Ән ваҹиб иш
1. Хидмәтә ҝөрә дәрин миннәтдарлығымыз һансы гурбанлары вермәјә тәшвиг едәҹәк?
1 Нәјә ҝөрә биз һәмишә бүтүн вахтымызы, ҝүҹүмүзү вә вәсаитимизи хидмәтә сәрф етмәјә тәшвиг олунуруг? Чүнки бундан даһа ваҹиб иш јохдур! Бунун чохсајлы нәтиҹәләри үзәриндә дүшүнсәк, бирдә һеч вахт тәкрар олунмајаҹаг бу ишдә иштирак етмәк истәјимиз артаҹаг (Һәв. иш. 20:24).
2. Бизим тәблиғимиз Јеһованын бөјүк адыны иззәтләндирмәјә неҹә көмәк едир?
2 Јеһованын адыны иззәтләндирир. Тәблиғ иши ҝөстәрир ки, Исанын рәһбәрлији алтында олан сәмави Падшаһлыг бүтүн инсан һакимијјәтләрини әвәз едәҹәк вә бәшәријјәтин бүтүн проблемләрини арадан галдыраҹаг (Мат. 6:9, 10). Үстәлик, Јеһованы бизи ҝүнаһ вә өлүмдән хилас едә биләҹәк јеҝанә Шәхс кими уҹалдыр (Јешаја 25:8; 33:24). Онун адыны дашыдығымыз үчүн бизим нүмунәви давранышымызы вә сәјимизи ҝөрән инсанлар Јеһоваја иззәт верә биләрләр (1 Пет. 2:12). Һөкмдар Аллаһ олан Јеһованын адыны бүтүн дүнјаја танытмаг бизим үчүн олдугҹа мәмнунедиҹидир! (Мәз. 83:18).
3. Падшаһлыг хәбәринә мүсбәт һај верәнләр һансы хејир-дуалары алырлар?
3 Һәјатлары хилас едир. Јеһова «истәјир ки, һамы төвбәјә ҝәлсин вә кимсә һәлак олмасын» (2 Пет. 3:9). Демәли, әҝәр кимсә онлары өјрәтмәсә, Јеһованын ҝөзүндә һансы давранышын дүз, һансынын исә сәһв олдуғуну һарадан өјрәнә биләрләр? (Јун. 4:11; Ром. 10:13—15). Инсанлар хош хәбәрә һај вериб пис вәрдишләрини атараг һәјатларыны јахшылашдырырлар (Мик. 4:1—4). Бундан әлавә, онларын гаршысында әбәди һәјатда јашамаг имканы ачылыр. Бизим тәблиғ вә өјрәтмәк ишиндә фәал иштиракымыз һәм бизи хилас едир, һәм дә бизә гулаг асанлары (1 Тим. 4:16). Бу ваҹиб ишдә бизим дә пајымызын олмасы неҹә дә бөјүк шәрәфдир!
4. Нәјә ҝөрә тәблиғ вә шаҝирд һазырламаг ишиндә әлимиздән ҝәләни етмәлијик?
4 Тезликлә бөјүк мәшәггәт бу пис системин гәфил сонуну ҝәтирәҹәк. Јеһованын тәрәфини тутанлар хилас олаҹаг. Беләликлә, тәблиғ вә шаҝирд һазырламаг иши бизим ҝүнләрдә олан ән тәхирәсалынмаз, ваҹиб вә фајдалы ишдир. Гој бу иш бизим һәјатымызда ән әсас јери тутсун! (Мат. 6:33).