«Мәсиһи һәјаты вә ибадәти. Иш дәфтәри» үчүн мәнбәләр
© 2022 Watch Tower Bible and Tract Society of Pennsylvania
2—8 ЈАНВАР
АЛЛАҺЫН КӘЛАМЫНДАКЫ ХӘЗИНӘ | 2 ПАДШАҺЛАР 22, 23
«Тәвазөкарлығын мүкафаты»
Јушијјә Аллаһын ганунларыны севир
Баш каһин Хилгијјә мәбәддә Јеһованын Гануну јазылмыш тумар тапыр. Чох јәгин ки, тумары Муса пејғәмбәр јазыб. Падшаһын катиби Шафан тумары Јушијјәјә апарыр вә Гануну уҹадан охујур. Јушијјә бунлары ешидәндә баша дүшүр ки, халг узун илләрдир Јеһоваја итаәт етмир. О, Хилгијјәјә дејир: «Јеһова бизә чох гәзәбләниб. Ҝедин вә Онунла данышын. Јеһова нә етмәли олдуғумузу бизә дејәҹәк». Јеһова Һүлда пејғәмбәр васитәсилә дејир: «Јәһуда халгы мәни тәрк едиб. Онлары ҹәзаландыраҹағам. Анҹаг Јушијјәнин дөврүндә јох, чүнки о, Мәним өнүмдә өзүнү ашағы тутду».
Јеһованын еви үчүн гејрәт ҝөстәр!
Јошија падшаһын ҝөрдүјү бәрпа ишләри заманы баш каһин Хилгија «Муса васитәсилә верилән Рәббин Ганун китабыны тапды». Хилгија бу китабы сарај мирзәси Шафана верди, о да өз нөвбәсиндә китабы Јошијаја охуду. (2 Салнамәләр 34:14-18 ајәләрини оху.) Бу һансы нәтиҹәләри ҝәтирди? Падшаһ кәдәрдән дәрһал палтарыны ҹырды вә өз адамларына ҝедиб Јеһова илә мәсләһәтләшмәји тапшырды. Гадын пејғәмбәр Хулданын васитәсилә Аллаһ Јәһудада кечирилән бәзи дини ајинләри мүһакимә етдијини билдирди. Лакин Јошијанын бүтпәрәст ајинләри арадан галдырмаг үчүн ҝөстәрдији сәј Јеһованын нәзәриндән јајынмады вә бүтүн халгы фәлакәт ҝөзләдији һалда, о, Јеһованын лүтфүнү горујуб сахлады (2 Салн. 34:19-28). Биз бундан нә өјрәнә биләрик? Әлбәттә, биз дә Јошија кими давранмаг истәјирик. Биз Јеһованын рәһбәрлијинә дәрһал һај вермәк вә ибадәтимизә дөнүклүјүн вә сәдагәтсизлијин тәсир етмәсинә јол вердијимиз тәгдирдә нәләр баш верәҹәји үзәриндә ҹидди дүшүнмәк истәјирик. Әмин ола биләрик ки, Јошијанын һадисәсиндә олдуғу кими, Јеһова бизим дә һәгиги ибадәт үчүн ҝөстәрдијимиз гејрәти бәјәнәҹәк.
Һикмәт хәзинәсиндән инҹиләр
w01-E 15/4 с. 26, абз. 3, 4
Һәјатда уғур газана биләрсиниз!
Ушаглығы пис кечсә дә, Јушијјә Јеһованын бәјәндији ишләри ҝөрүрдү. Онун һакимијјәти елә уғурлу олду ки, Мүгәддәс Китабда дејилир: «Нә ондан әввәл, нә дә ондан сонра Мусанын Ганунунда јазылдығы кими, бүтүн гәлби, бүтүн варлығы, вар ҝүҹү илә Јеһоваја үз тутан падшаһ олмады» (2 Падшаһлар 23:19—25).
Ушаглығы чәтин кечән һәр кәс Јушијјәнин нүмунәсиндән тохтаглыг тапа биләр. Јушијјәнин нүмунәсиндән нә өјрәнирик? Јушијјәјә дүзҝүн јолу тутмаға вә бу јолдан сапмамаға нә көмәк етди?
9—15 ЈАНВАР
АЛЛАҺЫН КӘЛАМЫНДАКЫ ХӘЗИНӘ | 2 ПАДШАҺЛАР 24, 25
«Һансы зәманәдә јашадығымызы унутмајын»
Јегованын һөкм ҝүнү јахындыр!
