«Мәсиһи һәјаты вә ибадәти. Иш дәфтәри» үчүн мәнбәләр
7—13 ОКТЈАБР
АЛЛАҺЫН КӘЛАМЫНДАКЫ ХӘЗИНӘ | ЈАГУБ 3—5
«Илаһи һикмәти әмәлдә ҝөстәрин»
(Јагуб 3:17) Лакин јухарыдан назил олан һикмәт илк нөвбәдә сафдыр, сонра сүлһпәрвәр, мүлајим, итаәткардыр, мәрһәмәтли вә фајдалы бәһрәләрлә долудур. Ајры-сечкиликдән, ријакарлыгдан узагдыр.
cl-E с. 221—222, абз. 9, 10
«Јухарыдан назил олан һикмәт» һәјатында ҝөрүнүр?
9 «Илк нөвбәдә сафдыр». Саф олмаг тәкҹә заһирән јох, һәм дә дахилән пак, ләкәсиз олмаг демәкдир. Мүгәддәс Китаб һикмәти үрәклә әлагәләндирир, илаһи һикмәт исә пис фикирләрлә, арзуларла вә нијјәтләрлә ләкәләнмиш үрәкдә гәрар тута билмәз (Мәсәлләр 2:10; Мәтта 15:19, 20). Лакин үрәјимиз гејри-камил инсан үчүн мүмкүн олдуғу гәдәр сафдырса, биз шәрдән гачыб, јахшылыг едәҹәјик (Зәбур 37:27; Мәсәлләр 3:7). Доғрудан да, һикмәтин сәҹијјәви хүсусијјәтләри ичиндә сафлығын биринҹи ҝәлмәси јериндәдир. Чүнки әхлаги вә руһани ҹәһәтдән саф дејиликсә, јухарыдан назил олан һикмәтин диҝәр ҹәһәтләрини өзүмүздә неҹә јетишдирә биләрик?
10 «Сонра сүлһпәрвәр». Илаһи һикмәт бизи сүлһә ҹан атмаға тәшвиг едир. Сүлһ исә Аллаһын руһунун бәһрәсидир (Галатијалылара 5:22). Биз чалышмалыјыг ки, Јеһованын халгыны бирләшдирән сүлһүн телләрини гырмајаг (Ефеслиләрә 4:3). Һәмчинин сүлһ позуланда сүлһү бәрпа етмәк үчүн әлимиздән ҝәләни етмәлијик. Бу нә үчүн ваҹибдир? Мүгәддәс Китабда дејилир: «Бундан сонра да... аранызда меһрибанлыг олсун. Онда мәһәббәт вә сүлһ Аллаһы сизинлә олаҹаг» (2 Коринфлиләрә 13:11). Беләликлә, нә гәдәр ки сүлһпәрвәрик, сүлһ Аллаһы бизимләдир. Бизим диндашларымызла рәфтарымыз Јеһова илә мүнасибәтимизә бирбаша тәсир едир. Бәс неҹә сүлһпәрвәр ола биләрик? Ҝәлин бир нүмунәјә бахаг.
(Јагуб 3:17) Лакин јухарыдан назил олан һикмәт илк нөвбәдә сафдыр, сонра сүлһпәрвәр, мүлајим, итаәткардыр, мәрһәмәтли вә фајдалы бәһрәләрлә долудур. Ајры-сечкиликдән, ријакарлыгдан узагдыр.
cl-E с. 223—224, абз. 12
«Јухарыдан назил олан һикмәт» һәјатында ҝөрүнүр?
12 «Мүлајим». Мүлајим олмаг нә демәкдир? Алимләрин рәјинә әсасән, Јагуб 3:17 ајәсиндә «мүлајим» кими тәрҹүмә олунан јунан сөзүнү тәрҹүмә етмәк чәтиндир. Тәрҹүмәчиләр бу сөзү «тәмкинли», «анлајышлы», «дәрракәли» кими тәрҹүмә едирләр, лакин һәрфән «мүлајимлик» демәкдир. Биз һикмәтин бу ҹәһәтини һәјатымызда рәһбәр тутдуғумузу неҹә ҝөстәрә биләрик?
cl-E с. 224—225, абз. 14, 15
«Јухарыдан назил олан һикмәт» һәјатында ҝөрүнүр?
14 «Итаәткардыр». «Итаәткар» кими тәрҹүмә олунан јунан сөзүнә Инҹилдә даһа һеч јердә раст ҝәлинмир. Бир алимин фикринҹә, бу сөз чох вахт һәрбидә ишләнирди. «Асанлыгла јола ҝәтирилән», «итаәткар» мәнасыны верир. Јухарыдан назил олан һикмәти рәһбәр тутан инсан Мүгәддәс Јазыларда дејиләнләрә сөзсүз-совсуз итаәт едир. О, бејниндә бир фикир формалашдыран, сонра исә бу фикрә зидд ҝедән һеч бир факты гәбул етмәјән бир инсан кими танынмыр. Әксинә, белә адам јанлыш мөвгедә олдуғуна, јахуд јанлыш нәтиҹә чыхардығына Мүгәддәс Китабдан ајдын сүбут ҝәтирилдикдә дәрһал мөвгејини дәјишир. Бәс сизи дә белә бир инсан кими таныјырлар?
«Мәрһәмәтли вә фајдалы бәһрәләрлә долудур»
15 «Мәрһәмәтли вә фајдалы бәһрәләрлә долудур». Мәрһәмәт јухарыдан назил олан һикмәтин ваҹиб ҹәһәтидир. Диггәт јетирин ки, «мәрһәмәт» вә «фајдалы бәһрәләр» бирликдә садаланыр. Бу, тәсадүфән белә дејил. Мүгәддәс Китабда мәрһәмәт әксәр һалларда башгаларыны дүшүнмәк, хејирхаһ әмәлләрлә ашыб-дашан шәфгәт мәнасыны верир. Бир китабда дејилир ки, мәрһәмәт «киминсә пис ҝүнүнә аҹымаг вә онун үчүн нәсә етмәјә чалышмаг» демәкдир. Демәли, илаһи һикмәт гуру, рәһмсиз, јахуд сырф интеллектуал сәвијјәдә олан бир амил дејил. Әксинә, бу, хејирхаһдыр вә үрәји исиндирир. Мәрһәмәтли олдуғумузу неҹә ҝөстәрә биләрик?
(Јагуб 3:17) Лакин јухарыдан назил олан һикмәт илк нөвбәдә сафдыр, сонра сүлһпәрвәр, мүлајим, итаәткардыр, мәрһәмәтли вә фајдалы бәһрәләрлә долудур. Ајры-сечкиликдән, ријакарлыгдан узагдыр.
cl-E с. 226—227, абз. 18, 19
«Јухарыдан назил олан һикмәт» һәјатында ҝөрүнүр?
