Јеһованын валеһедиҹи ишләри һаггында бәјан един!

1. Јеһованын валеһедиҹи ишләриндән һансыны хүсусилә гијмәтләндирирсән?

¹ Бөјүк Аллаһымыз Јеһова илә һеч ким мүгајисә олуна билмәз! Давуд јазырды: “Ја Рәбб Аллаһым, јаратдығын харигәләр [“валеһедиҹи ишләр”, ЈД] вә бизим үчүн дүшүнҹәләрин чохдур; Сәнә бәнзәјән јохдур” (Мәз. 40:5). Јеһованын валеһедиҹи ишләринә Каинатын јарадылмасы, Хиласкар Падшаһлығын тә’сис едилмәси, Өз халгына гајғы ҝөстәрмәси вә үмумдүнја тәблиғ иши дахилдир (Мәз. 17:7, 8; 139:14; Дан. 2:44; Мат. 24:14). Јеһоваја олан мәһәббәт вә етдикләри бүтүн ишләрә ҝөрә еһтирам бизи Онун һаггында башгаларына данышмаға тәшвиг едир (Мәз. 145:5-7). Март, апрел вә мај ајларында буну етмәк үчүн даһа чох имканымыз олаҹаг.

2. Көмәкчи пионер кими хидмәт етмәк шәхсән бизә һансы фајданы ҝәтирә биләр?

² Көмәкчи пионер хидмәти заманы. Өз вахтыны елә планлашдыра биләрсәнми ки, март, апрел вә мај ајларында 50 саат тәблиғ едәсән? Вәрдиш етдијин графикдә едәҹәјин һәр бир дәјишиклик, шүбһәсиз ки, әһәмијјәтлидир (Ефес. 5:16). Бир чохлары фикир вермишләр ки, көмәкчи пионер кими хидмәт едән мүддәтдә хидмәтләринин кејфијјәтини јахшылашдыра билмишләр. Онлар әминликлә тәблиғ етмәјә вә Мүгәддәс Китабы даһа јахшы истифадә етмәјә башламышлар. Чох тәблиғ етмәләри сајәсиндә, ҝөстәрилән марағы инкишаф етдирмәк онлара даһа асан олуб. Әввәлләр Мүгәддәс Китаб өјрәнмәси олмајанлар, көмәкчи пионер кими хидмәт етдикләри заман буна мүвәффәг олмушлар. Пионер башгаларына даһа чох диггәт ајырдығы вә гүввә сәрф етдији үчүн, бу хидмәт она һәгиги севинҹ ҝәтирир (Һәв. иш. 20:35).

3. Чәтин шәраитләрдә олмаларына бахмајараг, бә’зи тәблиғчиләр көмәкчи пионер кими хидмәт етмәјә неҹә мүјәссәр олмушлар?

³ Сәнин шәраитинин буна јол вермәдијини дүшүнмәјә тәләсмә. Бир ағсаггал, ики ушағы олмасына вә там иш ҝүнү ишләмәсинә бахмајараг, өтән ил көмәкчи пионер кими хидмәт етмишдир. Бу гәдәр мәшғул олан гардаш буна неҹә мүјәссәр ола билмишдир? Һәфтә әрзиндә ишләдији үчүн, о, әсас е’тибарилә истираһәт ҝүнләри тәблиғ едирди. О, хидмәтинә шәнбә ҝүнү сәһәр саат 7-дә күчәдә башлајырды. Онун јығынҹағындан ејни шәраитдә оланларын бә’зиләри дә көмәкчи пионер кими хидмәт едәрәк бир-бирләринә көмәк етмәјә вә руһландырмаға чалышырдылар. Башга бир јығынҹагдан олан 99 јашлы бир баҹы гызы илә бирликдә мај ајында көмәкчи пионер хидмәтиндә иштирак етмәк гәрарына ҝәлмишдир. Јығынҹағын диҝәр тәблиғчиләри һәмин јашлы баҹыны әлил арабасында ҝәздирәрәк, евдән-евә тәблиғ етмәкдә вә Мүгәддәс Китаб өјрәнмәси кечирмәкдә она көмәк едирдиләр. О, һәмчинин телефонла, күчәдә вә мәктуб васитәсилә дә тәблиғ едирди. Бу баҹы әминдир ки, көмәкчи пионер хидмәтини јалныз Јеһованын көмәји сајәсиндә едә билмишдир (Иш. 40:29-31).