2 Ҝәнҹ падшаһ Јошија Тсефанјанын пејғәмбәрлијини ешидәркән, Јәһуда дијарыны бүтпәрәстликдән тәмизләмәјин ваҹиблијини даһа кәскин сурәтдә һисс етди. Лакин халг арасында төрәдилән пислијә тамамилә сон гојмаг ҝәнҹ падшаһа мүјәссәр олмады вә онун ҝөрдүјү тәдбирләр “Јерусәлими ҝүнаһсыз ганла долдур”ан бабасы Манассенин ҝүнаһларыны јумады (2 Краллар 24:3, 4; 2 Тарихләр 34:3). Буна ҝөрә дә, Јегованын һөкм ҝүнү гачылмаз иди.
«Јеремја» китабындан диггәтәлајиг фикирләр
Ерамыздан әввәл 607-ҹи илдир. Сидгија он бир илдир ки, һөкмранлыг едир. Бабил падшаһы Навуходоносор сон он сәккиз ај әрзиндә Јерусәлими мүһасирәдә сахлајыб. Навуходоносорун һакимијјәтинин он доггузунҹу илинин бешинҹи ајынын једдинҹи ҝүнүндә кешикчиләр рәиси Невузарадан Јерусәлимә ҝәлиб чатыр (2 Падшаһлар 25:8). О, чох ҝүман ки, шәһәр диварларындан кәнарда јерләшән дүшәрҝәсиндә вәзијјәти тәһлил едир вә план ҹызыр. Үч ҝүн сонра онунҹу ајда о, Јерусәлимә ҝирир, бүтүн шәһәрә од вурур (Јеремја 52:12, 13).
Һикмәт хәзинәсиндән инҹиләр
«Икинҹи Падшаһлар» китабындан диггәтәлајиг фикирләр
24:3, 4. Јеһова Менашшенин ҝүнаһсыз ган төкдүјүнү нәзәрә алараг Јәһуданы «бағышламаг истәмәди». Аллаһ ҝүнаһсыз гана һөрмәтлә јанашыр. Биз әмин ола биләрик ки, Јеһова ҝүнаһсыз ганын төкүлмәсиндә ҹавабдеһ оланлары мәһв етмәклә гисас алаҹаг (Мәзмур 37:9—11; 145:20).
16—22 ЈАНВАР
АЛЛАҺЫН КӘЛАМЫНДАКЫ ХӘЗИНӘ | 1 САЛНАМӘЛӘР 1—3
«Мүгәддәс Китабда әфсанәләр јох, фактлар јазылыб»
Адәмлә Һәвва һәгигәтән дә мөвҹуд олмушлармы?
Мәсәлән, ҝәлин Мүгәддәс Јазыларын «Биринҹи Салнамәләр» китабынын 1-дән 9-дәк фәсилләриндә вә «Луканын Мүждәси»нин үчүнҹү фәслиндә јазылан јәһуди нәсил шәҹәрәләринә нәзәр салаг. Гејри-ади дәрәҹәдә тәфәррүаты илә верилән бу нәсил шәҹәрәләри мүнасиб олараг 48 вә 75 нәсли әһатә едир. Лука Иса Мәсиһин нәсил шәҹәрәсини тәсвир едиб, «Салнамәләр»дә исә Исраил халгынын падшаһ вә каһинләринин нәсил шәҹәрәси јазылыб. Һәр ики сијаһыда Сүлејман, Давуд, Јагуб, Исһаг, Ибраһим, Нуһ вә ән нәһајәт, Адәм кими јахшы таныш олан адамларын адлары чәкилир. Бу ики сијаһыдакы бүтүн адлары реал адамлар дашымышлар вә һәр ики сијаһыда ады чәкилән Адәм һәгигәтән дә јашајан илк инсан олмушдур.
Нуһ вә Үмумдүнја дашгыны ујдурма дејил, фактдыр
Мүгәддәс Китабдакы ики нәсил шәҹәрәси Нуһун реал шәхс олдуғуну тәсдигләјир (1 Салнамәләр 1:4; Лука 3:36). Онлары тәртиб едән Езра вә Лука сон дәрәҹә дәгиг тәдгигатчы олмушлар. Лука Иса Мәсиһин нәсил шәҹәрәсиндә Нуһун да адыны чәкир.
Адәмлә Һәвва һәгигәтән дә мөвҹуд олмушлармы?
