‘Хошбәхт Аллаһымыз’ Јеһованы тәглид ет
1 Јеһова инсанларын хошбәхт олмасыны истәјир. Онун Кәламы бәшәријјәти ҝөзләјән һејранедиҹи хејир-дуалары ҹанлы сурәтдә тәсвир етмәјә көмәк едир (Јешаја 65:21-25). Башгалары ‘хошбәхт Аллаһын иззәтли Мүждәсини’ онларла бөлүшмәјин бизә севинҹ ҝәтирдијини ҝөрүрләр (1 Тим. 1:11, ЈД). Падшаһлыг һаггында хәбәри тәблиғ едәркән һәгигәти севдијимизи вә адамларла үрәкдән марагландығымызы әкс етдирмәлијик (Ром. 1:14-16).
2 Арабир белә севинҹ долу әһвал-руһијјәни горујуб сахламаг чәтин олур. Бә’зи әразиләрдә јалныз тәк-түк адам Падшаһлыг һаггында хәбәрә һај верир. Һәрдәнбир бизим чәтинлијимиз ола биләр. Јахшы әһвал-руһијјәни сахламагда бизә, әразимиздә јашајан адамларын мүждәјә нә гәдәр еһтијаҹлары олдуглары үзәриндә фикирләшмәк көмәк едә биләр (Ром. 10:13, 14, 17). Бу, мәрһәмәтли Јеһованын инсанлары хилас етмәк үчүн һансы тәдбири ҝөрдүјүнү бундан сонра да шөвглә данышмаға көмәк едәҹәк.
3 Никбин шејләрдән даныш. Сөһбәт заманы диггәтли олмалыјыг. Сөһбәтин әввәлиндә һәтта дилләр әзбәри олан бир хәбәрә вә ја проблемә тохунуругса да, бу һагда узун-узады данышмаға дәјмәз. Бизим мәгсәдимиз «хош мүждә»ни тәблиғ етмәкдир (Јешаја 52:7; Ром. 10:15). Бу хош хәбәр Аллаһын сәадәтли ҝәләҹәк һаггында вә’дләринә әсасланыр (2 Пет. 3:13). Буну әлдә рәһбәр тутараг Мүгәддәс Китаб ајәләриндән истифадә етмәклә ‘гәлбләри сыныг оланларын јараларыны сары’ (Јешаја 61:1, 2). Бу, һәр биримизә руһ јүксәклијини вә јахшы әһвал-руһијјәни горујуб сахламаға көмәк едәҹәк.
4 Бизим севинҹ долу әһвал-руһијјә илә тәблиғ етмәјимиз адамларын нәзәриндән гачмајаҹаг. Она ҝөрә дә, ҝәлин бизим әразидә јашајан инсанларла Падшаһлыг һаггында хәбәри бөлүшәркән ‘хошбәхт Аллаһымыз’ Јеһованын әһвал-руһијјәсини тәглид едәк.