18 «Ајры-сечкиликдән... узагдыр». Илаһи һикмәт ирги ајры-сечкиликдән, милләтчиликдән узагдыр. Әҝәр бу ҹүр һикмәти рәһбәр тутуругса, үрәјимиздән тәрәфкешлији силиб атмалыјыг (Јагуб 2:9). Биз нә тәһсилинә, мадди вәзијјәтинә вә ја јығынҹагдакы мәсуллијјәтләринә ҝөрә инсанлара үстүнлүк вермирик, нә дә, нә гәдәр садә олсалар да, һеч бир диндашымыза јухарыдан ашағы бахмырыг. Әҝәр Јеһова онлары Өз мәһәббәтинә лајиг билибсә, бизим онлардан өз мәһәббәтимизи әсирҝәмәјә һеч бир һаггымыз јохдур.
19 «Ријакарлыгдан узагдыр». «Ријакар» кими тәрҹүмә олунан јунан сөзү «рол ојнајан актјор» мәнасыны верир. Гәдим дөврдә јунан вә Рома актјорлары сәһнәдә ири маска тахырдылар. Беләликлә дә, ријакар кими тәрҹүмә олунан јунан сөзү ҹилдә ҝирән, јахуд јаландан нә исә едән адама аид ишләнмәјә башламышды. Илаһи һикмәтин бу ҹәһәти тәкҹә диндашларымызла рәфтарымыза јох, һәмчинин онлара дујдуғумуз һиссләрә дә тәсир етмәлидир.
Һикмәт хәзинәсиндән инҹиләр
(Јагуб 4:5) Јохса елә дүшүнүрсүнүз ки, Мүгәддәс Јазылар әбәс јерә: «Дахилимиздә мәскунлашмыш пахыллыг руһу даима нә исә арзулајыр», — дејир?
Јагубун вә Петерин мәктубларындан диггәтәлајиг фикирләр
4:5 — Јагуб бурада һансы ајәни ситат ҝәтирир? Јагуб мүәјјән бир ајәни ситат ҝәтирмир. Бу илһамланмыш кәлмәләр, еһтимал ки, Јарадылыш 6:5; 8:21, Сүлејманын мәсәлләри 21:10 вә Галатијалылара 5:17 кими ајәләрин архасындакы үмуми фикрә әсасланыб.
(Јагуб 4:11, 12) Гардашлар, бәсдирин бир-биринизин әлејһинә данышдыныз. Гардашынын әлејһинә данышан, јахуд ону мүһакимә едән гануна гаршы данышыр вә гануну мүһакимә едир. Әҝәр сән гануну мүһакимә едирсәнсә, демәли, ганунун иҹрачысы јох, һакими олурсан. 12 Ахы һәм хилас етмәјә, һәм дә мәһв етмәјә гадир олан бир Ганунверән вә Һаким вардыр. Бәс сән кимсән ки, башгасыны мүһакимә едирсән?!
w97-E 15/11 с. 20—21, абз. 8
Иман сәбирли олмаға вә дуа етмәјә тәшвиг едир
8 Диндашын әлејһинә данышмаг ҝүнаһдыр (Јагуб 4:11, 12). Лакин бәзи мәсиһиләр, бәлкә дә, өзләрини салеһ һесаб етдикләриндән, јахуд башгаларыны алчалдараг өзләрини уҹалтмаг истәдикләриндән диндашларыны тәнгид едир (Зәбур 50:20; Мәсәлләр 3:29). «Әлејһинә данышмаг» кими тәрҹүмә олунан јунан сөзү әдавәти вә шиширдилмиш, јахуд јалан иттиһамлар ирәли сүрмәји билдирир. Бу, гардаш үчүн пис һөкм чыхармаға бәрабәрдир. Бәс бу һансы мәнада гануна гаршы данышмаг, гануну мүһакимә етмәкдир? Мирзәләр вә фәрисиләр Аллаһын әмрләрини рәдд едиб, өз гајдаларына әсасән мүһакимә етмәји јахшы баҹарырдылар (Марк 7:1—13). Әҝәр биз дә Јеһованын иттиһам етмәдији гардашы иттиһам едәриксә, Аллаһын ганунуну мүһакимә етмиш оларыг вә санки бу ганунун јарарсыз олдуғуну дејәрәк ҝүнаһа батарыг. Һәмчинин гардашымызы һагсыз јерә тәнгид етсәк, мәһәббәт ганунуну иҹра етмиш олмајаҹағыг (Ромалылара 13:8—10).
Мүгәддәс Китаб гираәти
(Јагуб 3:1—18) Гардашларым, һамыныз мүәллим олмаға тәләсмәјин. Билдијиниз кими, биз мүәллимләр даһа сәрт мүһакимә едиләҹәјик. 2 Чүнки һәр биримиз дәфәләрлә сәһв едирик. Сөзүндә сәһвә јол вермәјән камил инсандыр. Белә инсан бүтүн бәдәнини јүјәнләмәјә гадирдир. 3 Атын ағзына јүјән кечириб, ону рам едирик вә беләҹә, бүтүн бәдәнини идарә едирик. 4 Һәмчинин ҝүҹлү күләкләрин ҹөвлан етдији суларда үзән нәһәнҝ ҝәмиләрә бахын. Сүканчы онлары балаҹа сүканла истәдији сәмтә јөнәлдир. 5 Дил дә бәдәнин кичиҹик бир үзвүдүр, амма јаман ловғаланыр. Бөјүк бир мешәни јандырмаг үчүн бирҹә гығылҹым кифајәт едир. 6 Дил дә бир аловдур. Бәдәнимизин үзвләри арасында дил һагсызлыгла долу бир дүнјадыр, чүнки бүтүн бәдәни ләкәләјир вә инсанын һәјатыны ода салыр, өзү исә Һинном вадисиндән аловланыр. 7 Һәр ҹүр вәһши һејваны, гушу, сүрүнәни вә дәниз мәхлугуну рам етмәк мүмкүндүр вә инсан онлары рам етмишдир. 8 Дили исә һеч кәс рам едә билмир. Дил гаршысыалынмаз бир бәладыр, өлдүрүҹү зәһәрлә долудур. 9 Биз диллә Атамыз Јеһоваја алгыш уҹалдыр, ејни заманда «Аллаһын бәнзәриндә» јарадылмыш адамлара гарғыш охујуруг. 10 Ејни ағыздан тәриф дә чыхыр, ләнәт дә. Гардашларым, белә олмамалыдыр. 11 Мәҝәр бир чешмәдән һәм ширин, һәм аҹы су ахыр? 12 Гардашлар, мәҝәр әнҹир ағаҹы зејтун вә ја үзүм мејнәси әнҹир верә биләр? Шор гајнагдан да ширин су ҝәлмәз. 13 Аранызда һикмәтли вә дәрракәли кимдир? Гој буну јахшы давраныш вә һикмәтә хас мүлајимликлә әмәлдә ҝөстәрсин. 14 Анҹаг үрәјиниздә ҝүҹлү пахыллыг вә һөҹәт варса, ловғаланмајын вә һәгигәти јаланла ләкәләмәјин. 15 Бу, јухарыдан назил олан һикмәт дејил. Хејр, бу, дүнјаја хас, ҹисмани, шејтани һикмәтдир. 16 Пахыллыг вә һөҹәт олан јердә гармагарышыглыг вә һәр ҹүр пислик һөкм сүрүр. 17 Лакин јухарыдан назил олан һикмәт илк нөвбәдә сафдыр, сонра сүлһпәрвәр, мүлајим, итаәткардыр, мәрһәмәтли вә фајдалы бәһрәләрлә долудур. Ајры-сечкиликдән, ријакарлыгдан узагдыр. 18 Салеһлик бәһрәсинин тохуму исә сүлһпәрвәрләр үчүн әмин-аманлыг шәраитиндә әкилир.