Мәсәлән, ҝәлин килсәјә ҝедәнләрин мүһүм сајдығы Мүгәддәс Китаб тәлимини — фидјәни ҝөтүрәк. Бу тәлимә әсасән, Иса Мәсиһ инсанлары ҝүнаһдан азад етмәк үчүн өз камил һәјатыны фидјә олараг вермишди (Матта 20:28; Јәһја 3:16). Билдијимиз кими, фидјә итирилмиш вә ја мүсадирә едилмиш бир шеји сатын алмаг үчүн өдәнилән мүвафиг дәјәрдир. Буна ҝөрә дә Мүгәддәс Китабда Исанын ‘өзүнү [«мүвафиг», ЈД] фидјә вердији’ јазылыб (1 Тимотејә 2:6). Биздә суал јарана биләр ки, о, өзүнү нәјә мүвафиг фидјә кими вермишдир. Бу суала Мүгәддәс Китаб белә ҹаваб верир: «Неҹә ки, Адәмдә һамы өлүр, Мәсиһдә дә һамы һәјата говушур» (1 Коринфлиләрә 15:22). Исанын итаәткар бәшәријјәти сатын алмаг үчүн гурбан вердији камил һәјаты Адәмин Едендә илк ҝүнаһын нәтиҹәсиндә итирдији камил һәјата мүвафигдир (Ромалылара 5:12). Ајдындыр ки, Адәм мөвҹуд олмасајды, Мәсиһин өзүнү фидјә кими вермәси тамамилә мәнасыз оларды.
Һикмәт хәзинәсиндән инҹиләр
it-1-E с. 911, абз. 3, 4
Нәсил шәҹәрәси
Гадынларын ады. Бәзән тарихи әсасы оланда нәсил шәҹәрәләринә гадынларын да ады дахил едилирди. Мәсәлән, Јарадылыш 11:29, 30 ајәләриндә Сарајын (Сара) ады чәкилиб. Ҝорүнүр, она ҝөрә ки, вәд олунмуш өвлад Ибраһимин о бири арвадынын јох, онун васитәсилә дүнјаја ҝәлмәли иди. Һәмин ајәләрдә Милгәнин дә ады чәкилир. Ола билсин, бунун сәбәби о иди ки, Милгә Исһагын анасы Рәфәгәнин нәнәси иди. Бунунла да Рәфәгәнин Ибраһимин гоһуму олдуғу мәлум олурду. Ахы Исһаг башга халглардан арвад алмамалы иди (Јр 22:20—23; 24:2—4). Јарадылыш 25:1 ајәсиндә Ибраһимин икинҹи арвады Гәтурәнин ады чәкилир. Бурадан ҝөрүнүр ки, Ибраһим Саранын өлүмүндән сонра јенидән евләнди вә Јеһова мөҹүзәви сурәтдә онун нәсилартырма габилијјәтини бәрпа едәндән 40 ил сонра о һәлә дә бу габилијјәти итирмәмишди (Рм 4:19; Јр 24:67; 25:20). Һәмчинин беләҹә, Мәдјәнин вә диҝәр әрәб тајфаларынын Исраиллә гоһумлуг әлагәси мәлум олур.
Мүгәддәс Китабда оғуллары илә јанашы Ләјанын, Рәһиләнин, вә Јагубун ҹаријәләринин дә ады јазылыб (Јр 35:21—26). Бунун сајәсиндә Аллаһын бу оғулларла сонракы мүнасибәтини анлаја билирик. Буна бәнзәр сәбәбләрдән башга гадынларын да ады нәсил шәҹәрәләриндә гејд едилиб. Мирас гадынларын васитәсилә өтүрүләндә онларын ады јазылырды (Сј 26:33). Сөзсүз ки, Тамар, Раһаб вә Рут хүсуси иди. Онларын һәр бири гејри-ади шәкилдә Иса Мәсиһә ҝәтириб чыхаран нәсил шәҹәрәсинә дахил олмушду (Јр 38; Рт 1:3—5; 4:13—15; Мт 1:1—5). Нәсил шәҹәрәләриндә гадынларын адынын чәкилмәсинә диҝәр нүмунәләр 1 Салнамәләр 2:35, 48, 49; 3:1—3, 5 ајәләриндәдир.
23—29 ЈАНВАР
АЛЛАҺЫН КӘЛАМЫНДАКЫ ХӘЗИНӘ | 1 САЛНАМӘЛӘР 4—6
«Дуаларым мәним һаггымда нә дејир?»
w10-E 1/10 с. 23, абз. 3—7
«Дуалары ешидән»
Јабәс һәмишә Аллаһын әтәјиндән јапышырды. О, дуасынын әввәлиндә Аллаһдан немәт диләди. Сонра үч шеј барәдә хаһиш етди. Бу хаһишләри онун иманынын ҝүҹлү олдуғуну ҝөстәрирди.
Әввәла, Јабәс Аллаһа јалварыб деди: «Торпағымы ҝенишләндир» (10-ҹу ајә). Бөјүк һөрмәт саһиби олан бу инсан гәсбкар дејилди, гоншусунун мүлкүнә ҝөз дикмәмишди. Онун арзусу торпагдан чох, инсанларла әлагәли иди. Ола билсин, о, Аллаһдан хаһиш едирди ки, әразисини динҹ шәкилдә ҝенишләндирсин вә беләҹә, орада Аллаһа ибадәт едән чохлу инсан јашасын.
