Мүгәддәс Китабдан истифадә етмәјә тәшвиг ет

БИЗ һәр кәсин диггәтини Аллаһын Кәламы олан Мүгәддәс Китаба јөнәлтмәк истәјирик. Тәблиғ етдијимиз хәбәр һәмин Мүгәддәс Јазылара әсасланыб вә бизим мәгсәдимиз одур ки, инсанлар сөјләдикләримизин өзүмүзүн дејил, Аллаһын сөзләри олдуғуну баша дүшсүнләр. Инсанларын үрәјиндә Мүгәддәс Китаба етибар ојатмаг лазымдыр.

Тәблиғдә. Һәмишә тәблиғә һазырлашаркән сәнә гулаг асаҹаг инсанлара охумаг үчүн бир вә ја бир нечә ајә сеч. Мүгәддәс Китаба әсасланан нәшр үчүн гыса тәгдимә етмәк истәсән белә, мүвафиг ајә охумағын фајдалы оларды. Мүгәддәс Китаб һәлим инсанлара бизим истәнилән сөзүмүздән даһа чох көмәк етмәјә гадирдир. Мүгәддәс Китабдан охумаг мүмкүн олмајанда ондан шифаһи ситат ҝәтирмәк олар. Биринҹи әсрдә, Мүгәддәс Јазыларын тумарлары елә дә чох дејилди. Бунунла белә, Иса да, һәвариләри дә онлардан чохлу ситат ҝәтирирдиләр. Биз дә ајәләри әзбәрләмәјә вә хидмәтдә онлардан мүнасиб шәкилдә истифадә етмәјә, јахуд һеч олмаса, ситат ҝәтирмәјә чалышмалыјыг.

Мүгәддәс Китабдан охумаға имкан јарананда, китабы елә тут ки, сән охудугҹа ев саһиби дә изләјә билсин. Анҹаг ев саһиби өз китабындан изләсә, охудугларына мүнасибәти даһа мүсбәт ола биләр.

Амма нәзәрә алмаг лазымдыр ки, бәзи тәрҹүмәчиләр Мүгәддәс Китабы тәрҹүмә едәркән сәрбәстлијә јол вермишләр. Бунун да нәтиҹәсиндә онларын тәрҹүмәләри Мүгәддәс Китабын орижинал дилдә олан мәтнинә там ујғун ҝәлмир. Мүасир тәрҹүмәләрин чохунда Аллаһын ады јазылмајыб, өлүләрин вәзијјәти һаггында илкин әлјазмада ајдын дејиләнләр бу тәрҹүмәләрдә гаранлыг галыб, Мүгәддәс Китабын Аллаһын јерә даир нијјәти һагда дедикләри ҝизли галыб. Һәмсөһбәтимизин ишин нә јердә олдуғуну баша дүшмәси үчүн, ола билсин, әсас ајәләри мүхтәлиф Мүгәддәс Китабларла вә ја һәмин дилдә олан көһнә тәрҹүмәләрлә мүгајисә етмәк лазым ҝәлсин. Тез-тез истифадә олунан ајәләрдәки әсас ифадәләрин мүхтәлиф тәрҹүмәләри «Мүгәддәс Јазыларын әсасында мүлаһизә» китабында мүгајисә едилир. Һәгигәти севән инсанлар бу ҹүр фактлары билмәк имканына ҝөрә миннәтдар олаҹаглар.

Јығынҹаг ҝөрүшләриндә. Һамыны јығынҹаг ҝөрүшләриндә Мүгәддәс Китабларыны ачмаға тәшвиг етмәк лазымдыр. Бунун бир чох шејдә фајдасы вар. Мәсәлән, динләјиҹиләрин диггәтинин мүзакирә олунан мөвзудан јајынмамасына көмәк едир. Онлар јалныз ешитмир, һәм дә ҝөзләри илә ҝөрүрләр, бу исә өз нөвбәсиндә онлара даһа чох тәсир едир. Һәм дә Мүгәддәс Китабы јени өјрәнән инсанлар баша дүшүрләр ки, бизим етигадларымыз һәгигәтән дә Мүгәддәс Јазылара әсасланыб.

Динләјиҹиләрин охунан ајәләри өз Мүгәддәс Китабларында изләјиб-изләмәјәҹәји сәндән әһәмијјәтли дәрәҹәдә асылыдыр. Ән јахшы үсуллардан бири Мүгәддәс Китабы ачмағы онлара бирбаша сөјләмәкдир.

Һансы ајәләри динләјиҹиләрдән ачмағы хаһиш едәҹәјинә натиг өзү гәрар верир. Әсас фикирләри ачыгламаға көмәк едән ајәләри охумаг јахшы оларды. Сонра, вахт јол верәрсә, ҝәтирилән дәлили тәсдиг едән бир нечә башга ајә дә охумаг олар.

Әлбәттә, садәҹә ајәнин һарада јазылдығыны сөјләмәк, јахуд динләјиҹиләри ону ачмаға дәвәт етмәк бәс етмир. Әҝәр динләјиҹиләр бир ајәни ачмаға маҹал тапмамыш сән артыг икинҹисини охумаға башласан, чох кечмәмиш онларын һәвәси өләҹәк вә артыг охунан ајәләри өз Мүгәддәс Китабларында изләмәјәҹәкләр. Диггәтли ол. Динләјиҹиләрин әксәријјәти ајәнин јерини тапдыгдан сонра охумаға башла.

Һәр шеји габагҹадан ҝөтүр-гој ет. Ајәнин јерини ону охумаздан кифајәт гәдәр әввәл сөјлә. Беләликлә, динләјиҹиләрин ајәни тапмаларыны чох ҝөзләмәјәҹәксән. Дүздүр, динләјиҹиләрин Мүгәддәс Китабы ачмасына имкан верәндә нисбәтән аз материал чатдырмаг олур, анҹаг фајдалары нәзәрә аланда ҝөрүрүк ки, буну етмәјә дәјәр.