СӘРИШТӘЛИ МҮЖДӘЧИ ОЛУН
w10-E 1/9 с. 23—24
Ҝүнаһы кимә етираф етмәлијик?
Һеч бир инсан Аллаһа гаршы едилән ҝүнаһлары бағышлаја билмәз. Аллаһ бу сәлаһијјәти һеч кимә вермәјиб. Буну јалныз Аллаһ едә биләр. Мүгәддәс Китабда ачыг-ајдын јазылыб: «Әҝәр ҝүнаһларымызы етираф едириксә, О [Аллаһ], сәдагәтли вә адил олдуғундан ҝүнаһларымызы бағышлајаҹаг вә бизи һәр ҹүр әјриликдән тәмизләјәҹәк» (1 Јәһја 1:9). Бәс онда бу ҹүр ҝүнаһлары кимә етираф етмәк лазымдыр?
Јалныз Аллаһ ҝүнаһы бағышладығы үчүн етирафы да Она етмәлијик. Гејд етдијимиз кими, Давуд мәһз белә етмишди. Бәс Аллаһ нәјин әсасында ҝүнаһы бағышлајыр? Мүгәддәс Китабда дејилир: «Буна ҝөрә дә ҝүнаһларынызын бағышланмасы үчүн төвбә един вә јолунуздан дөнүн ки, Јеһовадан тәравәт мөвсүмү ҝәлсин» (Һәвариләрин ишләри 3:19). Бәли, тәкҹә бојнуна алыб, етираф етмәклә ҝүнаһ бағышланмыр. Инсан һәм дә пис јолундан дөнмәјә һазыр олмалыдыр. Буну етмәк исә чох вахт чәтин олур. Амма Аллаһ јенә дә бизи көмәксиз гојмајыб.
Мәгаләнин әввәлиндә ситат ҝәтирилән сөзләри јадыныза салын: «Буна ҝөрә дә бир-биринизин гаршысында ҝүнаһларынызы етираф един вә сағалмаг үчүн бир-бириниздән өтрү дуа един». Сонра исә әлавә едилир: «Салеһин һәрарәтли дуасынын бөјүк тәсири вар» (Јагуб 5:16). «Салеһ» 14-ҹү ајәдә һаггында данышылан јығынҹаг ағсаггалларындан бири ола биләр. Мәсиһи јығынҹағындакы ағсаггаллар Аллаһын әфвини газанмаг истәјәнләрә көмәк етмәк үчүн тәјин олунублар. Дүздүр, ағсаггаллар һеч кими ҝүнаһдан азад едә билмәзләр, чүнки һеч бир инсана киминсә Аллаһа гаршы етдији ҝүнаһы бағышламаг ихтијары верилмәјиб. Лакин руһани ҹәһәтдән јеткин олан бу кишиләр ҹидди ҝүнаһ ишләмиш адамы тәнбеһ едәрәк, она ҝүнаһынын бөјүклүјүнү, төвбә етмәли олдуғуну баша салараг дүзәлмәјә көмәк едә биләрләр (Галатијалылара 6:1).
Ҝүнаһы нә үчүн етираф етмәк лазымдыр?
Ҝүнаһын бөјүк олуб-олмамасындан асылы олмајараг, ҝүнаһ едән адам инсанла вә Аллаһла мүнасибәтинә хәләл ҝәтирир. Нәтиҹәдә, о нараһат олур, әзаб чәкир. Чүнки Јарадан бизә виҹдан вериб вә бу виҹдан да өз сөзүнү дејир (Ромалылара 2:14, 15). Белә адам нә едә биләр?
Бир даһа Јагубун мәктубуна бахсаг, белә руһландырыҹы сөзләрә раст ҝәләрик: «Аранызда нахош олан вармы? Гој јығынҹағын ағсаггалларыны чағырсын. Онлар Јеһованын ады илә онун башына јағ сүртүб онун үчүн дуа едәрләр. Иманла едилән дуа нахош оланы сағалдаҹаг вә Јеһова ону ајаға галдыраҹаг. Әҝәр ҝүнаһ ишләјибсә, тәгсири бағышланаҹаг» (Јагуб 5:14, 15).
Јенә дә сүрүнүн гајғысына галмаг үчүн ағсаггаллар чағырылыр. Анҹаг онларын ҝөстәрдији гајғы ҝүнаһ етмиш адамын етирафына гулаг асмагла битмир. Белә адам руһани ҹәһәтдән нахош олдуғуна ҝөрә ону сағалтмаг үчүн нә исә етмәк лазымдыр. Јагуб бурада ики шејин адыны чәкир.
Әввәлҹә, јағ сүртмәкдән данышыр. Бурада Аллаһын Кәламынын шәфа вермәк гүдрәтинә истинад едилир. Һәвари Булус демишди ки, Аллаһын сөзү ҹанлы вә гүдрәтлидир, инсанын ағлынын вә үрәјинин дәринлијинә ишләјәрәк үрәјин дүшүнҹә вә нијјәтләрини үзә чыхарыр (Ибраниләрә 4:12). Ағсаггаллар Мүгәддәс Китабдан мәһарәтлә истифадә едәрәк руһани ҹәһәтдән нахош олан адама проблемин көкүнү ҝөрмәјә вә Аллаһын гаршысында мәсәләни јолуна гојмаг үчүн лазыми аддымлары атмаға көмәк едә биләрләр.