Икинҹиси, Јабәс хаһиш едирди ки, Аллаһ она дајаг олсун. Јеһова ҝүҹү илә хидмәтчиләринә дајаг олур (1 Салнамәләр 29:12). Үрәјинин арзусуна јетишмәк үчүн Јабәс Јеһованын ҝүҹүнә архаланырды. Һәгигәтән дә Јеһованын әли зәиф дејил. О, иманлы инсанлара мүтләг көмәк олур (Әшија 59:1).
Үчүнҹүсү, Јабәс дуа етмишди: «Хата-баладан мәни узаг ет». Еһтимал ки, Јабәс бәланын ондан совушмасыны јох, она кәдәр јашатмамасы, бәлаја мәғлуб олмамасы үчүн дуа едирди.
Јабәсин дуасы ҝөстәрир ки, о, һәгиги ибадәтин гејрәтини чәкирди, дуалары ешидән Јеһоваја иман ҝәтирир вә етибар едирди. Бәс Јеһова она неҹә ҹаваб верди? Бу гыса әһвалат нөвбәти сөзләрлә тамамланыр: «Аллаһ онун диләјини јеринә јетирди».
Һикмәт хәзинәсиндән инҹиләр
«Биринҹи Салнамәләр» китабындан диггәтәлајиг фикирләр
5:10, 18-22. Падшаһ Шаулун ҝүнләриндә исраиллиләр Иордан чајындан шәргдә јашајан һәҹәрлиләрлә мүһарибәдә галиб ҝәлдиләр. Һәҹәрлиләр сајларына ҝөрә исраиллиләрдән ики дәфә чох олсалар да дөјүшдә мәғлуб олдулар. Бу гәләбә Исраил ордусундакы иҝид адамларын Јеһоваја ҝүвәниб, Ондан көмәк ҝөзләмәләри сајәсиндә баш верди. Ҝәлин сајҹа биздән гат-гат үстүн оланлара гаршы апардығымыз руһани мүһарибәдә биз дә вар ҝүҹүмүзлә Јеһоваја ҝүвәнәк (Ефеслиләрә 6:10-17).
30 ЈАНВАР — 5 ФЕВРАЛ
АЛЛАҺЫН КӘЛАМЫНДАКЫ ХӘЗИНӘ | 1 САЛНАМӘЛӘР 7—9
«Јеһованын көмәјилә чәтин тапшырыглары јеринә јетирә биләрсиниз»
«Биринҹи Салнамәләр» китабындан диггәтәлајиг фикирләр
9:26, 27. Левили олан гапычылар чох мәсулијјәтли вәзифә дашыјырдылар. Онлара мәбәдин мүгәддәс јерләринин ачарлары тапшырылмышды. Онлар ҝүндәлик олараг дарвазалары ачмаг вәзифәләринин өһдәсиндән јахшы ҝәлирдиләр. Бизә дә чох мәсулијјәтли бир иш тапшырылыб: биз саһәмиздә јашајан инсанлары тапмалы вә онлара Јеһоваја ибадәт етмәјә башламаға көмәк етмәлијик. Мәҝәр биз дә левили гапычылар кими е’тибарлы вә сәдагәтли олмалы дејиликми?
Проблемләр јарананда Пинхас кими даврана биләрсәнми?
Гәдим Исраилдә Пинхас чијинләриндә бөјүк мәсулијјәт јүкү дашыјырды, лакин ҹәсарәтли, дәрракәли олмасы вә Јеһоваја ҝүвәнмәси сајәсиндә о, бүтүн чәтинликләрин өһдәсиндән мүвәффәгијјәтлә ҝәлирди. Пинхасын чалышганлыгла Аллаһын халгынын гејдинә галмасы Јеһова тәрәфиндән мүсбәт гаршыланырды. Тәхминән мин илдән сонра Езра јазмышды: «Елеазар оғлу Пинхас онларын башчысы иди вә Рәбб онунла иди» (1 Салн. 9:20). Гој бу сөзләр Аллаһын халгына рәһбәрлик едән гардашларын һамысынын, еләҹә дә диҝәр мәсиһчиләрин үзәриндә јеринә јетсин.
Һикмәт хәзинәсиндән инҹиләр
Јеһованы нәғмәләрдә тәрәннүм един!
6 Бәли, пејғәмбәрләри васитәсилә Јеһова әмр етмишди ки, хидмәтчиләри нәғмәләрдә Ону тәрәннүм етсинләр. Һәтта каһин тајфасындан олан диҝәр илаһичиләр левилиләрдән тәләб олунан ишдән азад едилмишдиләр ки, нәғмә бәстәләмәјә вә чох еһтимал ки, мәшг етмәјә кифајәт гәдәр вахтлары олсун (1 Салн. 9:33).
