Хидмәти ҝөрүшләрин ҹәдвәли

Гејд. Јај ајлары әрзиндә “Бизим Падшаһлыг Хидмәтимиз”дә һәр һәфтә үчүн хидмәти ҝөрүшләрин ҹәдвәли дәрҹ олунаҹагдыр. Јығынҹаглар, “Падшаһлығын чалышган тәблиғчиләри” адлы вилајәт конгресинә ҝетмәләри илә әлагәдар һәмин ҹәдвәлә лазыми дәјишикликләр дахил едә биләрләр. Әҝәр зәруридирсә, конгресдән әввәл кечириләҹәк ахырынҹы хидмәти ҝөрүшдә “Бизим Падшаһлыг Хидмәтимиз”ин өтән сајларындан бири үчүн верилән әлавә вәрәгәдәки мүнасиб суалларын тәкрарына 15 дәгигә вахт ајырмаг олар. Октјабр ајында кечиләҹәк хидмәти ҝөрүшләрдән бири бүтүнлүклә конгрес програмынын диггәтәлајиг фикирләринин тәкрар едилмәсинә ајрылаҹагдыр. Бу мүзакирәјә һазыр олмаг үчүн, конгрес заманы ваҹиб, о ҹүмләдән шәхси һәјатынызда вә хидмәтиниздә тәтбиг етмәк истәдијиниз фикирләри гејд един. Белә олдугда, октјабр ајында о вахтдан бәри бу мәсләһәтләри неҹә тәтбиг етдијинизи сөјләјә биләрсиниз. Конгресдә верилән мәсләһәтләрин нә дәрәҹәдә фајдалы олдуғуну ешитмәк һамы үчүн руһландырыҹы олаҹагдыр.

Ијунун 10-дан башланан һәфтә

Маһны 58.

15 дәг.  Јерли е’ланлар. “Бизим Падшаһлыг Хидмәтимиз”дән сечилмиш е’ланлар. “Мүгәддәс Китаб әсасында сөһбәтә башламағын вә давам етмәјин үсулу” (рус.) брошүрасынын 9-ҹу сәһифәсинә әсасән, “Мәни дин марагландырмыр” е’тиразынын өһдәсиндән ҝәлмәјә даир ики тәгдимә һазырла.

10 дәг. “Суаллар гутусу”. Бүтүн мәгаләни вә Мүгәддәс Китабдан ҝәтирилән бүтүн ајәләри оху. Сонра, “Бизим Падшаһлыг Хидмәтимиз”ин 1998-ҹи ил (рус.) сајынын “Суаллар гутусу”нда дејиләнләрин үзәриндә дајанараг, изаһы ҝениш тәфсилаты илә давам етдир.

20 дәг. “Чох әкән” бол хејир-дуалар алыр”a. “Ҝөзәтчи Гүлләси”нин 1992-ҹи ил (рус.), 1 декабр сајынын 15, 16-ҹы сәһифәләриндәки 14-17 абзасларда олан фикирләри дахил ет.

Маһны 220 вә јекун дуа.

Ијунун 17-дән башланан һәфтә

Маһны 136.

10 дәг. Јерли е’ланлар. Малијјә һесабаты.

15 дәг. Јерли тәләбатлар.

20 дәг. “Малик олдугларынызла кифајәтләнин”b. Вахтынызын јол вердији гәдәр ајәләри охујуб мүзакирә едәрәк, бу мәсләһәтә даир Мүгәддәс Китабда верилән сәбәбә диггәт јетир.

Маһны 197 вә јекун дуа.

Ијунун 24-дән башланан һәфтә

Маһны 52.

8 дәг. Јерли е’ланлар. Бирликдә тәблиғ едән әр-арвад, 4-ҹү сәһифәдә верилән мәсләһәтдән истифадә едәрәк “Ҝөзәтчи Гүлләси”нин 1 ијул сајыны тәгдим етмәјин үсулуну ҝөстәрир.