Икинҹиси исә «иманла едилән дуа»дыр. Дүздүр, бу о демәк дејил ки, ағсаггалларын дуаларына ҝөрә Аллаһ әдаләт гајдаларыны позур. Анҹаг Мәсиһин фидјә гурбанлығы әсасында ҝүнаһлары бағышламаға һазыр олан Аллаһ бу дуалары нәзәрә алыр (1 Јәһја 2:2). Аллаһ сидги-үрәкдән төвбә едән вә төвбәни ҝөстәрән ишләр ҝөрән ҝүнаһкара көмәк етмәјә һазырдыр (Һәвариләрин ишләри 26:20).
Истәр инсана гаршы, истәрсә дә Аллаһа гаршы едилсин, ҝүнаһы етираф етмәјин ән әсас сәбәби Аллаһын гаршысында тәмиз ад газанмагдыр. Иса Мәсиһ демишди ки, Аллаһа тәмиз виҹданла ибадәт етмәк үчүн инсан биринҹи нөвбәдә, башгасы илә арасында јаранан мүбаһисәни јолуна гојуб, онунла барышмалыдыр (Мәтта 5:23, 24). Мәсәлләр 28:13 ајәсиндә дејилир: «Ҝүнаһларыны өрт-басдыр едән хејир тапмаз, ҝүнаһыны бојнуна алыб ондан әл чәкәнә рәһм едиләр» (Мәсәлләр 28:13). Инсан Јеһова Аллаһын гаршысында тәвазөкар олуб, Ондан әфв диләсә, Онун лүтфүнү газанаҹаг вә вахты ҝәләндә уҹалаҹаг (1 Бутрус 5:6).
14—20 ОКТЈАБР
АЛЛАҺЫН КӘЛАМЫНДАКЫ ХӘЗИНӘ | 1 БУТРУС 1, 2
«Мүгәддәс олун»
(1 Бутрус 1:14, 15) Итаәткар ушаглар кими олун, вахтилә ҹаһиллик ичиндә јашајаркән дахилиниздә һөкм сүрмүш истәкләрә ујмајын. 15 Сизи чағырмыш Мүгәддәс Аллаһ кими һәр бир ишиниздә мүгәддәс олун
Фидјә. Аллаһдан назил олан «камил немәт»
5 Бәс биз Аллаһын адыны әзиз тутдуғумузу неҹә ҝөстәрә биләрик? Өз давранышымызла. Јеһова Аллаһ биздән мүгәддәслик тәләб едир. (1 Бутрус 1:15, 16 ајәләрини охујун.) Мүгәддәс олмаг о демәкдир ки, инсан јалныз вә јалныз Јеһова Аллаһа ибадәт етмәли вә Она сидги-үрәкдән табе олмалыдыр, тәгибләрә мәруз галанда белә, вар ҝүҹү илә чалышыб Онун адил ганун вә принсипләринә садиг галмалыдыр. Биз салеһ ишләр ҝөрәндә нурумуз парлајыр вә Јеһова Аллаһын ады шәрәфләнир (Мәт. 5:14—16). Мүгәддәс олмагла, јәни өз һәјат тәрзимизлә Јеһова Аллаһын ганунларынын адил олдуғуну вә Шејтанын иттиһамларынын әсассыз олдуғуну сүбут едирик. Тәбии ки, биз камил дејилик, һамы кими, биз дә сәһвләр едирик. Амма сәһв едәндә биз үрәкдән төвбә едир вә Јеһованын адына ләкә ҝәтирән әмәлләри тәрҝитмәјә чалышырыг (Зәб. 79:9).
(1 Бутрус 1:16) Ахы јазылыб: «Мүгәддәс олун, чүнки Мән мүгәддәсәм».
Аллаһын бәјәндији әјләнҹә
6 Јеһова дејир: «Мүгәддәс олун, чүнки Мән мүгәддәсәм» (1 Бутрус 1:14—16; 2 Бутрус 3:11). Ибадәтимиз јалныз мүгәддәс, јәни тәмиз олдуғу һалда, Јеһова ону гәбул едәҹәк (Ганунун тәкрары 15:21). Биз Јеһованын нифрәт етдији, мәсәлән, әхлагсыз, зоракы вә ја ҹиндарлыгла бағлы әмәлләр едириксә, ибадәтимиз тәмиз ола билмәз (Ромалылара 6:12—14; 8:13). Һәмчинин бу ҹүр шејләрлә әјләнсәк, бу, Јеһоваја ағыр ҝедәҹәк. Белә шејләр ибадәтимизи натәмиз едәҹәк. Јеһова бу ҹүр ибадәти гәбул етмәјәҹәк. Нәтиҹәдә, Онунла мүнасибәтләримиз позулаҹаг.
Һикмәт хәзинәсиндән инҹиләр
(1 Бутрус 1:10—12) Сизә бәхш едиләҹәк лүтф һаггында габагҹадан хәбәр вермиш пејғәмбәрләр бу хилас һаггында ҹидди ахтарыш вә әтрафлы тәдгигат апармышлар. 11 Онлар ичләриндәки руһун Мәсиһлә бағлы һансы замана вә ја дөврә ишарә етдијини дурмадан тәдгиг едирдиләр, чүнки бу руһ онун әзаб чәкиб сонра шөһрәтә јетишәҹәји һаггында габагҹадан шәһадәт верирди. 12 Онлара ачылмышды ки, өзләринә јох, сизә хидмәт едирләр, чүнки онларын хәбәр вердији шејләр ҝөјдән ҝөндәрилмиш мүгәддәс руһун васитәсилә инди сизә мүждәни ҝәтирәнләр тәрәфиндән чатдырылмышдыр. Мәләкләр дә бу шејләри дәрк етмәк арзусундадырлар.
Јагубун вә Петерин мәктубларындан диггәтәлајиг фикирләр
1:10—12. Гәдимдә јашамыш пејғәмбәрләрин мәсһ олунмуш мәсиһчиләрин јығынҹағына даир гәләмә алдыглары дәрин руһани һәгигәтләри мәләкләр тәдгиг етмәк вә баша дүшмәк истәјирдиләр. Анҹаг бүтүн бунлар мәсиһчи јығынҹағы фәалијјәт ҝөстәрмәјә башлајанда ачыгланмаға башланды (Ефес. 3:10). Биз дә мәләкләрин нүмунәсини изләјиб, «Аллаһын дәрин дүшүнҹәләрини» арашдырмаға чалышмалы дејиликми? (1 Кор. 2:10).