6—12 ФЕВРАЛ
АЛЛАҺЫН КӘЛАМЫНДАКЫ ХӘЗИНӘ | 1 САЛНАМӘЛӘР 10—12
«Аллаһын истәјини јеринә јетирмәкдән һәзз алын»
«Мәнә сәнин ирадәнә әмәл етмәји өјрәт»
12 Давуд Ганунун әсасында дуран принсипләри баша дүшүрдү вә онун бу ганунлара ујғун јашамаг истәји тәглид едилмәјә лајигдир. Ҝәлин Давуд Бетлеһем гујусундан су ичмәк истәдијини билдирәндә баш вермиш һадисәјә нәзәр салаг. Давудун ордусундан олан үч нәфәр һәјатларыны тәһлүкәјә атараг филиштлиләрин ишғалы алтында олан шәһәри јарыб су ҝәтирдиләр. Лакин «Давуд сују ичмәк истәмәди вә Рәббә тәгдим олараг јерә төкдү». Нәјә ҝөрә? О изаһ едир: «Аллаһым буну етмәкдән мәни узаг еләсин. Бу адамларын ганыны ичәҹәјәмми? Ахы ҹанларыны тәһлүкәјә салараг бу сују ҝәтирдиләр» (1 Салн. 11:15—19).
13 Давуд Мусанын ганунундан билирди ки, ган Јеһоваја тәгдим олараг јерә төкүлмәли вә јејилмәмәлидир. О, һәмчинин бу ганунун нә үчүн верилдијини дә баша дүшүрдү. Давуд билирди ки, «һәр мәхлуга һәјат верән гандыр». Бәс ахы бу ган јох, су иди?! Давуд нәјә ҝөрә ону ичмәкдән имтина етди? О, бу ганунун архасында дуран принсипи вә Аллаһын ганы гијмәтләндирдијини баша дүшүрдү. Һәмин инсанлар су ҝәтирәркән һәјатларыны итирә биләрдиләр, буна ҝөрә дә Давуд бу сују ичмәклә онларын ганына һөрмәтсизлик едәҹәјини дүшүнүрдү. Мәһз бу сәбәбдән о, сују јерә төкмәк гәрарына ҝәлди (Лев. 17:11; Ганун. т. 12:23, 24).
Гој илаһи ганун вә принсипләр виҹданымыза һаким олсун
5 Аллаһын ганунларынын бизә фајда ҝәтирмәси үчүн онлары охумаг вә ја онлардан садәҹә хәбәрдар олмаг кифајәт дејил. Биз бу ганунлары севмәји вә онлара һөрмәт етмәји өјрәнмәлијик. Кәламда јазылыб: «Јахшылығы севин, пислијә нифрәт един» (Амс. 5:15). Бәс буну неҹә едә биләрик? Илк нөвбәдә һәр шејә Јеһованын ҝөзү илә бахмағы өјрәнмәк лазымдыр. Мәсәлән, тәсәввүр един ки, ҝеҹәләр јахшы јата билмирсиниз. Һәкиминиз сизә пәһриз сахламағы, идманла мәшғул олмағы вә һәјат тәрзиниздә дәјишиклик етмәји мәсләһәт ҝөрүр. Онун ҝөстәришләринә әмәл етдикдән сонра бунун фајдасыны ҝөрүрсүнүз. Сөзсүз ки, нормал һәјата гајытмаға көмәк етдији үчүн һәкиминизә миннәтдар оларсыныз.
6 Ејнилә, Јараданымыз бизи ҝүнаһын аҹы нәтиҹәләриндән горумаг вә јашајышымызы јахшылашдырмаг үчүн мүәјјән ганунлар вериб. Мәсәлән, бизи јалан, һијләҝәрлик, оғурлуг, ҹинси әхлагсызлыг, зоракылыг вә ҹиндарлыгдан чәкиндирән ганунларын фајдасы һагда дүшүнәк. (Мәсәлләр 6:16—19 ајәләрини охујун; Вәһј 21:8). Јеһованын бујурдуғу кими давранмағын хејрини ҝөрәндә тәбии олараг Она вә вердији ганунлара мәһәббәтимиз бирә-беш артыр.
Һикмәт хәзинәсиндән инҹиләр
it-1-E с. 1058, абз. 5, 6
Үрәк
«Сидги-үрәкдән» хидмәт. Һәрфи үрәјин дүзҝүн фәалијјәт ҝөстәрмәси үчүн үрәк гүсурсуз олмалыдыр. Анҹаг мәҹази үрәк һачалана биләр. Давуд дуада Аллаһа демишди: «Үрәјими бүтөв ет ки, адындан горхум». Демәли, бу сөзләрә әсасән, арзулара, горхулара ҝәлдикдә инсанын үрәји һачалана биләр (Зб 86:11). Үрәји һачаланмыш инсан «илыг» олур, јәни Аллаһа ҹандәрди хидмәт едир (Зб 119:113; Вһ 3:16). Белә инсан һәмчинин ики ағаја хидмәт етмәјә чалышыр, јахуд да онун үрәјиндә бир шеј, дилиндә башга шеј олур (1См 12:33; Зб 12:2). Иса Мәсиһ белә ријакарлығы сәрт шәкилдә ифша едирди (Мт 15:7, 8).
