркән, ҹавабында сөјмәди; әзаб чәкәркән, тәһдид етмәди, әксинә әдаләтлә мүһакимә Едәнә Өзүнү тәслим етди” (1 Пет. 2:23).

Бә’зиләри фикирләшә биләрләр ки, биз радио вә ја телевизија васитәсилә чыхыш етмәклә вә редакторлара мәктуб јазмагла онлара ачыг ҹаваб вермәлијик. Лакин белә тәдбирләр әксәр һалларда һәмән мәнбәләрдән даһа чох мәнфи рә’јләрин сөјләнмәсинә вә дүшмәнләрин јалан тә’лимләринин јајылмасына сәбәб олур. Јеһованын Шаһидләрини бир чох јерләрдә јахшы таныјырлар вә бир чох инсанлар фәалијјәтимизи вә пајладығымыз ҝөзәл әдәбијјаты гијмәтләндирирләр. Адәтән ачыг тәнгид нәтиҹәсиндә е’тигадларымыз вә тәшкилатымыз һаггында галдырылан һәр бир суалын ҹавабыны евдән-евә тәблиғ заманы верә биләрик. Мәһз белә сәмими инсанлар өз суалларына ҹаваб тапаҹаг, тәнгидчиләримизин бөһтанлары исә јајылмајаҹаг. Ән ваҹиби исә одур ки, Падшаһлыг һаггындакы хош хәбәри јајынмадан тәблиғ етмәјә вә Исанын шаҝирдләр һазырламаг әмрини јеринә јетирмәјә давам едирик (Мат. 28:19, 20).

Әҝәр јерли ағсаггаллар Јеһованын адыны вә онун халгыны мүдафиә етмәк үчүн бу тәнгидләрә ҹаваб вермәли олдугларыны һесаб едирләрсә, јахшы оларды ки, онлар илк нөвбәдә Ҹәмијјәтин филиалы илә әлагә сахласын вә јаранмыш вәзијјәти әтрафлы сурәтдә изаһ етсинләр вә һансы тәдбирләр ҝөрмәк истәдикләрини там шәкилдә тәсвир етсинләр. Бунун сајәсиндә Ҹәмијјәт һәр шеји арашдырыб бу мәсәләнин һәлли үчүн лазым олан мәсләһәтләри верә биләр.

Бу һагда әлавә мә’луматы “Ҝөзәтчи Гүлләси” 1 декабр 1998-ҹи ил “Иманымызы мүдафиә едирик” (рус.), 1 апрел 1995-ҹи ил “Ачыг тәнгидләрә мәсиһчиләр неҹә мүнасибәт ҝөстәрмәлидирләр” (рус.) вә “Ојанын” журналынын 22 ијун 2000-ҹи ил “Информасија илә манипулјасија етмә” (рус.) мәгаләләриндән әлдә етмәк олар.