Тәблиғ едиб әсаслы сурәтдә шаһидлик един

¹ “Рәис вә әмир” олан Иса давамчыларыны ҝениш тәблиғ ишинә һазырлады (Иш. 55:4; Лука 10:1-12; Һәв. иш. 1:8). Һәвари Павел Исанын тапшырығыны бу сөзләрлә тәсвир етди: “Дириләрин вә өлүләрин Аллаһ тәрәфиндән тә’јин олунан Һакими Одур”,— дејә халга тәблиғ едиб [“әсаслы сурәтдә”, ЈД] шаһидлик етмәји бизә әмр етди” (Һәв. иш. 10:42). Әсаслы сурәтдә шаһидлик етмәк өзүнә нәји дахил едир?

² Һәвари Павелин неҹә шаһидлик етдијини нәзәрдән кечирәк. Ефесдәки јығынҹағын ағсаггаллары илә ҝөрүшәркән Павел онлара хатырлатды: “Сизә фајдалы олан һеч бир сеји бәјан етмәкдән, истәр ачыгҹа, истәрсә дә евдән-евә сизә тә’лим етмәкдән чәкинмәдим. Аллаһа төвбә вә Рәббимиз Иса Мәсиһә иман етмәји јәһудиләрә вә јунанлара ҹидди тапшырдым [“әсаслы сурәтдә саһидлик етдим”, ЈД]”. Чәтинликләринә бахмајараг, Павел хош хәбәри бүтүн инсанлара чатдырмаг арзусунда иди. Башгаларыны өјрәдәркән јалныз һәгигәтин әсасларыны өјрәтмәклә кифајәтләнмирди, амма онлара “Аллаһын бүтүн ирадәсини” чатдырмаға чалышырды. Бунун үчүн фәдакарлыг етмәјә, вахтыны вә гүввәсини әсирҝәмәмәјә һазыр иди. О давам едир: “Мән өз һәјатыма гијмәт вә әһәмијјәт вермирәм. Јетәр ки, дөврүмү севинҹлә битирим вә Рәбб Исадан алдығым вәзифәни, јә’ни Аллаһын лүтфү һаггындакы Мүждәјә [“әсаслы сурәтдә”, ЈД] шәһадәт етмәји тамамлајам” (Һәв. иш. 20:20, 21, 24, 27).

³ Биз Павелин нүмунәсини неҹә тәглид едә биләрик? (1 Кор. 11:1). Чәтинликләрә бахмајараг, бүтүн милләтләрдән олан инсанлара шаһидлик етмәјә чалышараг вә онларда јаранан марағы сә’јлә артырараг ләјагәтли оланлары ахтармагла (Мат. 10:12, 13). Бунун үчүн вахт, сә’ј вә инсанлара гаршы мәһәббәт тәләб олунур.

⁴ Көмәкчи пионер кими хидмәт едә биләрсәнми? Март вә апрел ајларында көмәкчи пионер кими хидмәт едәрәк, әсаслы сурәтдә шәһадәт етмәк үчүн ҝөзәл имканымыз вар. Өтән ил бир чох тәблиғчиләрин көмәкчи пионер кими хидмәт едәрәк, хүсуси сә’ј ҝөстәрдикләрини ҝөрмәк неҹә дә хош иди!

⁵ Сәксән јашлы бир баҹыны пионер кими хидмәт етмәк чағырышы о гәдәр руһландырмышды ки, о, сағламлығы илә бағлы проблемләрә бахмајараг, фәалијјәт ҝөстәрмәк гәрарына ҝәлмишдир. О јазырды: “Көмәкчи пионер кими хидмәт етмәк арзусу мәни һеч заман тәрк етмирди. Гәрара ҝәлдим ки, хидмәтин бу нөвүндә мүтләг бир даһа иштирак едәҹәјәм!” О, март ајында көмәкчи пионер хидмәти ҝөтүрмәк гәрарына ҝәлди. Һәмин баҹы јазыр: “Ҝөрдүјүм биринҹи иш, ‘отуруб мәсрәфләри һесабламаг’ олду. Гәрарым барәдә гызыма сөјләдим, чүнки онун јардымына еһтијаҹым варды. Онун да көмәкчи пионер олмасы мәним үчүн ҝөзләнилмәз олду. Һәмин ај әрзиндә јашлы баҹы хидмәтә 52 саат вахт сәрф етди. “Чох вахт мәнә елә ҝәлирди ки, артыг таб ҝәтирә билмәјәҹәјәм, лакин Јеһоваја дуа едирдим вә О, һәр дәфә мәнә дәстәк олурду. Хидмәтдә әсл севинҹ вә мәмнунлуг һисси дујурдум, һәмчинин көмәк етдијинә ҝөрә Јеһоваја да дәфәләрлә миннәтдарлыг едирдим. Јенә дә көмәкчи пионер кими хидмәт етмәк истәјәрдим”. Еһтимал ки, бу баҹынын ҝөзәл нүмунәси, сәһһәти илә әлагәдар мүхтәлиф чәтинликләрлә гаршылашан, лакин бүтүн үрәји илә көмәкчи пионер кими хидмәт етмәк истәјән һәр бир кәси һәрәкәтә тәшвиг едәҹәкдир.