Аллаһы разы салмаға чалышан инсан диггәтли олмалыдыр ки, Она ҹандәрди, јахуд ријакарҹасына јох, сидги-үрәкдән хидмәт етсин (1См 28:9). Бу елә дә асан баша ҝәлмир, чүнки инсанын үрәји хатакардыр, пислијә мејиллидир (Әр 17:9, 10; Јр 8:21). Үрәјин һачаланмамасы үчүн үрәкдән дуа етмәк (Зб 119:145; Мрс 3:41), Аллаһын Кәламыны мүнтәзәм мүталиә етмәк (Үз 7:10; Мс 15:28), мүждәни шөвглә тәблиғ етмәк (әлагәләндир: Әр 20:9) вә Јеһоваја сидги-үрәкдән хидмәт едән кәсләрлә отуруб-дурмаг лазымдыр. (Әлагәләндир: 2Пд 10:15, 16.)
13—19 ФЕВРАЛ
АЛЛАҺЫН КӘЛАМЫНДАКЫ ХӘЗИНӘ | 1 САЛНАМӘЛӘР 13—16
«Мәсләһәтә гулаг асан хејир тапар»
“Јеһова һарададыр?” дејә сорушурсанмы?
12 Әһд сандығы Исраилә гајтарылдыгдан вә узун илләр әрзиндә Кирјат-јеаримдә галдыгдан сонра, Давуд падшаһ ону Јерусәлимә ҝәтирмәк истәди. О, халгын рәисләри илә мәсләһәтләшди вә деди ки, “әҝәр сизә јахшы ҝөрүнүрсә вә бу иш Аллаһымыз Рәбдән исә”, сандыг ҝәтириләҹәкдир. Лакин о, бу мәсәләјә даир Јеһованын нөгтеји-нәзәрини өјрәнмәк үчүн, зәһмәт чәкиб лазыми ахтарышлар апармады. Әҝәр о, буну етсәјди, сандығы һеч вахт арабаја гојмаздылар. Аллаһын вердији ајдын ҝөстәришә әсасән, ону Коһат нәслиндән олан левилиләр чијинләриндә дашымалы идиләр. Давуд башга һалларда Јеһованы тез-тез ахтармыш олса да, бу дәфә буну лазыми гајдада етмәди. Бунун нәтиҹәси фаҹиәли олду. Даһа сонра Давуд е’тираф етди: “[Ону] лазыми гајдада арамадыг дејә, Аллаһымыз Рәбб бизи вурду” (1 Тарихләр 13:1-3; 15:11-13; Сајлар 4:4-6, 15; 7:1-9).
“Јеһова һарададыр?” дејә сорушурсанмы?
13 Нәһајәт левилиләр сандығы Обед-едомун евиндән Јерусәлимә ҝәтирдикдән сонра, Давудун бәстәләдији маһны ифа едилди. Маһныда белә сәмими сөзләр варды: “Рәбби вә онун гүдрәтини арајын; үзүнү даима арајын. Етдији бүтүн харигәләри, онун мө’ҹүзәләрини вә ағзынын һөкмләрини анын” (1 Тарихләр 16:11, 13).
Һикмәт хәзинәсиндән инҹиләр
Әбәдијјәт Падшаһы Јеһоваја ибадәт един
14 Давуд мүгәддәс әһд сандығыны Јерусәлимә ҝәтирди. Бу севиндириҹи һадисә заманы левилиләр 1 Салнамәләр 16:31 ајәсиндә гејдә алынмыш ваҹиб мәна дашыјан сөзләрдән ибарәт һәмд нәғмәси охудулар. Орада јазылыб: «Милләтләрә белә елан един: “Рәбб һөкмранлыг едир”». Бәли, Јеһова һакимијјәтини һәјата кечирәндә вә ја мүәјјән вахт, јахуд хүсуси вәзијјәтләр үчүн Өз тәмсилчисини тәјин едәндә, демәк олар ки, О, һөкмранлыг едир. Јеһованын бу ҹүр һөкмранлығы һәлә узун илләр давам едәҹәк. Давудун өлүмүндән әввәл Јеһова вәд етди ки, онун падшаһлығы әбәди сүрәҹәк: «Јеринә сәнин тохумундан — белиндән ҝәлән өвладыны чыхараҹағам вә онун падшаһлығыны мөһкәмләндирәҹәјәм» (2 Шам. 7:12, 13). Бу вәд Давудун өвлады 1000 илдән бир гәдәр сонра пејда оланда там јеринә јетәҹәкди. Бу өвлад ким олду вә о, нә вахт Падшаһ тәјин едилди?