4. Көмәкчи пионер хидмәт кими етмәк үчүн график тәртиб едәркән һансы амилләри нәзәрә алмаг олар?

⁴ Сәнин шәраитинә даһа ујғун ҝәлән график тәртиб етмәјә чалыш. Бу мәгаләдә верилән графикләр сәнә көмәк ола биләр. Сән бүтүн ҝүнү ишләјир вә ја мәктәбдә охујурсан? Онда јәгин ки, сәнин үчүн даһа чох истираһәт ҝүнләри тәблиғ едә биләҹәјин график әлверишли олаҹагдыр. Әҝәр сағламлығын бүтүн ҝүнү тәблиғ етмәјә јол вермирсә вә ја бир о гәдәр тагәтин јохдурса, онда сәнин үчүн ән мүнасиб график аз-аз, анҹаг һәр ҝүн тәблиғ етмәк имканы верән график олаҹагдыр. Көмәкчи пионер кими хидмәт етмәк истәдијин һагда башгаларына даныш. Еһтимал ки, бу ишдә онлар да сәнә гошулмаг истәјәҹәкләр.

5. Март, апрел вә мај ајларында ҝәнҹләр гаршыларына һансы мәгсәдләри гоја биләрләр?

⁵ Јеһованын валеһедиҹи ишләрини бәјан етмәк ишиндә ҝәнҹләрин иштиракы. Јеһованын валеһедиҹи ишләри һаггында башгаларына данышан ҝәнҹләр Она мәгбулдур (Мәз. 71:17; Мат. 21:16). Әҝәр сән вәфтиз олунмуш ҝәнҹ тәблиғчисәнсә, еһтимал ки, тә’тилләрин олан ајларда көмәкчи пионер кими хидмәт едә биләрсән. Әҝәр хидмәтин бу нөвүндә иштирак едә билмирсәнсә, онда сән һәмин ајлар әрзиндә гаршына хүсуси мәгсәдләр гоја биләрсәнми? Мисал үчүн, әҝәр сән артыг валидејнләринлә хидмәтә ҝетмисәнсә, анҹаг һәлә тәблиғчи дејилсәнсә, инди бунун үчүн мүнасиб мәгам дејилми? Елә дүшүнмә ки, бунун үчүн сән Мүгәддәс Китаба әсасланан бүтүн суалларын ҹавабларыны билмәли вә ја вәфтиз олунмуш бөјүкләр гәдәр билијә саһиб олмалысан. Сән Мүгәддәс Китабын әсас тә’лимләрини баша дүшүрсәнми? Мүгәддәс Китабын јүксәк әхлаг нормаларына риајәт едирсәнми? Јеһованын Шаһиди олмаг истәјирсәнми? Онда бу һагда валидејнләринлә сөһбәт ет. Онлар сәнинлә бирликдә ағсаггалларла ҝөрүшәҹәк вә ағсаггаллар сәнин лазыми тәләбләрә ҹаваб вериб-вермәдијини мүәјјән едәҹәкләр. (“Хидмәтимиз” китабынын 98-ҹи вә 99-ҹу сәһифәләринә бах.)

6. Биз Мүгәддәс Китабы өјрәнәнләрин хош хәбәрин тәблиғчиси олмаларына неҹә көмәк едә биләрик?

⁶ Тәблиғ етмәкдә башгаларына көмәк ет. Ола билсин ки, Мүгәддәс Китабы өјрәнәнләрдән ким исә артыг тәләбләрә мүвафигдир вә хүсуси фәалијјәт ҝөстәрилән ајларда бизә гошулмаға һазырдыр. Әҝәр сәнин Мүгәддәс Китабы өјрәтдијин инсанла да вәзијјәт беләдирсә, өз китабөјрәнмәнин нәзарәтчисинә вә ја јығынҹағын хидмәти нәзарәтчисинә мүраҹиәт ет. Онлардан бири өјрәнән инсанын руһани инкишафына гијмәт вермәк үчүн сәнинлә һәмин Мүгәддәс Китаб өјрәнмәсинә ҝедә биләр. Әҝәр марагланан доғрудан да јахшы аддымлар атырса вә тәблиғчи олмаг истәјирсә, онда сәдрлик едән нәзарәтчи гајғы ҝөстәрә биләр ки, ики нәфәр ағсаггал сизинлә ҝөрүшсүн. (“Ҝөзәтчи Гүлләси”нин 1989-ҹу ил 15 сентјабр сајынын 13, 14-ҹү сәһифәләринә бах, рус.) Әҝәр өјрәнән адам тәблиғчи олмаг үчүн тәләбләрә ҹаваб верирсә, дәрһал она тәблиғ етмәји өјрәтмәјә башла.