(1 Бутрус 2:25) Сиз јолуну азмыш гојунлар кими идиниз, анҹаг инди ҹанынызы горујан чобанын вә нәзарәтчинин јанына гајытдыныз.
it-2-E с. 565, абз. 3
Нәзарәтчи
Баш нәзарәтчи. Ҝөрүнүр, 1 Бутрус 2:25 ајәсиндә «јолуну азмыш гојун» ифадәси Әшија 53:6 ајәсиндән ситат ҝәтирилир. Сонра Бутрус әлавә едир: «Анҹаг инди ҹанынызы горујан чобанын вә нәзарәтчинин јанына гајытдыныз». Сөзсүз ки, бурада сөһбәт Јеһовадан ҝедир, чүнки Бутрусун мәктубу үнванладығы адамлар Иса Мәсиһдән узаглашмамышдылар, әксинә, онун васитәсилә Јеһова Аллаһа ҝери гајытмышдылар. Јеһова исә халгынын Улу Чобаныдыр (Зб 23:1; 80:1; Әр 23:3; Һз 34:12). Јеһова һәм дә нәзарәтчидир, јәни јохлама апаран Кәсдир (Зб 17:3). Јохланыш (јун., епископе) заманы Јеһова мәнфи һөкм чыхара биләр, мәсәлән, ерамызын биринҹи әсриндә Јерусәлимдә олдуғу кими. Јерусәлим «јохлама (јун., епископес) вахтыны сезмәмишди» (Лк 19:44). Анҹаг јохламанын мүсбәт нәтиҹәләри дә ола биләр, мәсәлән, «јохлама (јун., епископес) ҝүнүндә» Аллаһы мәдһ едәнләрлә олдуғу кими (1Бт 2:12).
Мүгәддәс Китаб гираәти
(1 Бутрус 1:1—16) Иса Мәсиһин һәвариси Бутрусдан Понт, Галатија, Каппадокија, Асија вә Битинијаја сәпәләнмиш гәрибләрә, 2 Атамыз Аллаһын бәсирәтилә итаәтли олмаг вә үзәрләринә Иса Мәсиһин ганыны чиләмәк үчүн руһла мүгәддәсләшдирилән сечилмишләрә: Гој сизә бағышланмыш лүтф вә сүлһ даһа да артсын. 3 Ағамыз Иса Мәсиһин Атасы вә Аллаһына шүкүрләр олсун! О, бөјүк мәрһәмәтинә ҝөрә Иса Мәсиһи дирилтмәклә бизә јени һәјат вериб ҹанлы үмидә говушдурду. 4 О, бизә әбәди, ләкәсиз вә солмаз мирас верди. Бу мирас сизин үчүн ҝөјдә горунуб сахланылыр. 5 Сиз өзүнүз дә заманын сонунда ашкар олаҹаг хилас үчүн иманыныз сајәсиндә Аллаһын ҝүҹү илә һифз олунурсунуз. 6 Сиз буна чох севинирсиниз, һәрчәнд мүхтәлиф сынаглар уҹбатындан бир мүддәт кәдәрләнмәли олурсунуз ки, 7 сынанмыш иманыныз одла сафлашдырылан, лакин јенә дә мәһв олан гызылдан гат-гат гијмәтли олуб Иса Мәсиһин зүһурунда тәрифә, шөһрәт вә шәрәфә лајиг ҝөрүлсүн. 8 Сиз ону һеч вахт ҝөрмәмисиниз, буна бахмајараг, ону севирсиниз. Ону инди ҝөрмәсәниз дә, она иман едирсиниз вә сөзлә тәсвир едилмәз бөјүк бир фәрәһ, севинҹ дујурсунуз, 9 чүнки иманынызын һәдәфинә — хиласа јетиширсиниз. 10 Сизә бәхш едиләҹәк лүтф һаггында габагҹадан хәбәр вермиш пејғәмбәрләр бу хилас һаггында ҹидди ахтарыш вә әтрафлы тәдгигат апармышлар. 11 Онлар ичләриндәки руһун Мәсиһлә бағлы һансы замана вә ја дөврә ишарә етдијини дурмадан тәдгиг едирдиләр, чүнки бу руһ онун әзаб чәкиб сонра шөһрәтә јетишәҹәји һаггында габагҹадан шәһадәт верирди. 12 Онлара ачылмышды ки, өзләринә јох, сизә хидмәт едирләр, чүнки онларын хәбәр вердији шејләр ҝөјдән ҝөндәрилмиш мүгәддәс руһун васитәсилә инди сизә мүждәни ҝәтирәнләр тәрәфиндән чатдырылмышдыр. Мәләкләр дә бу шејләри дәрк етмәк арзусундадырлар. 13 Буна ҝөрә дә ағлынызы фәалијјәт үчүн гуршаглајын, һәр вахт ајыг олун, үмидинизи Иса Мәсиһин зүһуру вахты сизә ҝөстәриләҹәк лүтфә бағлајын. 14 Итаәткар ушаглар кими олун, вахтилә ҹаһиллик ичиндә јашајаркән дахилиниздә һөкм сүрмүш истәкләрә ујмајын. 15 Сизи чағырмыш Мүгәддәс Аллаһ кими һәр бир ишиниздә мүгәддәс олун, 16 ахы јазылыб: «Мүгәддәс олун, чүнки Мән мүгәддәсәм».
21—27 ОКТЈАБР
АЛЛАҺЫН КӘЛАМЫНДАКЫ ХӘЗИНӘ | 1 БУТРУС 3—5
«Һәр шејин сону јахындыр»
(1 Бутрус 4:7) Һәр шејин сону јахындыр. Буна ҝөрә дә сағламдүшүнҹәли олун вә дуаја һәмишә өнәм верин.
«Дуаларда ајыг олун»
«СҮБҺӘЈАХЫН ојаг галмаг чох чәтиндир», — дејә әввәлләр ҝеҹә нөвбәсиндә ишләјән бир нәфәр бөлүшүр. Чох еһтимал ки, бүтүн ҝеҹәни ојаг галмалы олан инсанлар бу фикирлә разылашаҹаг. Бу ҝүн дә биз мәсиһчиләр Шејтан системинин лап сонунда, мәҹази диллә десәк, ҝеҹәнин ән зүлмәт дөврүндә јашајырыг (Ром. 13:12). Ҝеҹәнин бу вахты јухуја ҝетмәк бизим үчүн неҹә дә тәһлүкәли оларды! Мүгәддәс Јазыларын «сағлам дүшүнҹәли вә дуаларда ајыг олун» мәсләһәтинә диггәт јетирмәк олдугҹа зәруридир (1 Пет. 4:7).
(1 Бутрус 4:8) Анҹаг һәр шејдән зијадә бир-биринизи һәрарәтлә севин, чүнки мәһәббәт чохлу ҝүнаһын үстүнү өртүр.
w99-E 15/4 с. 22, абз. 3
Руһани зәифлији неҹә ашкар етмәк вә өһдәсиндән ҝәлмәк олар?
