Дәрс 8

Аллаһа мәгбул олан аилә һәјаты

Аиләдә әрин вәзифәси нәдән ибарәтдир? (1)

Әр арвады илә неҹә давранмалыдыр? (2)

Ата һансы мәс’улијјәти дашыјыр? (3)

Аиләдә арвадын ролу нәдән ибарәтдир? (4)

Аллаһ валидејнләрдән вә ушаглардан нә тәләб едир? (5)

Мүгәддәс Китабын ајры јашамаға вә бошанмаға даир нөгтеји-нәзәри нәдир? (6, 7)

1. Мүгәддәс Китабда дејилир ки, әр аиләнин башыдыр (1 Коринфлиләрә 11:3). Әрин јалныз бир арвады олмалыдыр. Әр вә арвад јашадыглары өлкәнин ганунуна ујғун олараг никаһларыны гејдијјатдан кечирмәлидирләр (1 Тимотејә 3:2; Титуса 3:1).

2. Әр арвадыны өзү кими севмәлидир. Иса өз давамчылары илә неҹә давранырдыса, әр дә өз һәјат јолдашы илә елә давранмалыдыр (Ефеслиләрә 5:25, 28, 29). Әр арвадыны һеч заман дөјмәмәли вә ја онунла пис давранмамалыдыр. Әксинә, әр арвадына еһтирам вә һөрмәт етмәлидир (Колослулара 3:19; 1 Петер 3:7).

3. Аиләсинин гајғысына галмаг үчүн, ата сә’јлә ишләмәлидир. О, арвадыны вә ушагларыны гида, ҝејим вә мәнзиллә тә’мин етмәлидир. Ата, һәмчинин аиләсинин руһани тәләбатларыны да өдәмәлидир (1 Тимотејә 5:8). Аиләсинә Аллаһ вә Онун нијјәтләри һаггында өјрәнмәјә көмәк етмәкдә ата рәһбәрлији өз үзәринә ҝөтүрүр (Тәснијә 6:4-9; Ефеслиләрә 6:4).

4. Арвад әринин хејирхаһ көмәкчиси олмалыдыр (Тәквин 2:18). О, ушаглары өјрәтмәкдә вә тәрбијәләндирмәкдә әринә көмәк етмәлидир (Сүлејманын мәсәлләри 1:8). Јеһова арваддан аиләсинә мәһәббәтлә гајғы ҝөстәрмәји тәләб едир (Сүлејманын мәсәлләри 31:10, 15, 26, 27; Титуса 2:4, 5). Гадын әринә еһтирам ҝөстәрмәлидир (Ефеслиләрә 5:22, 23, 33).

5. Аллаһ ушаглардан, валидејнләринә итаәт етмәји тәләб едир (Ефеслиләрә 6:1-3). Аллаһ ҝөзләјир ки, валидејнләр өз өвладларына тә’лим-тәрбијә верәҹәкләр. Валидејнләр ушаглары илә Мүгәддәс Китабы өјрәнмәк, еләҹә дә онларын руһани вә мә’нәви гајғыларына галмаг үчүн вахт ајырмалыдырлар (Тәснијә 11:18, 19; Сүлејманын мәсәлләри 22:6, 15). Валидејнләр ушагларына сәрт вә амансыз тәрздә тәрбијә вермәли дејилләр (Колослулара 3:21).

6. Әр-арвад арасында проблем јарананда, онлар бирликдә Мүгәддәс Китабын мәсләһәтинә риајәт етмәјә чалышмалыдырлар. Мүгәддәс Китаб севмәјә вә бағышламаға тәшвиг едир (Колослулара 3:12-14). Аллаһын Кәламы кичик проблемләри һәлл етмәк үсулу кими ајры јашамаға тәшвиг етмир. Анҹаг әр: 1) аиләсини тә’мин етмәкдән инадла бојун гачырырса, 2) арвадынын сағламлығына вә һәјатына тәһлүкә јарадаҹаг тәрздә гәддар давранырса вә ја 3) арвадынын Јеһоваја ибадәт етмәсинә гәти сурәтдә мүгавимәт ҝөстәрирсә, арвад ајры јашамаг гәрарына ҝәлә биләр (1 Коринфлиләрә 7:12, 13).

7. Әр-арвад бир-бирләринә садиг галмалыдырлар. Зина һәм Аллаһа, һәм дә һәјат јолдашына гаршы ишләдилән ҝүнаһдыр (Ибраниләрә 13:4). Мүгәддәс Китаба әсасән зина, бошаныб јенидән аилә гурмаға јол верән јеҝанә сәбәбдир (Матта 19:6-9; Ромалылара 7:2, 3). Јеһова, инсанларын Мүгәддәс Китаба әсасланан сәбәбләри олмадан бошаныб, башгасы илә евләнмәсинә нифрәт едир (Малаки 2:14-16).

[17-ҹи сәһифәдә олан шәкилләр]

Аллаһ ҝөзләјир ки, валидејнләр өз өвладларына тә’лим-тәрбијә верәҹәкләр.

Севән ата аиләсини мадди вә руһани ҹәһәтдән тә’мин едир.