Автоҹаваб телефонларына нә дејәрдиниз?

Евдә чәтин тапылан вә узаг әразидә јашајан инсанлара тәблиғ етмәк үчүн телефон чох јахшы васитәдир. Лакин ҝетдикҹә чохлары телефона өзләри ҹаваб вермир, автоҹаваб телефонларындан истифадә едирләр. Бу вәзијјәтдә нә етмәк олар? Дәстәји гојмаға тәләсмә. Габагҹадан јахшы мә’лумат һазырла. Ону хош вә сөһбәтҹил тәрздә оху. Бу мә’лумата нә дахил етмәк олар?

Сәмими тәрздә ев саһибини Падшаһлыг Залында кечирилән нөвбәти ачыг ҝөрүшә дә’вәт ет. Сән дејә биләрсән: «Мән чох тәәссүф едирәм ки, сизи евдә тапа билмәдим. Әҝәр сиз Мүгәддәс Китаба әсасланан мә’рузәјә гулаг асмаг истәјирсинизсә [ачыг мә’рузәнин ады], зәһмәт олмаса, Јеһованын Шаһидләринин Падшаһлыг Залына ҝәлин. Һамы дә’вәт олунур. Пул јығылмыр». Сонра ајдын шәкилдә ҝөрүшүн кечирилдији ҝүнү вә вахты сөјлә. Һәмчинин Падшаһлыг Залынын үнваныны де вә ја онун һарада јерләшдијини тәсвир ет. Ҝөрүш заманы јени ҝәләнләри нәзәрдән гачырма, онларла таныш ол вә илтифатлы давран. Пулсуз Мүгәддәс Китаб өјрәнмәси тәклиф етмәји унутма.