Јеһованын фәзиләтләрини е’лан един
1. Јеһованын ‘фәзиләтләрини’ е’лан етмәјә бизи нә тәшвиг едир?
1 «Ја Рәбб, әзәмәт, гүдрәт, ҹәлал, зәфәр вә шөһрәт Сәнә мәхсусдур, чүнки ҝөјдә вә јердә олан һәр шеј Сәниндир» (1 Салн. 29:11). Јеһова Аллаһа олан мәһәббәтимиз вә миннәтдарлығымыз бизи нәјә сөвг етмәлидир? Бу, бизи ‘гаранлыгдан Өз валеһедиҹи нуруна Чағыранын фәзиләтләрини е’лан етмәјә’ тәшвиг етмәлидир (1 Пет. 2:9). Биз уҹа Аллаһымыз һаггында данышмаја билмәрик! Март, апрел вә мај ајларында Јеһованын ‘фәзиләтләрини’ е’лан етмәк үчүн ҝөзәл имканымыз олаҹаг.
2. Бу мүһүм мәрасимә инсанлары дә’вәт етмәјимизин сәбәбини неҹә изаһ едә биләрик?
2 Инсанлары Хатирә Ҝеҹәсинә дә’вәт етмәк үчүн сә’ј ҝөстәр. Апрелин 2-си, базар ертәси Рәббин ахшам јемәјини гејд етмәклә Јеһованын ‘фәзиләтләрини’ уҹалдаҹағыг. Инсанлары бу мүһүм мәрасимә дә’вәт етмәк үчүн сә’ј ҝөстәрмәлијик. Ев саһибинин суаллары олса, ҹаваб вермәк үчүн она вахт ајыр. «Мүгәддәс Китаб өјрәдир» нәшринин 206-ҹы сәһифәсиндәки әлавә мә’луматдан да истифадә едә биләрсән. Истираһәт ҝүнләри тәблиғдә журнал пајлајаҹағыг. Мараг ҝөстәрәнләри гејд ет вә онлара тәкрар баш чәк. Хатирә Ҝеҹәсинә тәкрар баш чәкдијин вә Мүгәддәс Китабы өјрәтдијин адамлары, гоһумларыны, иш јолдашларыны, гоншуларыны вә башга танышларыны дә’вәт етмәји унутма.
3. Көмәкчи пионер хидмәтинә башламағы нәјә ҝөрә артыг индидән планлашдырмалыјыг?
3 Көмәкчи пионер хидмәти. Март, апрел вә мај ајларында көмәкчи пионер кими хидмәт етмәклә Јеһованын ‘фәзиләтләрини’ даһа чох е’лан едә биләрсәнми? Бу хидмәти иҹра етмәк үчүн ҝүндәлик графикинә мүәјјән дәјишикликләр етмәк лазым ҝәлә биләр (Ефес. 5:15-17). Әмин ола биләрсән, хидмәтдә ҝөстәрдијин сә’јдән бөјүк севинҹ дујаҹаг вә Јеһова Аллаһын хејир-дуасыны алаҹагсан (Сүл. мәс. 10:22). Хатирә Ҝеҹәси јахынлашдығы үчүн, инди бунлары планлашдырмағын әсл вахтыдыр (Сүл. мәс. 21:5).
4. Кечән ил көмәкчи пионер кими хидмәт етмиш 90 јашлы баҹыдан нә өјрәнә биләрик?
4 Кечән ил 90 јашлы бир баҹы көмәкчи пионер кими хидмәт етмишди. О данышыр: «Мән бағымда ишләмәји чох севирәм вә һәтта јени биткиләр әкмәк дә истәјирдим. Сонра баша дүшдүм ки, һәјатымда илк јерә Падшаһлығын марагларыны гојмалыјам вә март ајында көмәкчи пионер хидмәтини ҝөтүрдүм». Бәс Јеһова бу сә’јинә ҝөрә она хејир-дуа вердими? Баҹы давам едир: «Инди өзүмү сөзүн әсл мә’насында јығынҹағын бир үзвү кими һисс едирәм. Бу хидмәт мәни Јеһоваја даһа да јахынлашдырыб». Бәс биз һәјатда биринҹи јерә нәји гојдуғумузу арашдырыб, дәјишикликләр етмәјә һазырыгмы?
5. Көмәкчи пионер кими хидмәт етмәк чәтиндирми?