7. Гејри-фәал вә гејри-мүнтәзәм тәблиғчиләрә неҹә көмәк етмәк олар?

⁷ Китабөјрәнмә нәзарәтчиләринин групларындакы гејри-фәал вә ја гејри-мүнтәзәм тәблиғчиләрә хүсуси диггәт јетирмәләри ҝәрәкдир. Мисал үчүн, онлары тәблиғә дә’вәт едә биләрләр. Әҝәр онлар артыг узун мүддәт әрзиндә гејри-фәалдырларса, јахшы олар ки, тәләбләрә мүвафиг олуб-олмадыгларыны билмәк үчүн онларла габагҹадан ики ағсаггал сөһбәт етсин. (“Бизим Падшаһлыг Хидмәтимиз” 2000-ҹи ил нојабр сајынын “Суаллар гутусу”на бах, рус.) Ола билсин, хүсуси фәалијјәт ҝөстәрилән бу ајларда јығынҹағын сә’ји онлары мүнтәзәм сурәтдә тәблиғ хидмәтинә башламаға тәшвиг едәҹәк.

8, 9. Тәблиғчиләрдә пионер хидмәтинә һәвәс ојатмаг үчүн ағсаггаллар нә едә биләрләр?

⁸ Ҝениш фәалијјәтә башламаг үчүн индидән һазырлаш. Ағсаггаллар, тәблиғчиләрдә көмәкчи пионер хидмәтинә һәвәс ојатмаға артыг индидән башлајын. Пионер хидмәти һаггында мүсбәт данышмағыныз вә бу саһәдә јахшы нүмунә вермәниз сајәсиндә сиз чох шеј едә биләрсиниз (1 Пет. 5:3). Бундан әввәл сизин јығынҹагда көмәкчи пионерләрин ән јүксәк сајы нә гәдәр олмушдур? Бу ил һәмин сајы артырмаг мүмкүндүрмү? Китабөјрәнмә нәзарәтчиләри вә онларын көмәкчиләри чалышмалыдырлар ки, групда оланларын һамысыны хидмәтләрини ҝенишләндирмәјә тәшвиг етсинләр. Хидмәти нәзарәтчиләр тәблиғ хидмәти үчүн әлавә ҝөрүшләр тәшкил едә биләрләр. Планлашдырылан тәдбирләр һаггында јығынҹагда габагҹадан е’лан един. Тәблиғ ҝөрүшләрини кечирмәк үчүн тәҹрүбәли тәблиғчиләр тә’јин етмәк лазымдыр. Ҝөрүшләрин вахтында башланмасы вә гуртармасы зәруридир. (“Бизим Падшаһлыг Хидмәтимиз”ин 2001-ҹи ил сентјабр сајынын “Суаллар гутусу”на бах.) Һәмчинин хидмәти нәзарәтчи гајғы ҝөстәрмәлидир ки, кифајәт гәдәр тәблиғ саһәләри, журнал вә әдәбијјат олсун.

⁹ Өтән ил јығынҹагларын бириндә ағсаггаллар тәблиғчиләри фәал сурәтдә көмәкчи пионер хидмәтинә габагҹадан тәшвиг етмәјә башламышлар вә бир нечә ағсаггалларын өзләри дә әризә вермишләр. Гардашлар тәблиғ хидмәти үчүн әлавә ҝөрүшләр тәшкил етмишләр. Онлар ҝөрүшүн бирини күчәдә хидмәт етмәк үчүн сәһәр 5.30-да, диҝәрини мәктәбдән гајыданлар үчүн саат 15.00-да, үчүнҹүсүнү исә ишдән гајыданлар үчүн саат 18.00-да тәшкил етмишләр. Бундан башга шәнбә ҝүнләри әлавә үч тәблиғ ҝөрүшү дә тәшкил олунмушдур. Нәтиҹәдә апрел ајында даһа 66 тәблиғчи көмәкчи пионер хидмәтинә башламышдыр!

10. Аиләләр хидмәтләрини ҝенишләндирмәк үчүн һансы һазырлыглыглары ҝөрә биләрләр?