⁶ Бир гардаш ҝөзләнилмәдән иш јерини итирди. Фүрсәтдән истифадә едәрәк көмәкчи пионер хидмәтинә башлады. Ај әрзиндә онун тәблиғ етмәк арзусу даһа да артды вә ајын ахырында јени Мүгәддәс Китаб өјрәнмәси башлады. Гардаш хатырлајыр: “Бу неҹә дә унудулмаз ај иди!” О, Јеһоваја рәһбәрлик вердијинә вә көмәк етдијинә ҝөрә, неҹә дә миннәтдар иди! Бәли, гардашын тәзаһүр етдирдији сә’ји ҝөрүб Јеһова онун үзәринә бол хејир-дуалар төкдү вә бу ҹүр хејир-дуалары сәнә дә верәҹәкдир (Мал. 3:10).

⁷ Көмәкчи пионер кими хидмәт етмәк чохлары үчүн асан олмур. Бунунла јанашы, аилә илә бағлы вә диҝәр мәс’улијјәтләрә, шәхси чәтинликләрә бахмајараг, бир чох баҹы-гардашлар буну едә билмишләр. Әсаслы сурәтдә шаһидлик етмәк үчүн, өз вахтымызы вә гүввәмизи гурбан вермәлијик, лакин бу, мүгајисәолунмаз хејир-дуалар ҝәтирир (Сүл. мәс. 10:22).

⁸ Март вә апрел ајлары, көмәкчи пионер кими хидмәт етмәк үчүн ҝөзәл имкандыр. Март ајында беш шәнбә вә беш базар ҝүнү вар. Бундан истифадә едәрәк вә ахшам вахты тәблиғә чыхараг, һәтта там иш ҝүнү чалышан баҹы-гардашлар да көмәкчи пионер кими хидмәт едә биләрләр. Бу мәгаләјә дахил едилмиш көмәкчи пионер хидмәти графикинә нәзәр салараг, март вә апрел ајларында хидмәтини елә планлашдыра биләрсәнми ки, 50 саатлыг норманы јеринә јетирәсән? Тәртиб етдијин графики башгалары илә мүзакирә ет, шүбһәсиз ки, бу, башгаларыны да хидмәтдә сәнә гошулмаға тәшвиг едәҹәк. Әҝәр көмәкчи пионер кими хидмәт едә билмирсәнсә, һәмин ај гаршына хүсуси мәгсәдләр гој вә онлара наил олмаға чалыш, һәмчинин пионер хидмәтиндә чалышанлара дәстәк ол. Ишләрини елә планлашдыр ки, март вә апрел ајларында хидмәтини ҝенишләндирәсән.

⁹ Хатирә Ҝеҹәсинә ҝөрә миннәтдарлығыны тәзаһүр етдир. Һәр ил јаз вахты минләрлә инсанлар Мәсиһин фидијә гурбанлығына ҝөрә миннәтдарлыгларыны билдирмәк арзусунда олараг, ‘вахты сатын алырлар’ ки, көмәкчи пионер кими хидмәт етсинләр (Ефес. 5:15, 16, ЈД). Өтән хидмәт илиндә Азәрбајҹанда март ајында 33, апрел ајында исә 16 тәблиғчи көмәкчи пионер кими хидмәт етмишдир. Бу, орта һесабла 24 пионер тәшкил едир. Бу сајы, һәмин хидмәт илинин әввәлки ајларында көмәкчи пионер кими хидмәт едәнләрин орта һесабыны тәшкил едән 9 пионер илә мүгајисә ет. Хатирә Ҝеҹәси әрәфәсиндә хидмәтини ҝенишләндирәрәк, Мәсиһин фидијә гурбанлығына ҝөрә сәмими миннәтдарлығыны тәзаһүр етдирмәјә ҝөзәл имканын вар.