20—26 ФЕВРАЛ
АЛЛАҺЫН КӘЛАМЫНДАКЫ ХӘЗИНӘ | 1 САЛНАМӘЛӘР 17—19
«Мәјуслуға рәғмән, севинҹинизи горујун»
Диггәтинизи Јеһованын тәшкилатынын немәтләринә ҹәмләшдирин
ГӘДИМ Исраилин падшаһы Давуд Ибраниҹә Мүгәддәс Јазыларда һаггында бәһс олунан ән мәшһур инсанлардан биридир. Чобан, мусигичи, пејғәмбәр вә падшаһ олан Давуд Јеһова Аллаһа там етибар едирди. Јеһоваја бәсләдији дәрин мәһәббәтдән ирәли ҝәләрәк онун үрәјиндә Аллаһ үчүн ев тикмәк арзусу ојанды. Бу ев вә ја мәбәд Исраилдә һәгиги ибадәтин мәркәзи олаҹагды. Давуд билирди ки, мәбәдин тикинтиси илә бағлы ишләр Аллаһын халгына севинҹ вә хејир-дуалар ҝәтирәҹәк. Буна ҝөрә дә, Давуд охујурду: «Нә бәхтијардыр евинин һәјәтләриндә јашајан, сечиб Өзүнә јахын етдијин инсан! Биз Сәнин евинин, мүгәддәс мәбәдинин немәтләри илә дојаҹағыг!» (Мәзмур 65:4).
Саһиб олдуғунуз әнамлардан севинҹ дујун
11 Ејнилә биз дә Јеһоваја хидмәтдә алдығымыз истәнилән тапшырығы ҹанла-башла ҝөрмәклә севинҹимизи артыра биләрик. «Бүтүн вахтыны»зы тәблиғ ишинә һәср един вә јығынҹагла бағлы ишләрдә там иштирак един (Һәв. 18:5; Ибр. 10:24, 25). Јығынҹаға јахшы һазырлашын ки, руһландырыҹы шәрһләр верә биләсиниз. Һәфтәарасы ҝөрүшләрдә сизә верилән истәнилән шаҝирд тапшырығына ҹидди јанашын. Әҝәр јығынҹагда сизә һансыса иши тапшырыбларса, пунктуал олун вә етибары доғрулдун. Сизә һәвалә олунан һеч бир ишә вахт иткиси кими бахмајын. Даима өз ишиниздә пүхтәләшмәјә чалышын (Мәс. 22:29). Руһани ишләрә вә тапшырыгларыныза нә гәдәр чох ҹан јандырсаныз, бир о гәдәр чох инкишаф едәҹәксиниз вә севинҹиниз дә артаҹаг (Гал. 6:4) Һәмчинин арзуладығыныз тәјинаты башгасы аланда онунла бирҝә севинә биләҹәксиниз (Ром. 12:15; Гал. 5:26).
Һикмәт хәзинәсиндән инҹиләр
w20.02 с. 12, чәр.
Јеһова Атамызы дәрин мәһәббәтлә севирик
Јеһова мәнә нәзәр салыр?
Ола билсин, нә вахтса дүшүнмүсүнүз: «Дүнјада милјардларла инсан вар, Јеһова нијә мәнә нәзәр салсын?» Бу суал бир чох мөмин инсаны дүшүндүрүб. Елә Давуд падшаһ да јазмышды: «Еј Јеһова, инсан нәдир ки, она нәзәр салырсан? Фани инсан нәдир ки, она диггәт јетирирсән?» (Зәб. 144:3). Давуд падшаһ әмин иди ки, Јеһова ону јахшы таныјыр (1 Салн. 17:16—18). О, Кәламы вә тәшкилаты васитәсилә сизи дә әмин едир ки, Она бәсләдијиниз мәһәббәтин фәргиндәдир. Јеһованын сизә нәзәр салдығына там әмин олмаг үчүн Мүгәддәс Китабдакы бәзи фикирләрә диггәт јетирин:
• Сиз һәлә дүнјаја ҝәлмәздән өнҹә Јеһова сизә нәзәр салмышды (Зәб. 139:16).
• Јеһова фикирләриниздән, һиссләриниздән аҝаһдыр (1 Салн. 28:9).
• Јеһова сизин һәр бир дуанызы шәхсән динләјир (Зәб. 65:2).
• Давранышыныз Јеһованы ја севиндирә, ја да кәдәрләндирә биләр (Мәс. 27:11).
• Јеһова Өзү сизи ҹәлб едиб (Јәһ. 6:44).
