Тәравәтләндириҹи хидмәт

¹ Мүгәддәс Китабда олан хәбәр ону гәбул едән вә она мүвафиг јашајан һәр бир кәсә тәравәт ҝәтирир (Мәз. 19:7, 8). Бу хәбәр јалан тә’лимләрдән вә зәрәрли вәрдишләрдән азад едир, һәмчинин ҝәләҹәјә даир үмид верир. Лакин хош хәбәр, јалныз ону гәбул едәнләрә фајда ҝәтирмир. Мүгәддәс Китабын тәравәтләндириҹи һәгигәтләрини башгалары илә бөлүшәнләрин өзләри дә тәравәтләнирләр (Сүл. мәс. 11:25).

² Хидмәт руһландырыр. Иса демишдир ки, шаҝирдлик бојундуруғуну үзәринә ҝөтүрәнләр — бу исә өзүнә тәблиғ етмәк вә шаҝирдләр һазырламаг ишини дахил едир — ‘ҹанларына раһатлыг тапаҹаглар’ (Мат. 11:29). Исанын өзү башгаларына шаһидлик етмәкдән руһ јүксәклији әлдә едирди. Бу онун үчүн јемәјә бәнзәјирди (Јәһ. 4:34). Исанын ҝөндәрдији 70 шаҝирд, Јеһованын онлары дәстәкләдијини ҝөрәрәк севинҹлә тәблиғ едирдиләр (Лука 10:17).

³ Хидмәт етмәк бу ҝүн дә чох мәсиһчиләрә ҝүҹ верир. Бир баҹы дејир: “Хидмәт һәјатыма истигамәт вә мә’на вердији үчүн тәравәт ҝәтирир. Хидмәтдә башгалары илә бөлүшәндә шәхси проблемләрим вә ҝүндәлик стрессләр ар­ха планда галыр”. Чалышган башга бир баҹымыз исә дејир: “Хидмәтин сајәсиндә... Јеһованын реал шәхсијјәт олдуғуну һәр ҝүн һисс едирәм, бу исә мәни мүгајисәјә ҝәлмәз дәрәҹәдә хошбәхт едир”. ‘Аллаһын һәмишчиләри’ олмаг бизим үчүн неҹә дә бөјүк шәрәфдир! (1 Кор. 3:9, И–93).

⁴ Мәсиһин бојундуруғу раһатдыр. Иса шаҝирдләрини вар гүввәләри илә ‘чалышмаға’ чағырса да, бизим гүввәмиздән артыг етмәјимизи ҝөзләмир (Лу­ка 13:24). Әксинә, о бизи мәһәббәтлә, бојундуруғу онунла бирликдә дашымаға дә’вәт едир (Мат. 11:29). Даима чәтин шәраитләрлә мүбаризә апармалы олсаг да әмин ола биләрик ки, нә гәдәр етмәјимиздән асылы олмајараг, сәдагәтлә етдијимиз хидмәт Јеһоваја мәгбулдур (Марк 14:6-8; Колос. 3:23).

⁵ Ады наминә етдијимиз хидмәти гијмәтләндирән Аллаһа хидмәт етмәк неҹә дә тәравәтләндириҹидир! (Ибр. 6:10). Ҝәлин, гүввәмиз дахилиндә олан ән јахшы шеји һәмишә Она вермәјә чалышаг.