Нәһајәт, һәвари Бутрусун нәсиһәтини јадынызда мөһкәм сахлајын: «Һәр шејин сону јахындыр. Буна ҝөрә дә сағламдүшүнҹәли олун вә дуаја һәмишә өнәм верин. Анҹаг һәр шејдән зијадә бир-биринизи һәрарәтлә севин, чүнки мәһәббәт чохлу ҝүнаһын үстүнү өртүр» (1 Бутрус 4:7, 8). Истәр өзүмүзүн олсун, истәрсә дә башгаларынын, гејри-камиллији үрәјимизә вә ағлымыза јахын бурахмаг, бизим үчүн манеә олмасына јол вермәк асандыр. Шејтан инсанын бу зәифлијиндән јахшы аҝаһдыр. Онун мәкрли фәндләриндән бири парчала вә истила ет принсипидир. Буна ҝөрә дә биз бу ҹүр ҝүнаһлары бир-биримизә олан мәһәббәтлә өртмәли вә Иблисә фүрсәт вермәмәлијик (Ефеслиләрә 4:25—27).
(1 Бутрус 4:9) Бир-биринизә дејинмәдән гонагпәрвәрлик ҝөстәрин.
Ҝәлин гонагпәрвәр олаг!
2 Бутрус мәктубунда бир сыра мәсләһәтләрлә јанашы баҹы-гардашлары бир-биринә гонагпәрвәрлик ҝөстәрмәјә сәсләјирди (1 Бут. 4:9). «Гонагпәрвәрлик» кими тәрҹүмә олунан јунан сөзү «гәрибләрә мәһәббәт вә ја хејирхаһлыг» мәнасыны дашыјыр. Диггәт јетирин ки, һәвари мәсиһиләри јадлара јох, бир-биринә, нечә вахтдыр таныдыглары, үнсијјәт етдикләри инсанлара гонагпәрвәрлик ҝөстәрмәјә тәшвиг едирди. Ҝөрәсән, бунун онлара һансы көмәји дәјә биләрди?
3 Гонагпәрвәрлик онлары бир-биринә јахын, меһрибан едәҹәкди. Јәгин, гонагпәрвәрлијин бу ҹүр мүсбәт тәсир ҝөстәрдијини сиз дә өз тәҹрүбәниздән ҝөрмүсүнүз. Мәсәлән, јадыныза салын, кимсә сизи евинә гонаг чағыранда сизә неҹә хош олмушду. Тәбии ки, бу гонаглыгдан галан хош хатирәләрин дә өз јери вар. Ола билсин, јығынҹагдан кимисә гонаг чағырандан сонра онунла мүнасибәтинизин неҹә јахшылашдығы јадыныза дүшүр. Бәли, гонагпәрвәрлик ҝөстәрмәк бир-биримизи јахындан танымағын ән ҝөзәл јолудур. Һәвари Бутрусун дөврүндә јашајан мәсиһиләр бир-биринә јахын олмалы идиләр, чүнки вәзијјәт ҝетдикҹә ағырлашырды. Бу, бизә дә аиддир, ахы биз дә ахырзаман кими ағыр бир вахтда јашајырыг (2 Тим. 3:1).
Һикмәт хәзинәсиндән инҹиләр
(1 Бутрус 3:19, 20) Сонра ҝедиб зинданда олан руһани варлыглара тәблиғ етди. 20 Бунлар гәдимдә, Нуһун дөврүндә ҝәми тикилиб гуртаранаҹан, Аллаһын сәбирлә ҝөзләдији вахт итаәтсизлик етмиш руһани варлыглардыр. Һәмин ҝәмидә бир нечә адам, јәни сәккиз нәфәр судан сағ-саламат чыхмышды.
Охуҹуларын суаллары
Мүгәддәс Китабда дејилир ки, Иса «зинданда олан руһани варлыглара тәблиғ етди» (1 Пет. 3:19). Бу нә демәкдир?
▪ Һәвари Петер бу руһани варлыгларын «Нуһун ҝүнләриндә... Аллаһын сәбирлә ҝөзләдији вахт итаәтсизлик етмиш» мәләкләр олдуғуну ҝөстәрир (1 Пет. 3:20). Ајдындыр ки, Петер Шејтана гошулуб үсјан галдыран мәләкләри нәзәрдә тутурду. Јәһуда «әзәл мөвгеләрини горумајыб, онлара мүнасиб мәканы тәрк едән мәләкләри» хатырладараг дејир ки, Аллаһ онлары «бөјүк ҝүнүн мәһкәмәси үчүн гаты зүлмәт ичиндә әбәди буховларда сахлајыр» (Јәһуда 6).
Нуһун ҝүнләриндә руһани варлыглар Јеһоваја гаршы неҹә итаәтсизлик етдиләр? Дашгындан әввәл бу пис руһани варлыглар Аллаһын әмри олмадан инсан ҹилдинә ҝирдиләр (Јар. 6:2, 4). Бундан әлавә, бу мәләкләр гадынларла ҹинси әлагәјә ҝирәрәк Аллаһын ҝөзүндә ијрәнҹ иш ҝөрдүләр. Аллаһ онлары гадынларла ҹинси әлагәјә ҝирмәләри үчүн јаратмамышды (Јар. 5:2). Бу пис, итаәтсиз мәләкләр Аллаһын тәјин етдији вахтда мәһв едиләҹәкләр. Јәһуданын гејд етдији кими, һал-һазырда онлар «гаты зүлмәт»дә, белә десәк, руһани зиндандадырлар.
Бәс Иса «зинданда олан руһани варлыглара» неҹә вә нә вахт тәблиғ етмишди? Петер јазыр ки, бу, Иса «руһани варлыг кими дирилди»ләндән сонра баш вермишди (1 Пет. 3:18, 19). Һәмчинин диггәт јетирдинизсә, Петер һадисәни кечмиш заманда нәгл едир. Бундан ајдын олур ки, бу һадисә о, биринҹи мәктубуну јазмамышдан габаг баш вериб. Ҝөрүнүр, Иса дирилдикдән бир мүддәт сонра тамамилә һаглы олараг ҝүнаһлы мәләкләрә лајиг олдуглары ҹәзаны бәјан етди. Иса онлара үмид хәбәрини јох, һөкм хәбәрини чатдырды (Јун. 1:1, 2). О, өмрүнүн ахырына кими иман вә сәдагәт ҝөстәрәрәк вә дирилдиләрәк Иблисин онун үзәриндә һеч бир һакимијјәти олмадығыны сүбут етди. Буна ҝөрә дә онун бу ҹүр һөкм хәбәрини чатдырмаға там әсасы вар иди (Јәһ. 14:30; 16:8—11).