• Јеһова сизи о гәдәр јахшы таныјыр ки, өлсәниз белә, сизи дирилтмәјә гадирдир. О сизин бәдәнинизи јенидән јарадаҹаг, дүшүнҹәнизи, хатирәләринизи, характеринизи олдуғу кими бәрпа едәҹәк (Јәһ. 11:21—26, 39—44; Һәв. 24:15).
27 ФЕВРАЛ — 5 МАРТ
АЛЛАҺЫН КӘЛАМЫНДАКЫ ХӘЗИНӘ | 1 САЛНАМӘЛӘР 20—22
«Ҝәнҹләрә дајаг олун»
Ҝөрдүјүнүз иши садиг адамлара әманәт един
8 1 Салнамәләр 22:5 ајәсини охујун. Давуд дүшүнә биләрди ки, Сүлејман бу ҹүр бөјүк лајиһәјә башчылыг етмәји баҹармаз. Ахы мәбәд мөһтәшәм олмалыјды, Сүлејман исә ҝәнҹ вә сәриштәсиз иди. Амма Давуд әмин иди ки, Јеһова Сүлејмана бу иши баша чатдырмаға көмәк едәҹәк. Одур ки, Давуд бу лајиһәни дәстәкләмәк үчүн баҹардығыны етди, тикинти үчүн боллуҹа материал топлады.
Ҝөрдүјүнүз иши садиг адамлара әманәт един
7 Давуд дүшүнмәди ки, онсуз да мәбәдин иншасы онун адына јазылмајаҹаг. О, мәбәдин тикинтисини дәстәкләмәк үчүн әлиндән ҝәләни етди. Мәбәд тикилди вә о, Давуд мәбәди кими јох, Сүлејман мәбәди кими таныныр. Арзусу үрәјиндә галдығы үчүн Давуд, әслиндә, пис ола биләрди, амма о, бу һиссләрә гапылмады, әксинә, вар ҝүҹү илә бу лајиһәни дәстәкләди. Мәбәди тикмәк үчүн ишчиләр јығды, дәмир, мис, ҝүмүш, гызыл вә тир-шалбан топлады. Сонра Сүлејманын голуна гүввәт вермәк үчүн деди: «Гој Јеһова сәнә јар олсун, оғлум. Ишин аванд олсун, сәнин һаггында дедији кими, Аллаһын Јеһованын евини инша ет» (1 Салн. 22:11, 14—16).
Өвладынызы вәфтиз олмаға тәшвиг един
14 Ағсаггаллар руһани мәгсәдләр барәдә мүсбәт фикирләр сөјләмәклә валидејнләрә дәстәк ола биләр. 70 илдән артыг өнҹүл кими хидмәт едән бир баҹы алты јашы оланда Чарлз Рассел гардашын онунла етдији сөһбәти хатырлајараг дејир: «О, 15 дәгигә мәнимлә руһани мәгсәдләрим барәдә сөһбәт етди». Ҝөрүндүјү кими, ҝөзәл вә һәвәсләндириҹи сөзләр инсанын һәјатында өмүрлүк из гоја биләр (Мәс. 25:11). Валидејнләрә көмәк кими ағсаггаллар, һәмчинин онлара вә ушагларына ибадәт еви илә бағлы тапшырыглар верә биләр, мәсәлән, ушаглара јашларына вә баҹарыгларына ујғун иш тапшырмаг олар.
15 Јығынҹагдакы диҝәр баҹы-гардашлар да ҝәнҹләрлә марагланмагла валидејнләрә көмәк етмиш оларлар. Ҝәнҹләрин руһани ҹәһәтдән јеткинләшдијини ҝөстәрән әламәтләри ҝөрәндә тәрифләјин. Мәсәлән, онлар јахшы һазырланмыш, сәмими шәрһләр верәндә, һәфтәарасы ҝөрүшләрдә тапшырыгларла чыхыш едәндә, иман сынағындан мөһкәм чыханда вә мәктәбдә тәблиғ едәндә тәрифләмәк мүнасиб оларды. Бунун үчүн јахшы оларды, гаршымыза белә бир мәгсәд гојаг: јығынҹагдан әввәл вә ја сонра ҝәнҹләрдән бири илә сөһбәт едиб онунла үрәкдән марагланаг. Бунун сајәсиндә ҝәнҹләр өзләрини јығынҹағын бир үзвү кими һисс едәҹәк (Зәб. 35:18).
Һикмәт хәзинәсиндән инҹиләр
«Биринҹи Салнамәләр» китабындан диггәтәлајиг фикирләр
21:13—15. Јеһова халгынын чәкдији изтираблара һәссас јанашдығы үчүн мәләјә әмр етди ки, бәланы дајандырсын. Һәгигәтән, «Онун рәһми чох бөјүкдүр».