5 Әслиндә көмәкчи пионерләр үчүн 50 саатлыг норманы јеринә јетирмәк фикирләшдијин гәдәр чәтин дејил. Аллаһдан дуада рәһбәрлик диләјәндән сонра ҝүндәлик ишләрин барәсиндә дүшүн, хидмәтә чыхмаг үчүн бир график һазырла. Шәраитини сәндән јахшы һеч кәс билмир. Әҝәр сәһһәтин зәифдирсә, тез јорулурсанса, онда ҝүндә ҹәми бир-ики саат хидмәт едә биләрсән. Әҝәр бүтүн ҝүнү ишләјир, јахуд да охујурсанса, онда хидмәтә ахшамлар, ја да истираһәт ҝүнләри чыха биләрсән.
6. Бир әр-арвад нәјин сајәсиндә көмәкчи пионер хидмәтинә башладылар?
6 Бә’зи аиләлиләр дә көмәкчи пионер кими хидмәт едирләр. Бир нечә ил әввәл бир әр-арвад бу хидмәт нөвүнә башламаға тәрәддүд едирдиләр. Онлара елә ҝәлирди ки, шәраитләри үзүндән көмәкчи пионер олмалары мүмкүн дејил. Бәс онлар нә етдиләр? «Биз Јеһова Аллаһа дуа едирдик ки, чохданкы арзумузу һәјата кечирә биләк». Һәр шеји јахшыҹа планлашдырдыгдан сонра онлар мәгсәдләринә наил ола билдиләр. Онлар давам едирләр: «Сөзлә ифадә етмәк мүмкүн дејил. Јеһова икимизә дә о гәдәр хејир-дуа верди ки! Мәсләһәтдир, сиз дә өзүнүзү сынајын. Әҝәр биздә алындыса, сиздә дә алынаҹаг».
7. Үзүмүзә ҝәлән ајларда хүсуси хидмәтә һазырлашмаг үчүн нөвбәти аиләви өјрәнмәдә нә едә биләрсиниз?
7 Нәјә ҝөрә нөвбәти аиләви өјрәнмәдә, үзүмүзә ҝәлән ајларда һамынын хидмәтдә даһа сә’јлә иштирак етмәси барәдә сөһбәт етмәјәсиниз? Аиләдә һамы көмәкчи пионер кими хидмәт едә билмәсә дә, јәгин һеч олмаса бир нәфәрин буну етмәјә имканы олаҹаг. Бунун үчүн аиләнин галан үзвләри дә көмәкләрини әсирҝәмәмәли, әмәкдашлыг етмәјә һазыр олмалыдырлар. Әҝәр бу да мүмкүн дејилсә, бу хүсуси ајларда бүтүн аилә хидмәтдә даһа чох иштирак етмәји гаршысына мәгсәд гоја биләр.
8. Гаршыдан ҝәлән ајларда хидмәтдә даһа чох иштирак етмәк истәјимиз барәдә башгалары илә нә үчүн данышмалыјыг?
8 Бир-биринизә көмәк един. Хидмәтә олан һәвәсин башгаларына да јахшы тә’сир едә биләр. Көмәкчи пионер олмаг истәјини башгаларына даныш. Ола биләр, онлар да бу хидмәт нөвүнә башламаг истәјәрләр. Бундан башга, әввәлләр пионер кими хидмәт етмиш баҹы-гардашлар да, мәгсәдинә чатмаг үчүн сәнә графикинлә бағлы дәјәрли мәсләһәтләр верә биләрләр (Сүл. мәс. 15:22). Әҝәр көмәкчи пионерсәнсә, нәјә ҝөрә сәнин кими шәраити олан тәблиғчиләри дә бу севинҹ ҝәтирән хидмәти дадмаға тәшвиг етмәјәсән?
9. Ағсаггаллар үзүмүзә ҝәлән ајларда тәблиғчиләрдә көмәкчи пионер хидмәтинә һәвәс ојатмаг үчүн нә едә биләрләр?
9 Бир чох ағсаггаллар бу хүсуси хидмәт нөвүндә иштирак етмәк үчүн графикләриндә лазыми дәјишикликләр едирләр (Ибр. 13:7). Ағсаггалларын бу нүмунәси јығынҹағы неҹә дә руһландырыр! Ағсаггаллар һәмчинин сөһбәтләри илә дә башгаларыны һәвәсләндирә биләрләр. Бир нечә хош сөз, бә’зи практики мәсләһәтләр пионер хидмәтини башламаг үчүн ән лазыми тәкан ола биләр. Хидмәти нәзарәтчи тәблиғ хидмәти үчүн әлавә ҝөрүшләр кечирәҹәк ки, тәблиғчиләрин һамысы дәрсдән, ишдән сонра груп һалында хидмәтә чыха билсинләр. Бу ҝөрүшләр мүнтәзәм олараг е’лан едиләҹәк. Гардаш һәм дә әмин олмалыдыр ки, һамынын пајламаг үчүн јетәринҹә әдәбијјаты вә саһәси вар.