Ҝәләҹәкдә Иса Шејтаны вә һәмин мәләкләри буховлајараг дибсиз үммана атаҹаг (Лука 8:30, 31; Вәһј 20:1—3). Һәмин вахта гәдәр бу итаәтсиз мәләкләр руһани зүлмәтдә галаҹаг вә сонда мүтләг мәһвә дүчар олаҹаглар (Вәһј 20:7—10).
(1 Бутрус 4:6) Мәһз елә буна ҝөрә дә мүждә өлүләрә бәјан едилмишди ки, онлар инсанларын ҝөзүндә ҹисмән мүһакимә едилсинләр, анҹаг Аллаһын ҝөзүндә руһән јашаја билсинләр.
Јагубун вә Петерин мәктубларындан диггәтәлајиг фикирләр
4:6— «Мүждә тәблиғ едилән» «өлүләр» кимләр иди? Бунлар хош хәбәри ешитмәздән әввәл ‘тәгсирләри вә ҝүнаһлары үзүндән’ өлү оланлар, јәни Јеһова илә мүнасибәтләри олмајанлар иди (Ефес. 2:1). Амма хош хәбәрә иман ҝәтирәндән сонра онлар руһани ҹәһәтдән ‘јашамаға’ башладылар.
Мүгәддәс Китаб гираәти
(1 Бутрус 3:8—22) Нәһајәт, һамыныз һәмфикир, бир-биринизин дәрдинә шәрик, гардашсевән, шәфгәтли вә тәвазөкар олун. 9 Пислијә писликлә, тәһгирә тәһгирлә ҹаваб вермәјин, әксинә, хејир-дуа илә ҹаваб верин, ахы сиз бунун үчүн чағырылмысыныз, беләҹә, немәт саһиби олаҹагсыныз. 10 «Һәјаты севән вә хош ҝүн ҝөрмәк истәјән гој дилини шәрдән сахласын вә дилинә јалан сөз ҝәтирмәсин. 11 Гој о, шәрдән чәкиниб јахшылыг етсин вә сүлһә ҹан атсын. 12 Чүнки Јеһованын ҝөзү салеһләрин үстүндәдир вә гулағы онларын јалварышларыны ешидир. Анҹаг Јеһова үзүнү шәр иш ҝөрәнләрдән дөндәрир». 13 Доғрудан да, әҝәр јахшылыға ҹан атырсынызса, ким сизә пислик едә биләр? 14 Салеһлик уғрунда әзаб чәксәниз дә, сиз хошбәхтсиниз. Онлары горхуја салан шејләрә ҝөрә горхмајын вә нараһат олмајын. 15 Мәсиһи бир Аға кими үрәјиниздә мүгәддәс тутун, сиздән изаһат тәләб едән һәр кәсин гаршысында үмидинизи мүдафиә етмәјә һазыр олун, анҹаг буну һәлимликлә вә дәрин һөрмәтлә един. 16 Виҹданынызы тәмиз сахлајын ки, сизи писләјәнләр Мәсиһин давамчысы кими нүмунәви давранышынызы ҝөрәндә утансынлар. 17 Чүнки Аллаһын изни илә јахшылыг едәрәк әзаб чәкмәк пислик едиб әзаб чәкмәкдән јахшыдыр. 18 Ахы салеһ инсан олан Мәсиһ дә гејри-салеһләрин уғрунда ҝүнаһлардан өтрү бир дәфә өлдү ки, сизи Аллаһа јахынлашдырсын. О, ҹисмән өлдүрүлдү, руһ олараг дирилди. 19 Сонра ҝедиб зинданда олан руһани варлыглара тәблиғ етди. 20 Бунлар гәдимдә, Нуһун дөврүндә ҝәми тикилиб гуртаранаҹан, Аллаһын сәбирлә ҝөзләдији вахт итаәтсизлик етмиш руһани варлыглардыр. Һәмин ҝәмидә бир нечә адам, јәни сәккиз нәфәр судан сағ-саламат чыхмышды. 21 Инди дә буна охшар бир шеј, вәфтиз мөвҹуддур. Вәфтиз (бәдәнин кирдән тәмизләнмәси јох, тәмиз виҹдандан өтрү Аллаһа диләк) сизи Иса Мәсиһин дирилмәси васитәсилә хилас едир. 22 О, ҝөјә галхандан сонра Аллаһын сағында әјләшди; мәләкләр, һакимијјәтләр вә гүввәләр она табе едилди.
28 ОКТЈАБР — 3 НОЈАБР
АЛЛАҺЫН КӘЛАМЫНДАКЫ ХӘЗИНӘ | 2 БУТРУС 1—3
«Јеһованын ҝүнүнү бәрк-бәрк јадда сахлајын»
(2 Бутрус 3:9, 10) Јеһова бәзиләринин дүшүндүјү кими, Өз вәдини јеринә јетирмәјә ҝеҹикмир. Хејр! О, сизә сәбир едир, чүнки һеч кәсин мәһв олмасыны истәмир, әксинә, истәјир ки, һамы төвбәјә ҝәлсин. 10 Јеһованын ҝүнү оғру кими ҝәләҹәк. О ҝүн ҝөјләр сүрәтлә, ҝурулту илә кечиб ҝедәҹәк, ҝөјүн вә јерин көзәрмиш үнсүрләри әријиб төкүләҹәк, јер вә онун үзәриндә ҝөрүлән ишләр ифша олунаҹаг.
Јеһова әдаләти бәрпа едәҹәкдир
11 Бәс Јеһованын «тезликлә» әдаләти бәрпа едәҹәјини неҹә баша дүшмәлијик? Аллаһын Кәламы ҝөстәрир ки, Јеһова чох сәбирли олса да, вахты ҝәләндә Өз һөкмүнү дәрһал һәјата кечирәҹәк (Лука 18:7, 8; 2 Петер 3:9, 10). Нуһун ҝүнләриндә Дашгын ҝәләндә писләр чох тез мәһв олдулар. Буна бәнзәр тәрздә Лутун ҝүнләриндә ҝөјдән од јағанда писләр јох олдулар. Иса демишдир: «Инсан Оғлунун зүһур едәҹәји ҝүндә дә белә олаҹагдыр» (Лука 17:27-30). Пис инсанлар јенә дә «гәфләтән... һәлака уғрајаҹаг» (1 Салониклиләрә 5:2, 3). Әмин ола биләрик ки, Јеһова әдаләтин тәләб етдијиндән бир ҝүн дә артыг Шејтан дүнјасынын мөвҹуд олмасына јол вермәјәҹәкдир.