¹⁰ Нәјә ҝөрә нөвбәти аиләви өјрәнмә заманы гаршыдан ҝәлән ајлар үчүн мәгсәдләринизи мүзакирә етмәјә вахт ајырмајасыныз? Һәр шеји јахшы планлашдырсаныз вә бир-биринизә көмәк етсәниз, еһтимал ки, аилә үзвләринин бә’зиләри, јахуд һамысы көмәкчи пионер ола биләрләр. Әҝәр бу мүмкүн дејилсә, адәтән тәблиғ етдијиниздән артыг тәблиғ етмәклә вә ја тәблиғә даһа тез-тез чыхмагла хидмәтинизи ҝенишләндирмәји гаршыныза мәгсәд гојун. Бүтүн аилә үзвләри илә бирликдә бу һагда дуа етмәк олар. Әмин олун ки, Јеһова сизин әмәјинизә хејир-дуа верәҹәкдир! (1 Јәһ. 3:22).

11. а) Иса Мәсиһин гурбанлығы сајәсиндә нә мүмкүн олду? б) Сизин әразидә Хатирә Ҝеҹәси һарада вә нә вахт кечириләҹәк?

¹¹ Аллаһын ишләриндән ән валеһедиҹиси. Јеһованын бизә гаршы олан мәһәббәтинин ән бөјүк тәзаһүрү бизим уғрумузда Өз Оғлуну гурбан вермәсидир (1 Јәһ. 4:9, 10). Мәсиһин гурбанлығы бәшәријјәтин ҝүнаһдан вә өлүмдән азад олмасы үчүн гануни әсас тәгдим едир (Ром. 3:23, 24). Исанын төкүлән ганы әсасында јени әһд гүввәјә минди вә гејри-камил инсанлар Аллаһын оғуллары олмаг вә сәмави Падшаһлыгда һөкмранлыг етмәк имканына малик олдулар (Јер. 31:31-34; Марк 14:24). Лакин ән зәруриси одур ки, Исанын мүкәммәл итаәткарлығы Јеһованын адынын тәгдис едилмәсинә хидмәт етмишдир (Тәс. 32:4; Сүл. мәс. 27:11). Иса Мәсиһин өлүмүнүн Хатирә Ҝеҹәси бүтүн дүнјада апрелин 4-дә, базар ҝүнү ҝүнәшин батмасындан сонра гејд олунаҹаг.

12. Хатирә Ҝеҹәсиндә олмаг мараглананлар үчүн нәјә ҝөрә чох ваҹибдир?

¹² Хатирә Ҝеҹәсинин гејд олунмасы бизә Јеһованын валеһедиҹи ишләрини јүксәлтмәјә имкан верир. Хатирә Ҝеҹәсиндә сөјләниләҹәк мә’рузә көмәк едәҹәк ки, фидијә гурбанлығыны тәгдим етмәклә, Јеһованын бизим үчүн етдикләринә ҝөрә өз миннәтдарлығымызы даһа да артыраг. Бу бајрама ҝәләнләр Аллаһын башга валеһедиҹи ишләрини дә ҝөрә биләҹәкләр. Мисал үчүн, онлар Јеһованын Өз халгына өјрәтдији бирлији вә мәһәббәти ҝөрәҹәкләр (Јаг. 3:17, 18; Ефес. 4:16, 22-24). Бу ваҹиб мәрасимә ҝәләнләрә бөјүк тә’сир бағышлајыр, буна ҝөрә дә ҝәләнләрин сајынын мүмкүн гәдәр чох олмасы даһа јахшыдыр (2 Кор. 5:14, 15).

13, 14. Биз Хатирә Ҝеҹәсинә кимләри вә неҹә дә’вәт етмәлијик?

¹³ Хатирә Ҝеҹәсинә дә’вәт ет. Дә’вәт едәҹәјин адамларын сијаһысыны тутмаға индидән һазырлаш. Бу сијаһыја иманына шәрик олмајан гоһумларыны, гоншуларыны, иш јериндәки вә ја мәктәбдәки танышларыны, Мүгәддәс Китабы әввәлләр вә ја инди өјрәтдијин вә тәкрар баш чәкдијин адамларын һамысыны дахил ет. Китабөјрәнмәләрин нәзарәтчиләри сијаһыја гејри-фәал тәблиғчиләри салмалыдырлар.