12 дәг. Сизин әразидә јашајан тәблиғчиләрин 1) мүхтәлиф милләтләрдән олан вә ја башга дилләрдә данышан инсанлара неҹә тәблиғ етдикләрини, ја да 2) евдән-евә вә ја күчәдә дејил, һәр һансы башга үсулла тәблиғ етдикләри һадисәләри даныш вә ја сәһнәләшдир. Нөвбәти хидмәти ҝөрүшә һазырлашмаг үчүн һамыны, ијул вә август ајларында пајланаҹаг брошүралардан бири үчүн тәгдимә һазырламаға тәшвиг ет. (“Бизим Падшаһлыг Хидмәтимиз”ин 2002-ҹи ил, јанвар сајы үчүн олан әлавә вәрәгәдәки “Диҝәр нәшрләр” графасына бах.)

10 дәг. Ағсаггал, “Онларын гурбаны олма!” адлы мәгаләни мүзакирә едир. Һәмчинин “Бизим Падшаһлыг Хидмәтимиз”ин 1994-ҹү ил (рус.), феврал сајынын 4-ҹү сәһифәсиндә олан “Јерсиз хејирхаһлыгдан горун” мәгаләсиндән әсас фикирләри вурғула.

15 дәг. Хидмәти нәзарәтчи груп һалында хидмәт етмәкдән данышыр. Истираһәт ҝүнләриндә хидмәтдә фәал иштирак етдикләри үчүн тәблиғчиләри тә’рифлә. Јығынҹагда тәблиғ ишинин неҹә тәшкил олундуғу һагда даныш. Тәблиғ ишиндә китабөјрәнмә илә бирликдә әмәкдашлыг едәркән әлдә етдијимиз фајда һаггында даныш: 1) мәһәббәт телләрини мөһкәмләдир вә 2) мараглы фикирләрлә бөлүшүр вә бир-биримиздән өјрәнирик. Мүнтәзәм олараг груп һалында хидмәт етмәјә даир мәсләһәт вер. (“Бизим Падшаһлыг Хидмәтимиз”ин 2001-ҹи ил (рус.), ијул сајынын, 4-ҹү сәһифәсинә бах.)

Маһны 95 вә јекун дуа.

Ијулун 1-дән башланан һәфтә

Маһны 83.

15 дәг.  Јерли е’ланлар. Тәблиғчиләрә ијун ајы үчүн тәблиғ хидмәти һаггында һесабат вермәји хатырлат. Тәблиғчиләрдән, ијул ајында һансы брошүралары пајлајаҹагларыны вә һансы тәгдимәләрдән истифадә едәҹәкләрини данышмағы хаһиш ет.

15 дәг. “Сән, Аллаһын досту ола биләрсән!” Мә’рузә вә динләјиҹиләрлә мүзакирә. Ушаглара көмәк етмәкдә, һәмчинин азтәһсилли адамлара Јеһова һаггында өјрәнмәкдә бу брошүраны гијмәтли вәсаит едән хүсуси ҹәһәтләрә диггәт јетир. Садә вә мәнтиги ифадәләрин нүмунәләрини мүзакирә ет (2, 8 вә 12-ҹи дәрсләрә бах). Иллүстрасијаларын көмәји илә шаҝирдин үрәјинә јол ачмағын үсулуну ҝөстәр. Брошүрадан фајда илә истифадә етмәјә даир мәсләһәт вер. Валидејнләр бу брошүраны балаҹа ушаглары илә өјрәнмәлидирләр. Һамыны, брошүраны һәр бир мүнасиб вәзијјәт јарандыгда тәгдим етмәјә тәшвиг ет.

15 дәг. “Башгаларына көмәк етмәк истәјирсәнми?”c. Јығынҹағын бүтүн үзвләрини, башгаларына һазырлыгла көмәк етмәјә тәшвиг ет.

Маһны 156 вә јекун дуа.

[Һашијәләр]