10. Көмәкчи пионер кими хидмәт етмәјә имканын олмаса да, нә едә биләрсән?
10 Шәраитин көмәкчи пионер кими хидмәт етмәјә јол вермәсә дә, сән бу хидмәтә башлајанлары руһландыра вә онлар үчүн дуа едә биләрсән (Сүл. мәс. 25:11; Колос. 4:12). Мәсәлән, онларла һәмишәкиндән бир аз чох хидмәт едә биләр, ја да һәфтәнин бир ҝүнүнү хүсуси олараг онлар үчүн ајыра биләрсән.
11. Азәрбајҹан үчүн һансы мәгсәд гојулуб вә сизин јығынҹаг бу мәгсәдә наил олмагда неҹә көмәк едә биләр?
11 Апрел ајы үчүн мәгсәд — 100 көмәкчи пионер. Азәрбајҹан үчүн көмәкчи пионерләрин ән јүксәк һәдди 2006-ҹы илин апрел ајында 78 нәфәр олуб. Буну нәзәрә алараг, Азәрбајҹан үчүн үзүмүзә ҝәлән апрел ајында реал рәгәм 100-дүр. Әҝәр һәр јығынҹагдан орта һесабла һәр алтынҹы тәблиғчи көмәкчи пионер хидмәтинә башласа, бу мәгсәдә наил олмаг олар. Әлбәттә, бә’зи јығынҹагларда көмәкчи пионер хидмәт етмәјә шәраити јол верән даһа чох тәблиғчи олаҹаг. Әксәр јығынҹаглар бу мәгсәдә наил ола биләрләр. Бунун, тәблиғ ишинә ҝөстәрәҹәји мүсбәт тә’сири вә јығынҹагдакы севинҹи тәсәввүрүнә ҝәтир!
12. Нәјә ҝөрә апрел көмәкчи пионер хидмәти үчүн ән мүнасиб ајдыр?
12 Көмәкчи пионер хидмәтинә башламаг үчүн апрел нә үчүн ән мүнасиб ајдыр? Хатирә Ҝеҹәси ајын әввәлиндә олдуғундан, бу ҝөрүшә ҝәләнләрә ај әрзиндә тәкрар баш чәкмәк мүмкүн олаҹаг. Бундан башга, икинҹи ҝәлишимиздә «Мүгәддәс Китаб өјрәдир» нәшри илә өјрәнмә башламаг мәгсәдилә журналлар пајлајаҹағыг. Ҝөрүндүјү кими, апрел ајында көмәкчи пионер хидмәт етмәклә чохлу Мүгәддәс Китаб өјрәнмәсинә башлаја биләҹәјик. Апрел ајында ҝүн узаныр, һавалар да јахшылашыр. Бундан әлавә, апрел ајында беш базар ҝүнү вар. Бунун сајәсиндә мәктәблиләрин вә ишләјәнләрин дә бу хидмәт нөвүндә иштирак етмәјә имканлары олаҹаг.
13. Хатирә Ҝеҹәси јахынлашдыгҹа нәјә ҝөрә анламалыјыг ки, вахт артыг ҝөзләмир?
13 Гејд едилән һәр Хатирә Ҝеҹәси бизи бу системин сонуна бир ил дә јахынлашдырыр. Башгаларына уҹа Аллаһымыз һаггында данышмаг үчүн ајрылмыш вахт ҝет-ҝедә азалыр (1 Кор. 7:29). Бу илки Хатирә Ҝеҹәси сәмави Атамызы һәмд етмәк үчүн ҝөзәл имканлар ачыр. Ҝәлин бу имканы әлдән вермәјәк! Ҝәлин март, апрел вә мај ајларында Јеһованын ‘фәзиләтләрини’ е’лан етмәк үчүн индидән һазырлашаг!
[4 сәһифәдәки чәрчивә]
Апрел ајында өлкәмиздә 100 көмәкчи пионеримиз олаҹагмы?
◼ Биринҹи јерә нәләри гојдуғуна нәзәр сал
◼ Мәгсәдләринизи аиләликлә мүзакирә един
◼ Планларыны башгаларына даныш