(2 Бутрус 3:11, 12) Бүтүн бунлар белә мәһв олаҹагса, ҝөрүн сиз мүгәддәс јашајыш вә мөминлик бахымындан неҹә инсан олмалысыныз, 12 Јеһованын ҝүнүнү бәрк-бәрк јадда сахлајыб ҝөзләмәлисиниз. О ҝүн ҝөјләр аловланыб мәһв олаҹаг вә үнсүрләр шиддәтли истидән әријәҹәк!
«Јеһованын мөһтәшәм ҝүнү јахындыр»
18 Тәәҹҹүблү дејил ки, һәвари Петер «Аллаһын Ҝүнүнүн зүһуруну» ‘сүр’әтләндирмәји’ нәсиһәт едирди! Биз буну неҹә едә биләрик? Үсуллардан бири ‘мүгәддәс вә Аллаһа ихласкар бир һәјат јашамагдыр’ (2 Петер 3:11, 12). Белә јашамагла диггәтимиз ‘Јеһованын ҝүнүндән’ јајынмајаҹаг. Јеһованын «Ҝүнүнүн зүһуруну» һәрфи мә’нада сүр’әтләндирә билмәрик. Анҹаг даим Аллаһа хидмәт етмәклә мәшғул олсаг, вахт санки бир ҝөз гырпымында кечәҹәк (1 Коринфлиләрә 15:58).
Һикмәт хәзинәсиндән инҹиләр
(2 Бутрус 1:19) Беләликлә, биз пејғәмбәрлик сөзүнүн доғрулуғуна даһа да әмин олмушуг вә сиз дүз едирсиниз ки, сәһәр ачылыб дан улдузу чыханадәк гаранлыгда, јәни үрәјиниздә чыраг кими ишыг сачан бу сөзә диггәт јетирирсиниз.
Јагубун вә Петерин мәктубларындан диггәтәлајиг фикирләр
1:19— «Дан улдузу» кимдир, о нә вахт пејда олду вә бунун баш вердијини һарадан билирик? «Дан улдузу» Падшаһлыг тахтына отуран Иса Мәсиһдир (Вәһј 22:16). 1914-ҹү илдә Иса, јени ҝүнүн башланғыҹындан хәбәр верәрәк, бир Падшаһ кими, бүтүн каинат үзәриндә пејда олду. Исанын ҝөркәминин дәјишилмәси онун иззәтинин вә Падшаһлыг һакимијјәтиндә олаҹағы вахтын ҝөрүнтүсү иди вә бу, Аллаһын пејғәмбәрлик кәламынын етибарлылығыны ҝөстәрирди. Бу кәлама диггәт јетирмәјимиз мәҹази үрәјимизә нур сачыр вә бунун сајәсиндә дан улдузунун артыг доғдуғуну баша дүшүрүк.
(2 Бутрус 2:4) Аллаһ ҝүнаһа батмыш мәләкләрә рәһм етмәјиб онлары Тартара атараг һөкмә гәдәр зүлмәт гаранлығын зәнҹирләриндә сахлајыр.
Јагубун вә Петерин мәктубларындан диггәтәлајиг фикирләр
2:4— «Ҹәһәннәм [«Тартар», ЈД]» нәдир вә үсјанкар мәләкләр ораја нә вахт атылыблар? Тартар инсанларын јох, јалныз руһани варлыгларын санки һәбсдә олдуглары вәзијјәтдир. Бу вәзијјәтдә оланларын зеһинләри гаранлыглашыб, Аллаһын руһани нуруну ҝөрә билмирләр вә нијјәтләрини анламырлар, һәмчинин ҝәләҹәјә һеч бир үмидләри јохдур. Аллаһ итаәтсиз мәләкләри Нуһун ҝүнләриндә Тартара атды вә онлар мәһв едиләнә гәдәр алчалдылмыш вәзијјәтдә галаҹаглар.
Мүгәддәс Китаб гираәти
(2 Бутрус 1:1—15) Иса Мәсиһин гулу вә һәвариси Шимон Бутрусдан Аллаһымызын вә Хиласкарымыз Иса Мәсиһин салеһлији сајәсиндә бизимлә ејни дәјәрли иманы газанмышлара: 2 Гој сизә бағышланмыш лүтф вә сүлһ Аллаһымызы вә Ағамыз Исаны таныдыгҹа даһа да артсын. 3 Чүнки бизи Өз әзәмәт вә кәрамәти илә чағыранын илаһи гүдрәти Ону танымағымыз васитәси илә мөмин һәјат сүрмәк үчүн лазым олан һәр шеји бизә бәхш етди. 4 О, бунлар васитәсилә бизә дәјәрли вә мөһтәшәм вәдләр вериб ки, сиз онларын сајәсиндә шәһвәтин баш алыб ҝетдији позғун дүнјадан гуртулуб илаһи тәбиәтә говушасыныз. 5 Буна ҝөрә сиз дә вар ҝүҹүнүзлә чалышараг, иманынызы алиҹәнаблыгла, алиҹәнаблығы елмлә, 6 елми тәмкинлә, тәмкини дөзүмлә, дөзүмү мөминликлә, 7 мөминлији гардашлыг севҝиси илә, гардашлыг севҝисини мәһәббәтлә тамамлајын. 8 Әҝәр бүтүн бунлар сиздә варса вә даһа да артырса, сиз Ағамыз Иса Мәсиһи танымагда фәалијјәтсиз вә бәһрәсиз галмајаҹагсыныз. 9 Әҝәр кимдәсә бунлар јохдурса, о, кордур, ҝөзүнү нура бағлајыб вә кечмиш ҝүнаһларындан тәмизләндијини унудуб. 10 Гардашлар, буна ҝөрә дә алдығыныз дәвәти вә Аллаһ тәрәфиндән сечилдијинизи доғрултмаг үчүн вар гүввәнизлә чалышын. Буну етсәниз, һеч вахт јыхылмајаҹагсыныз. 11 Онда Ағамыз вә Хиласкарымыз Иса Мәсиһин әбәди Падшаһлығынын гапысы үзүнүзә ҝениш ачылаҹаг. 12 Бу сәбәбдән мән бунлары сизә даима хатырлатмаг нијјәтиндәјәм. Һәрчәнд сиз бунлары јахшы билирсиниз вә сиздә олан һәгигәтдә мөһкәм дурмусунуз. 13 Јенә дә, нә гәдәр ки бу ҹисимдәјәм, белә һесаб едирәм ки, бунлары сизә дөнә-дөнә хатырлатмаг доғру оларды. 14 Ахы Ағамыз Иса Мәсиһин мәнә билдирдији кими, артыг бу бәдәндә јашамағыма чох аз галыб. 15 Буна ҝөрә дә инди әлимдән ҝәләни едирәм ки, мән ҝедәндән сонра сиз бунлары һәмишә өзүнүзә хатырладасыныз.