¹⁴ Чап едилмиш дә’вәтнамәләрдән истифадә ет вә онларын үзәриндә Хатирә Ҝеҹәсинин нә вахт вә һарада кечириләҹәјини сәлигә илә јаз вә ја чап ет. Апрелин 4-ә јахын дә’вәт олунанларын јанына бир дә ҝәл вә ја телефонла зәнҝ едиб Хатирә Ҝеҹәсинин һарада вә нә вахт кечириләҹәји һагда хатырлат.

15. Хатирә Ҝеҹәсинә ҝәләнләрә биз неҹә гонагпәрвәрлик ҝөстәрә биләрик?

¹⁵ Хатирә Ҝеҹәси заманы. Хатирә Ҝеҹәсинә бир гәдәр тез ҝәлмәјә чалыш. Тәзә ҝәләнләри сәмимиликлә саламла (Ром. 12:13). Дә’вәт етдијин кәсләрә хүсуси диггәт ҝөстәр. Онлары меһрибанлыгла гаршыла вә башга тәблиғчиләрлә таныш ет. Сән һәмчинин онлар үчүн јанында јер тута биләрсән. Әҝәр гонагларын Мүгәддәс Китабы вә ја маһны китабы јохдурса, бу барәдә сән өзүн гајғы ҝөстәр вә ја башгасындан хаһиш ет. Мәрасимдән сонра онлары марагландыран суаллара ҹаваб вер. Хатирә Ҝеҹәсинә илк дәфә ҝәлән варса, Аллаһын Кәламы вә Онун нијјәтләри һагда даһа чох билик әлдә етмәк истәјиб-истәмәдијини соруш? Она Мүгәддәс Китаб өјрәнмәси тәклиф ет.

16. Хатирә Ҝеҹәсинә ҝәләнләрин руһани ҹәһәтдән инкишаф етмәләринә неҹә көмәк етмәк олар?

¹⁶ Хатирә Ҝеҹәсинә ҝәләнләрә көмәк етмәјә давам ет. Хатирә Ҝеҹәсинә ҝәләнләрә мәрасимдән сонракы һәфтәләр әрзиндә көмәк етмәк лазымдыр. Бураја, вахты илә јығынҹаг ҝөрүшләринә мүнтәзәм сурәтдә, инди исә јалныз һәрдәнбир ҝәләнләр дә аиддир. Ағсаггаллар гајғы ҝөстәрәҹәкләр ки, белә адамлара лазыми гајғы ҝөстәрилсин. Һәмчинин онлар һәмин мараглананларын руһани инкишафына нәјин мане олдуғуну мүәјјән етмәјә вә вахтын аз галдығыны ҝөстәрмәјә чалышаҹаглар (1 Пет. 4:7). Мүгәддәс Китабын дә’вәтинә һај вермәјин вә Аллаһын халгынын ҝөрүшләринә ҝәлмәјин нәјә ҝөрә ваҹиб олдуғуну анламаға көмәк един (Ибр. 10:24, 25).

17. Јеһованын валеһедиҹи ишләри һаггында бәјан етмәји нәјә ҝөрә давам етдирмәлијик?

¹⁷ Јеһованын валеһедиҹи ишләрини ахыра кими дәрк етмәк үчүн һәтта әбәди һәјат белә јетмәз (Ејуб 42:2, 3; Ваиз 3:11). Буна ҝөрә дә бизим Ону даима иззәтләндирмәјә сәбәбләримиз олаҹаг. Јаз ајларында хидмәтимизи ҝенишләндирмәк үчүн хүсуси сә’ј ҝөстәрәрәк, биз, Јеһованын валеһедиҹи ишләринә ҝөрә миннәтдарлығымызы ифадә едә биләрик.

[5 сәһифәдәки ҹәдвәл]

Көмәкчи пионер хидмәти үчүн тәклиф олунан графикләр

Март Б.ҝ. Б.ер.* Ч.ах.* Ч* Ҹ.ах. Ҹ. Ш. Ҹәми

Һәр ҝүн 2 1 1 1 1 1 5 51

Ики ҝүн 0 5 0 5 0 0 0 50

Апрел Б.ҝ. Б.ер. Ч.ах. Ч Ҹ.ах.* Ҹ.* Ш. Ҹәми

Һәр ҝүн 2 1 1 1 1 1 5 50

Ики ҝүн 0 0 0 0 5 5 0 50

Мај Б.ҝ.* Б.ер.* Ч.ах. Ч Ҹ.ах. Ҹ. Ш.* Ҹәми

Һәр ҝүн 2 1 1 1 1 1 4 51

Ики ҝүн 0 5 0 0 0 0 5 50

* Ајда беш