¹⁰ Апрел ајынын 16-ы ја­хынлашдығы үчүн, Хатирә Ҝеҹәсинин сәнин үчүн һансы мә’наны кәсб етдијини дүшүн. Мәсиһин өлүмүнә сәбәб олан һадисәләри вә өлүмүндән габаг онун әглини, һәмчинин үрәјини үзән фикирләри јадына сал. Һәмчинин Исаны ҝөзләјән севинҹ барәдә, бу севинҹин она бүтүн ишҝәнҹәләрә таб ҝәтирмәкдә неҹә көмәк етдији барәдә дүшүн. Онун мәсиһчи јығынҹағынын башы кими дашыдығы вәзифә барәдә вә тәблиғ ишиндә, һәмчинин шаҝирдләрин һазырланмасында ҝөстәрдији рәһбәрлик барәдә дүшүн (1 Кор. 11:3; Ибр. 12:2; Вәһј 14:14-16). Сонра исә, имканларынын јол вердији гәдәр фәал хидмәт етмәклә, Мәсиһин бизим үчүн етдикләринә ҝөрә миннәтдарлығыны тәзаһүр етдир.

¹¹ Башгаларыны әсаслы сурәтдә шаһидлик етмәјә руһландыр. Көмәкчи пионер кими хидмәт едән ағсаггал вә хидмәти көмәкчиләрин, башгаларыны руһландырмаг үчүн даһа чох имканлары јаранаҹаг. Тәблиғчиләрлә әмәкдашлыг едәрәк вә чобанлыг зијарәтләри едәрәк, онлар бу хүсуси фәалијјәт нөвүндә там иштирак етмәкдә башгаларына шәхсән көмәклик ҝөстәрә биләрләр. Ҝәлин, һамымызын март вә апрел ајларында бирликдә әсаслы сурәтдә шаһидлик едә билмәси үчүн дуа едәк!

¹² Март вә апрел ајларында јығынҹағын тәблиғ фәалијјәтиндә бүтүн ағсаггал вә хидмәти көмәкчиләр иштирак етсәләр дә, бу ишлә хүсусилә хидмәти нәзарәтчи фәал мәшғул олаҹагдыр. О, тәблиғ хидмәти ҝөрүшләринин кечирилмәсини тәшкил етмәлидир. Һәм дә елә етмәлидир ки, бу ҝөрүшләрин кечирилдији јер вә вахт тәблиғчиләрин чоху үчүн мүнасиб олсун. Хидмәти нәзарәтчи һәмчинин гајғы ҝөстәрмәлидир ки, бу ҝөрүшләр барәдә мүнтәзәм олараг е’ланлар едилсин. Елә етмәк олар ки, ҝөрүшләр ҝүнүн мүхтәлиф вахтларында кечирилсин, белә олан һалда јығынҹағын үзвләри хидмәтин мүхтәлиф нөвләриндә иштирак едә биләрләр. Бураја ишҝүзар әразидә, күчәдә, евдән-евә хидмәт, тәкрар башчәкмәләр вә телефон васитәсилә шаһидлик дахил едилә биләр. Бундан әлавә, хидмәти нәзарәтчи гајғы ҝөстәрмәлидир ки, бу ајлар әрзиндә јығынҹагда журналлар вә диҝәр әдәбијјат, һәмчинин кифајәт гәдәр әразиләр олсун.

¹³ Мүгәддәс өјрәнмәси башламаг мәгсәди илә март ајында “Билик” китабыны тәгдим едәҹәјик. “Билик” китабы үчүн јахшы тәгдимәләр, “Бизим Падшаһлыг Хидмәтимиз”ин 2002-ҹи ил јанвар сајынын әлавә вәрәгәсиндә дәрҹ олунмушдур. Апрел ајында “Ҝөзәтчи Гүлләси” вә “Ојанын!” журналларыны тәгдим едәҹәјик. “Журналлары неҹә тәклиф етмәк олар?” рубрикасындакы тәгдимәләри тәтбиг етмәјә ҹәһд ҝөстәр. Әсаслы сурәтдә шаһидлик етмәк үчүн һамы јахшы һазырлашмалыдыр.

¹⁴ Неҹә дә хошбәхтик ки, јығынҹағын башы олан Иса Мәсиһин рәһбәрлији алтында чалышмаг вә башгалары илә хош хәбәри бөлүшмәк имканымыз вар! Инди исә, ҝәлин, Мәсиһин хош хәбәри тәблиғ етмәк тапшырығыны март вә апрел ајларында даһа сә’јлә јеринә јетирмәјә вә бу һагда әсаслы сурәтдә шаһидлик етмәјә чалышаг.