Рајон конгресинин јени програмы

Јеһова иззәтә лајигдир. Биз Јеһованы неҹә иззәтләндиририк? Бу саһәдә бә’зиләри һансы чәтинликләрлә үзләшир? Аллаһа бу ҝүн иззәт верәнләр һансы хејир-дуалары алырлар? 2008-ҹи илин рајон конгресинин програмында бу суаллара мәмнунедиҹи ҹаваб алаҹағыг. Бу конгресин мөвзусу беләдир: «Һәр шеји Аллаһын иззәти үчүн един» (1 Кор. 10:31). Ҝәлин ҝөрәк бу икиҝүнлүк зәнҝин руһани зијафәт әрзиндә бизи нә ҝөзләјир?

Вилајәт нәзарәтчиси «Аллаһа нә үчүн иззәт вермәлијик?» вә «Аллаһын тәләбләрини јеринә јетирмәкдә нүмунәви олун» адлы мә’рузәләрлә чыхыш едәҹәк. О, «Аллаһы һансы халг иззәтләндирир?» адлы ачыг мә’рузәни вә «Бүтүн дүнјада Аллаһы бирҝә иззәтләндирин» адлы јекун мә’рузәни сөјләјәҹәк. О, һәмчинин «Теократик Хидмәт Мәктәби»ни апараҹаг. Рајон нәзарәтчиси «Аллаһын иззәтини севинҹлә әкс етдирин», «Рајонун тәләбатларына диггәт јетирин» вә 2 Петер 1:12 ајәсинә әсасланан «‘Һәгигәтдә сабит оланлар’ кими галын» мә’рузәләрини тәгдим едәҹәк. Бундан әлавә, биз өјрәнәҹәјик ки, «Пионер хидмәти Аллаһа иззәт ҝәтирир». Тәшвигедиҹи мә’рузәләр силсиләсиндән олан «Һәјатымызын бүтүн саһәләриндә Аллаһа иззәт ҝәтиририк» адлы биринҹи мә’рузәдә, 1 Коринфлиләрә 10:31 ајәсиндәки илһамланмыш сөзләрин дәрин мә’насы изаһ едиләҹәк. «Јеһованы иззәтләндирмәк үчүн мүгәддәс хидмәти иҹра едирик» адлы мә’рузәләр силсиләсиндә, ибадәтимизин мүхтәлиф саһәләри вурғуланаҹаг. «Ҝөзәтчи Гүлләси»нин гыса мүзакирәси вә базар ҝүнү ҝүндәлик ајәнин арашдырылмасы олаҹаг. Сонра вәфтиз мәрасими кечириләҹәк.

Үмуми ҝөтүрдүкдә, бәшәријјәт Аллаһы танымагдан имтина едир. Бир чохларынын башы инсан идејаларына о дәрәҹәдә гарышыб ки, Јеһованын әзәмәти һаггында дүшүнмүрләр (Јәһ. 5:44). Амма биз «Һәр шеји Аллаһын иззәти үчүн един» дә’вәтинә һај вермәк үчүн сәрф етдијимиз вахтын дәјәрли олдуғуна әминик. Конгресин һәр ики ҝүнүндә иштирак етмәји вә програмдан там фајда әлдә етмәји планлашдырын.